Isaya 16:14 - MUMA MALER 2015

¹⁴ To koro owacho niya, “Bang’ higni adek, ma ok okadho ngang’, duong’ mar Moab norum, kendo ji manok marichoricho ema notony kuom joge mang’enygo.”

Motingʼo Loko Manyien

¹⁴ To sani Jehova Nyasaye wacho niya: Kapok okadho higni adek, mana kaka ja-otongʼo tiyo kaparo hignige adek ma tije rumogo e kaka duongʼ mar Moab kaachiel gi joge mangʼeny duto none achaya, bende joge ma notony nobed manok kendo mayom yom.

Isaya 16:14 ပူးပေါင်းရင်းမြစ်များ

Chakruok 31:1

Jakobo nowinjo ni yawuot Laban wacho niya, “Jakobo osekawo gik wuonwa duto, kendo mwandu ma en go oseyudo mana kuom wuonwa.”

Ayub 14:6

Lok wang’i oa kuom dhano mondo iweye. Kata obedo ni ngimane tek kamano, to we one maber kaka onyalo.

Ayub 7:1

“Thagruok ma dhano nigo e piny chalo mana gi ngima ng’at moter e lweny gi thwon, kendo mana ka tich lwedo matek,

Isaya 11:14

Ginimonj jo-Filistia yo podho chieng’, kendo giniriwre kaachiel, mi giyak jo yo wuok chieng, kamano ginikaw piny Edom gi piny Moab, kendo jo-Amon bende nobed e bwogi.

Isaya 15:5

Chunya lit nikech masira mabiro mako Moab, nimar jodonggi noring nyaka Zoar, mi chop Eglath-shelishia. Ginidh e yo ma dhi Luhith ka giywak, kendo nowinjgi ka giywak malit e yo madhi Horonaim.

Isaya 16:13

Mago e weche mane Ruoth Nyasaye owacho kuom jo-Moab chon.

Isaya 17:4

E ndalogo, duong’ mar Israel nomich matin, mana ka ng’at ma tuo ochamo dende, kendo chue ma yande ochuego olal nono,

Isaya 21:16

Ruoth Nyasaye osewacho niya, “Kapok higa achiel orumo ngang’, to duong’ duto mar jo-Arabu ma Kedar notieki.

Isaya 23:9

Ruoth Nyasaye manyalo Gik Moko Duto ema osechano kelo masirano mondo otiek sunga mar joma ogen, kendo okel achaya kuom ji duto moluor ahinya e piny.

Isaya 25:10

kendo nikech lwete nobed ewi godni mondo okonywa. Jo-Moab to nonyon gi tiende, mana kaka dhok nyono tiang’ e kul.

Isaya 25:11

Kanyo ema jo-Moab norieye bedegi mana kaka ng’ama goyo abal rieyo bedene ka kwang’, to Nyasaye notiek sungagi, kaachiel gi gimoro amora ma lwetgi oseloso.

Isaya 7:16

nikech kata obedo ni koro uluoro ruodh Efraim gi ruodh Aram, to ka pok nyathino ong’eyo pogo gima rach gi gima ber, to pinje ruodhi ariyogo nobed mojwang’

Jeremia 48:42

Jo-Moab ibiro tieko chuth, mi ok ginichak gibed oganda kendo, nikech ne gitamore winjo chikna.

Jeremia 9:23

“Ji mariek kik sungre nikech riekogi, joma rateke bende kik sungre nikech tekogi, kata joma omew kik sungre nikech mwandugi.

Rapar mar Chik 15:8

to ubednigi mang’won, mi uholgi gimoro amora ma gichando.