Isaya 16:7 - MUMA MALER 2015

⁷ Kuom mano, jo-Moab biro ywak. Adier, gibiro ywak malit. Giniywag olemb mzabibu motwo mag Kir-hareseth ma osekethore chuth,

Motingʼo Loko Manyien

⁷ Kuom mano jo-Moab dengo, gidengo kaachiel nikech Moab. Ywaguru kendo ubed gi lit nikech jo-Kir Hareseth.

Isaya 16:7 ပူးပေါင်းရင်းမြစ်များ

2 Ruodhi 3:25

Jo-Israel noketho miech Moab, kendo ng’ato ka ng’ato nodiro kidi e puothe duto mabeyo, nyaka kite nopong’ogi. Ne gidino sokni duto, kendo ne gitong’o yien mabeyo duto. Dala Kir-hareseth kende ema nodong’ ni jo-Moab, to jodir orujre nolwore mobaye.

1 Weche mag Ndalo 12:40

Bende joma nokiewo kodgi, chakre piny Isakar gi Zebulun kod Naftali nokelonigi chiemo mane giting’o gi kenje gi ngamia gi nyumbu kod ruedhi. Ne gin mogo gi olembe mag ng’owo gi mag mzabibu motwo mong’in kod divai gi mo, kaachiel gi dhok kod rombe mang’eny ahinya, nikech mor mane nitie e Israel.

1 Weche mag Ndalo 16:3

kendo nopogonigi chiemo giduto. Ng’ato ka ng’ato ma dichwo kata madhako noyudo makati achiel gi ring’o kod olembe mar mzabibu motwo mong’in.

Isaya 16:11

Kuom mano, chunya ywago jo-Moab gi jo-Kirhereseth, mana ka ng’ama goyo thum e liel.

Isaya 8:19

Kamoro dipo ka ji biro wachonu ni mondo udhi upenj wach kuom ajuok nyakalondo kod ajuoke mamoko majajni kendo madhum. To bende ber ka joma ngima penjo joma otho wach adier? Nyasachgi donge ema onego gipenj wach? Ee, ber mondo giwinj mana chik Nyasaye gi wachne!

Jeremia 48:20

Ginidwoku niya, “Piny Moab oserumo! Ywageuru, nikech oseyudo wichkuot. Gouru milome e bath aora Arnon ni Moab osekethi.

Jeremia 48:31

Mano emomiyo abiro ywago jo-Moab duto kod jo-Kirheres.