Isaya 17:8 - MUMA MALER 2015

⁸ Ok ginichak giket genogi kuom kende-mag-liswa, ma lwetgi ema oloso, kata kuom gimoro amora ma gin giwegi ema giseloso, bed ni en sirni milamo, kata kende mag ubani.

Motingʼo Loko Manyien

⁸ Ok gini ngʼi kende mag misango, kata kuom tije mag lwetgi, kendo ok ginibed gi luor ne sirni mag Ashera kata ne kende miwangʼoe ubani ma lwetgi oloso.

Isaya 17:8 ပူးပေါင်းရင်းမြစ်များ

2 Samuel 22:42

Ne girango koni gi koni, to onge ng’amaa ne nyalo resogi. Ne giywak ni Ruoth Nyasaye, to ne ok oduokogi.

2 Weche mag Ndalo 14:5

Noketho hembko duto mane ni kuonde moting’ore gi kende mag ubani e miech Juda duto, mi piny nokue e ndalo lochne.

2 Weche mag Ndalo 31:1

Kane mago duto oserumo, jo-Israel duto mane osechokore Jerusalem nodhi e miech Juda. Ne gimuko sirni milamo mag kite gi mag yien, gi ut lemo mag hembko, kod kende-mag-liswa e piny Juda gi Benjamin kod Efraim gi Manase, nyaka ne gitieko kethogi duto te. Eka jo-Israel duto nodok e miechgi.

2 Weche mag Ndalo 34:4

Nogolo chik, mi ji omuko kende-mag-liswa mag Baal, kaachiel gi kende miwang’oe ubani mane ochung’ e wigi. Nomuko sirni milamo kod kido mopa gi mothedhi, eka notoyogi molokogi buru, kendo nokiro burugo e liete joma nosetimonigi liswa.

Wuok 34:13

Nyaka umuk kendegi mag liswa, kendo uketh sirni maggi milamo, mag kite gi mag yien.

Isaya 1:29

Tinde umor kulemo e tiend yien madongo, kendo kutimo misengni e puothe mowal ni tijno, to achien wiu nokuodi.

Isaya 10:20

Chieng’no jo-Israel ma nyikwa Jakobo manok modong’ nowe keto genogi kuom ng’at mane dwaro tiekogi, to ginigen gi chunygi duto mana kuom Ruoth Nyasaye ma en Ng’ama Ler mar Israel.

Isaya 17:9

E ndalogo miechu mochiel motegno nodong’ nono, mi kethre, mana ka miech jo-Hivi gi jo-Amor mane giweyo ka jo-Israel obiro.

Isaya 2:8

To bende opong’ gi nyiseche manono ma lwetu uwegi ema oloso, ni to mago ema ulamo!

Isaya 27:9

Kapok richo mag jo-Israel opwodhi, to nyaka giketh kendegi mag liswa, mi gireg kitegi olokre buru, kendo ging’ad oko yien gi sirni duto milamo.

Isaya 30:22

Bang’e unukaw nyisecheu manono mubawo gi fedha kata gi dhahabu, mi uwiti ka ukwanogi ka gik ma ok ler, kaka tutu kata chieth.

Isaya 37:19

mi gibolo nyisechegi e mach, kendo gisekethogi chuth, nimar ne ok gin nyiseche kata matin, to mana tich dhano molos gi yath kata gi kidi.

Isaya 41:29

Neyeuru kaka gin gik manono. Gimoro amora ma gitimo onge tich. Nyisechego gin mana yamo makudho!

Isaya 44:15

Dir yadhno omoko mach mondo oo, to dire moko ochwakogo chiemo. Moko to olosogo nyasaye molamo kokulorene piny.

Jeremia 17:2

Yawuotu paro kende-mag-liswa kod sirni milamo mane ochung’ e tiend yien duto motimo tiep, kendo e pidhe

Ezekiel 36:25

Anakir kuomu pi maliw, mi apuodhu kuom nyisecheu mamono, kod gimoro amora mane odwanyou.

Hosea 14:8

Jo-Israel ok nochak olam nyiseche manono kata matin, omiyo anawinj lemogi, kendo naritgi. Anageng’gi mana ka yath ma tipone ng’ich, nimar an ema amiyogi guethgi duto.”

Hosea 14:9

Joma riek mondo owinj weche mondik ka, kendo girwakgi e chunygi. Yore mag Ruoth Nyasaye oriere tir, kendo joma kare luwogi, to joricho chwanyore kendo podho nikech ok giluwgi.

Zefania 1:3

Abiro tieko dhano kaachiel gi le, bende abiro tieko winy ma e kor polo, kod rech ma e nam. Abiro goyo joma timbegi mono piny, mi atiek koth dhano chuth. An Ruoth Nyasaye ema awacho kamano.

Zekaria 13:2

E kindeno, anaruch nying nyiseche manono e piny, mi ok nochak opargi kendo. Bende anatiek jokor wach kod chuny magombo timo timbe makuero.

Rapar mar Chik 7:5

Kuom mano, onego utimnigi mana kama: Mukuru kendegi mag liswa, kendo kethuru sirni maggi milamo mag kite gi mag yien, mi uwang’ kido mag nyisechegi manono,