Isaya 17:6 - MUMA MALER 2015

⁶ Joge manok kende ema nodong’, mana kaka olembe manok kende ema dong’ e yath kosepon. Olembe ariyo kata adek nyalo dong’ e bede yath man malo midimidi, to ang’wen kata abich nyalo dong’ e bedene moyarore gi piny. Mago e weche Ruoth Nyasaye Manyalo gik Moko Duto.

Motingʼo Loko Manyien

⁶ Kaka cham dongʼ e puodho bangʼ hulo, e kaka olembe mag zeituni nodongʼ e yath kosepon, olembe ariyo kata adek nyalo dongʼ ewi bede yath mamalo kendo olembe angʼwen kata abich nyalo dongʼ e bedene monyaa,” Jehova Nyasaye ma Nyasach Israel ema owacho.

Isaya 17:6 ပူးပေါင်းရင်းမြစ်များ

1 Ruodhi 19:18

To abiro weyo ji alufu abiriyo kangima, mana jogo duto ma pok ogoyo chongegi piny ni Baal, kendo ma pok onyodhe.”

Isaya 1:9

Ka dine Ruoth Nyasaye Manyalo Gik Moko Duto ok oreso ji manok kuomwa to dine otiekwa chuth, mana kaka ne otiek Sodom gi Gomora.”

Isaya 10:22

Un jo-Israel, kata obedo ni ung’eny ka kuoyo mae dhonam, to ji manok modong’ kuomu kende ema nochak oduogi, nimar Nyasaye oseketo bura makare mabiro tieko joge duto.

Isaya 24:13

Mano e gima biro timore e piny ngima, kendo ni oganda ka oganda. Ji manok kende ema nodong’, mana kaka olemo manok ema dong’ e yadh zeituni moyiengi, kata e yadh mzabibu mihulo bang’ keyo.

Isaya 27:12

Chieng’no Ruoth Nyasaye nochoku un jo-Israel, achiel achiel, chakre aora Yufrate nyaka aora Nael, ka gima ookwanyo olemb yath moyiengi.

Jeremia 4:27

Ruoth Nyasaye osewacho ni piny ngima biro dong’ nono, to ok nokethe chuth.

Ezekiel 39:29

Anapong’ jo-Israel gi Roho mara, mi ok nachak awegi kendo. An Ruoth Nyasaye ema awacho kamano.”

Obadia 1:5

“Ka jokuo obiro gotieno to gikawo mana gik ma gidwaro, kendo ka ji pono mzabibu to pile giweyo moko. Un to wasiku oseyweyou oko gi yuech!

Mika 7:1

A yaye! Koro achalo ng’ama kech kayo, mobiro pono olemo, to oyudo ka yath odong’ nono, ma onge olemo minyalo cham kata mana ng’owo mamitna manyak atamalo.

Jo-Rumi 11:26

Mano e kaka jo-Israel duto nokwo, mana kaka Muma wacho niya, “Jawar nobi koa Sayun. Enogol richo duto mag nyikwa Jakobo.

Jo-Rumi 9:27

Isaya bende nowuoyo kuom jo-Israel kama: “Kata ka jo-Israel ng’eny mana ka kuoyo manie dhonam, to ji manok kuomgi kende ema nokwo,

Rapar mar Chik 4:27

Ruoth Nyasaye noriembu, kendo nokeu e kind ogendini mamoko, mi nudong’ ji manok e kindgi.

Jong’ad Bura 8:2

To Gideon nodwokogi niya, “Ere ndhath gima asetimo? Kata mana gima tinie ma un jo-Efraim usetimo, oloyo mago duto ma dhoodwa osetimo.