Isaya 16:1 - MUMA MALER 2015

¹ Ruodhi mag Moab noor chiwo mag rombe Jerusalem, ka gin Sela e thim.

Motingʼo Loko Manyien

¹ Kawuru rombe koa Sela kungʼadogo thim mondo uterne ruodh piny, modak e got mar Nyar Sayun kaka gir chiwo.

Isaya 16:1 ပူးပေါင်းရင်းမြစ်များ

2 Samuel 8:2

Noloyo jo-Moab bende, kendo nochikogi mondo ginind piny, ka giriedo. Eka nopogogi gi tol e migepe adek. Nogolo chik mondo oneg migepe ariyo to migawo achiel mondo odong’. Bang’ mano jo-Moab nobedo e bwo loch Daudi, kendo ne gigolone osuru.

2 Ruodhi 14:7

Amazia nonego jo-Edom alufu apar e holo Kado, mi okawo Sela gi lweny, mochako ni Joksheel. Pod iluonge kamano nyaka chil kawuono.

2 Ruodhi 3:4

Mesha ruodh Moab ne japith rombe, kendo higa ka higa nogolo rombe alufu mia achiel kod piende imbe alufu mia achiel.

Ezra 7:17

To bende nyaka iti gi pesago mana kuom ng’iewo ruedhi gi imbe kod rombe gi gik mibiro timogo misango mar cham kod misango miolo piny. Gigo duto nyaka ichiw e kendo-mar-misango man e Od Nyasachu Jerusalem.

Isaya 10:32

Kawuono ruodh Asuria biro guro kambine Nob. Okwadho bandera ma nyiso ni omonj Sayun, god Jerusalem.

Isaya 42:11

Thim, kod mier man kuno, mondo obed mamor, kaachiel gi kuonde dak mag jo-Arabu ma Kedar. Un joma odak Sela, koguru gi mor ewi gode.

Ezekiel 45:16

“Jopinyu duto nyaka ter chiwogo ir ruoth marito piny Israel.

Mika 4:8

Omiyo in Jerusalem, dala ma Nyasaye ritoe joge, ibiro bedo dala maduong’, kendo loch mane in go chon biro duogoni.