Isaya 16:12 - MUMA MALER 2015

¹² Kata ka jo-Moab chandore kadhi e hembko manie wi gode mondo otim misengni kendo kata ka gidonjo e hekalu margi mondo gilem, to onge gima giniyudi.

Motingʼo Loko Manyien

¹² Ka Moab ochopo kuonde hembko mag misengini, to ochandore achanda nono; to kata ka odonjo e kare mar lemo, to en mana kayiem nono.

Isaya 16:12 ပူးပေါင်းရင်းမြစ်များ

1 Ruodhi 11:7

Nogero ut lemo ni Kemosh, nyasach jo-Moab, kendo ni Molek, nyasach jo-Amon, ewi got yo wuok chieng’ mar Jerusalem.

1 Ruodhi 18:29

Odiechieng’ nokadho, to ne gimedo dhumore nyaka sa michiwoe misango mar odhiambo. To ne onge dwoko, kata ng’ama dewo ywakgi.

2 Ruodhi 19:12

Kwerena nonego jo-Gozan gi jo-Haran gi jo-Rezef kod jo-Eden ma nodak Telasar. Koro dak ne nyisechegi okonyogi?

2 Ruodhi 3:27

Eka nokawo wuode makayo, mane onego bed ruoth kare, mi onego ewi ohinga, mowang’o ka liswa. Kuom mano mirima maduong’ nomako jo-Israel, kendo ne giweyo kedo kode, mi gidok e pinygi.

Ngeche 1:28

E kinde ma un e thagruok kamano, unuluonga to ok anaduoku, bende unumanya kuonde duto, to ok unuyuda kamoro amora!

Isaya 15:2

Jo Dibon noring kaidho gode mondo olem e hembko man kuno. Jo-Moab to noywag nikech Nebo gi Medeba osekethi, kendo ng’ato ka ng’ato noliel wiye kod tike.

Isaya 16:13

Mago e weche mane Ruoth Nyasaye owacho kuom jo-Moab chon.

Isaya 26:16

Ne wamanyi, A Ruoth Nyasaye, ka wan e chandruok, kendo kane ikumowa, to ne walami mos.

Isaya 37:38

To chieng’ moro, kane oyudo olemo e od Nisrok nyasache, yawuote ma Adramelek gi Sharezer nobiro monege. Bang’e ne giringo, mi gidhi e piny Ararat, to Esarhadon nodoko ruoth kar Senakerib wuon mare.

Isaya 47:13

Isechandori gi jogi mang’adoni rieko kuom ndalo mang’eny, to koro we jokor wach ma rango polo gi sulue, kendo manyisi gik mabiro timore due ka duego, otim ane chir mondo oresi, ka ginyalo!

Jeremia 10:5

Gichalo gi gik mibwogogo winy e pwothe nikech ok ginyal wuoyo. Iting’ogi ating’a nimar ok ginyal wuotho, omiyo kik uluorgi nimar ok ginyal hinyou, to bende onge gima ber ma ginyalo timo.”

Jeremia 48:13

Bang’e jo-Moab noyud ni Kemosh nyasachgi ok nyal konyogi, mana kaka jo-Israel noyudo ni Bethel ma nyasachgi mane gigeno kuome ne ok nyal konyogi.

Jeremia 48:35

Abiro tamo jo-Moab mondo kik tim ni nyisechegi misengni miwang’o pep kod misengni mamoko kuonde moting’ore. An Ruoth Nyasaye ema awacho.

Jeremia 48:46

Ywaguru jo-Moab! Joma ne lamo Kemosh koro osetieki, kendo yawuotgi gi nyigi osemak moter e tuech.

Jeremia 48:7

Ne ugeno kuom tekou gi mwanduu, to koro ibiro mako koda ka un, kendo Kemosh nyasachu ibiro ter e tuech, kaachiel gi jodonge kod jodolo mage.

Kwan 21:28

nimar mach nomuoch Heshbon! Ee, mach noliel e dala Sihon. Noketho Ar dala Moab, kendo notieko gode mag Arnon.

Kwan 22:39

Kamano Balam ne jodhi gi Balak nyaka Kiriath-huzoth,

Kwan 22:41

Kinyne gokinyi Balak nokawo Balaam motero ewi got miluongo ni Bamoth-baal, kuma ne onyalo nenogo oganda jo-Israel duto.

Kwan 23:14

Kamano ne otero Balaam e paw Zofim ewi got Pisga, kendo nogeroe kende abiriyo mag misango, mi ochiwoe rwath achiel gi im achiel e kendo ka kendo.

Kwan 23:28

Kamano notero Balaam ewi got Peor, momanyore gi Jeshimon.

Kwan 24:17

Anene, to ok sani, kendo ang’iye, to ok machiegni. Sulue nobi koa kuom joka Jakobo, kendo ludh duong’ nowuog kuom jo-Israel. Obiro goyo oganda lweny mag jo-Moab, kendo nolo joma sungore.