Isaya 17:13 - MUMA MALER 2015

¹³ To Nyasaye biro kwerogi, mi giring gidhi mabor, mana ka mihudhi mipiedho e gode, kendo ma yamo tero, kata ka buru ma kalausi keyo.

Motingʼo Loko Manyien

¹³ Kata obedo ni gimor mana ka pi mogingore, to ka akwerogi to giniring ma gidhi mabor, mana machal gi mihudhwe mipiedho e gode ma yamo tero, kata ka yamo mar kalausi.

Isaya 17:13 ပူးပေါင်းရင်းမြစ်များ

Ayub 21:18

mi okeyogi ka mihudhi ma yamo tero, kata ka buru ma yamo kudho?

Ayub 38:11

Eka ne anyise niya, ‘Ka eri ema igikie, ma kik ikadhi! Apakani madongogo nyaka gik mana kaeri.’

Zaburi 1:4

Joricho to ok chal kamano kata matin, to gichalo mihudhi ma yamo tero.

Zaburi 35:5

Malaika mar Ruoth Nyasaye mondo oriembgi, mi gike ka mihudhi ma yamo tero.

Zaburi 65:7

Ikueyo wuo mar nam gi mar apaka. Koko mar ogendini bende ikueyo.

Zaburi 65:8

Kata mana joma odak kuonde maboyo bedo maluor ka owinjo gik madongo ma isetimo. Timbeni kelo mahu mar mor e tung’ piny gi tung’ piny.

Zaburi 9:5

Isekwero ogendini ma ok ong’eyi, kendo itieko joricho, mi irucho nyinggi oko nyaka chieng’.

Isaya 14:25

Ananeg jo-Asuria manie piny, kendo nanyon-gi piny gi tienda e godena. Eka nagol jok mane ruodh Asuria oketo kuom joga, kendo nagony ting’ mapek mane omiyogi.

Isaya 21:15

nikech giseringo lweny mager, minegoe ji gi ligangla kod asere mabith.

Isaya 22:18

Eka enong’wasi motueyi matek, kendo oboli e piny malach, mana ka mpira mowit e pap, kendo gecheni mag lweny mayande isungorigo nosik mana kuno.’ ”

Isaya 27:1

Chieng’no Ruoth Nyasaye nokaw liganglane mabith kendo motegno, mi oneggo Levayathan, kod thuol malich kendo manudore, modak e nam.

Isaya 29:5

To oganda maduong’ ma kedo kodi nochal gi buru. Adier, oganda magerno nochal gi mihudhi ma yamo tero.

Isaya 30:28

Muche bende chalo gi aora mopong’ ma mwomo genge, kendo imo ng’ato nyaka ng’ute. Obiro piedho ogendini gi rapiedhi mar tho, mi omi giba yo ma gidwaro luwo, mana ka faras michiko gi chuma ma otue e dhoge.

Isaya 34:17

En ema oseyiero ni moro ka moro kare, kendo osepogonigi piny, kopimo gi tol. Pinyno nobed margi nyaka chieng’, kendo ginidagie tieng’ gi tieng’.

Isaya 40:15

nikech ogendini duto mag piny ok gimoro kipimo kode. Giromre mana gi pi maton kaa e dapi, kata ka buru momoko e ratil. Adier, chulni gi dhonembe duto yotne mana ka muya!

Isaya 40:24

Ka okudho muya kuomgi, to giner, mi kalausi dhi kodgi mana ka mihudhi, nimar gichalo gi kodhi mokom machiegni, ma tiendegi pok ochwowo lowo.

Isaya 41:11

Koro neuru! Jogu duto ma mon kodu wigi biro kuot, mi gidhier nono. Adier, jogo duto ma kedo kodu norum mi lal nono.

Isaya 8:7

kendo gitetni e nyim Resin kod wuod Remalia, emomiyo abiro kelo kuomgi ruodh Asuria gi joge mag lweny, mabiro pong’o pinygi chuth, mana kaka aora Yufrate maduong’ kendo matut pong’o wang’e kendo mwomo genge, mi o oko.

Daniel 2:35

Gi kanyono nyinyo gi lowo gi mula gi fedha kod dhahabu nokere okere mana ka mihudhi ma yamo tero e ndalo oro, maonge kata matin modong’. To kidi mane ogoyo kidono nolokore got maduong’ mopong’o piny ngima.

Hosea 13:3

Kuom mano ji biro leny nono, mana ka ong’ueng’o, kata ka tho maduono ka nyango tegno. Ginichal mana gi mihudhi ma yamo keyo kar dino, kendo ka iro mawuok e kendo, mi lal nono.

Zefania 2:2

ka pok oteru kuma bor, mi ulal nono ka mihudhi! Ee, chokreuru, kapok Ruoth Nyasaye okelo mirimbe mager kuomu, kata kapok chieng’ mirimbe ochopo.