Isaya 16:6 - MUMA MALER 2015

⁶ Wasewinjo humb jo-Moab, kaka gin josunga. Adier, wasewinjo kaka ging’are malich, kendo kaka wechegi opong’ gi miriambo lilo.

Motingʼo Loko Manyien

⁶ Wasewinjo sunga mar Moab, kaka otingʼore malo gi wuondruok, kopongʼ gi sunga kod achaya, to dhialruokneno en kayiem nono.

Isaya 16:6 ပူးပေါင်းရင်းမြစ်များ

Ngeche 21:24

Jasunga e nying mowinjore gi ng’ama kawore ma wang’e tek, kendo ma ok dew ji.

Isaya 15:1

Fweny mane Nyasaye onyiso kuom Moab e ma: Ibiro keth Ar gi Kir, miech Moab, otieno achiel, mi piny Moab rum.

Isaya 2:11

nimar ndalo biro ma sunga ma dhano sungorego nodwok piny, to Ruoth Nyasaye kende ema noting’ malo.

Isaya 25:10

kendo nikech lwete nobed ewi godni mondo okonywa. Jo-Moab to nonyon gi tiende, mana kaka dhok nyono tiang’ e kul.

Isaya 25:11

Kanyo ema jo-Moab norieye bedegi mana kaka ng’ama goyo abal rieyo bedene ka kwang’, to Nyasaye notiek sungagi, kaachiel gi gimoro amora ma lwetgi oseloso.

Isaya 28:15

Uwacho niya, “Wasetimo winjruok gi tho. Adier, wasetimo singruok gi Piny Joma Otho. Omiyo ka ohula miwachono biro, to ok obi ywoyowa, nikech waseloso miriambo ka kar konyruokwa, kendo wuondruok e okumba ma wageng’orego.”

Isaya 28:18

mi winjruok mane utimo gi tho, kethre, kendo singruok mane utimo gi Piny Joma Otho, rum. Pi mabubni noywo gik moko, mi unuchal gi piny ma ohula omwomo!

Isaya 44:25

Ang’eyo jonabi mag miriambo kaachiel gi ranyisigi, bende akuodo wi ajuoke. Adwoko weche joma riek chien, kamiyo riekogi lokore gima nono.

Jeremia 48:14

“Un jo-Moab, ere gimomiyo uketoru ni un thuondi mosekedo e lwenje mager?

Jeremia 48:26

“Miuru jo-Moab kong’o mondo omer, nikech gisedagi winjo chikna, an Ruoth Nyasaye. Gibiro ng’ielore e ng’okgi giwegi, kendo ji biro nyierogi.

Jeremia 48:42

Jo-Moab ibiro tieko chuth, mi ok ginichak gibed oganda kendo, nikech ne gitamore winjo chikna.

Jeremia 50:36

Tho ochopo kuom jonabi mage ma jomriambo. Gin joma ofuwo manade! Tho ochopo kuom jolwenje, mi luoro omakogi.

Amos 2:1

Ruoth Nyasaye owacho niya, “Jo-Moab osetimo richo mang’eny, omiyo abiro kumogi mak orem, nikech ne giwango choke ruodh Edom mi giloko buru.

1 Petro 5:5

Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.”