Isaya 15:3 - MUMA MALER 2015

³ Ji nowuoth e yore korwako piende gugru, bende giniywagi ewi udi kendo e akek yore.

Motingʼo Loko Manyien

³ E yore, girwako pien gugru; to ewi udi kod laru maduongʼ, giduto giywak ka gidengo kendo gingʼielore e lowo.

Isaya 15:3 ပူးပေါင်းရင်းမြစ်များ

2 Samuel 3:31

Daudi nowacho ni Joab gi ji duto mane ni kode niya, “Yiechuru lepu, urwakru gi piende gugru, kendo uywag Abner.” Daudi owuon nodhi e liel ka luwo bang’ Abner.

2 Ruodhi 6:30

Kane ruoth owinjo wach dhakono, noyiecho lepe. (Wachno notimore ka ruoth wuotho ewi ohinga, mi ji nong’iye, moneno ni pien gugru ema orwako ei lepe.)

Isaya 15:2

Jo Dibon noring kaidho gode mondo olem e hembko man kuno. Jo-Moab to noywag nikech Nebo gi Medeba osekethi, kendo ng’ato ka ng’ato noliel wiye kod tike.

Isaya 22:1

Wach mane Nyasaye onyiso kuom holo mar Hinom e ma: Un jo-Jerusalem, nyisauru gima omiyo uduto uidho ewi udi.

Isaya 22:4

Mano emomiyo awacho niya, “Weuru ng’iya! Weuru aweya, aywag malit! Kik utem kueyo chunya, nikech jowa oserumo.”

Isaya 3:24

Kuom mano kar winjo tik mang’ue ng’ar, to unuwinj mana tik madum marach. Bende kar bedo gi misip, to tol ema notueugo, kendo kar bedo gi wich molos maber, to bondo ema unubedgo, bende kar rwako nanga maber, to gunia ema unutue e nungou, kendo kar bedo gi chia maber to mbelni mag mach ema nobed e dendu.

Jeremia 19:13

Naketh udi mag Jerusalem gi ut ruodhi Juda, to moloyo udi duto ma osewang’ ubani ewi tetgi ni sulue, kendo ma osepukie lisweche miolo piny ni nyiseche mamoko, mi ginibed mogak mana ka Tofeth.”

Jeremia 48:37

Ng’ato ka ng’ato osepwodho wiye, kendo olielo tike. Giduto gisaro luetegi, kendo girwako piende gugru.

Ywagruok 2:10

Jodonge obet piny, mi oling’ thi. Gisebuko wigi buru, kendo girwakore gi piende gugru. Nyi Jerusalem bende okulo wigi piny.

Ezekiel 7:18

Ginirwak piende gugru, kendo kibaji nogogi marach. Wigi noliel, mi giduto giyud wichkuot.

Amos 8:10

Anami sewni mau lokre ywak mar tho, kendo wendeu mag mor nolokre dengo. Anami urwak pien gugru uduto, kendo uliel wiu. Unuchal joma ywago wuodgi ma miderma, kendo chieng’no nobed malit adier.”

Mathayo 11:21

Nowachonigi niya, “Yaye, un jo-Korazin! Mano kaka unune malit! Yaye, un jo-Bethsaida! Mano kaka un bende unune malit! Dine bed ni honni mane otimnu ne otim mana ne jo-Turo gi jo-Sidon, to dikoro ne giseloko chunygi, mi girwako piende gugru, kendo gibukore gi buru!

Rapar mar Chik 22:8

“Ka igero ot, to nyaka iriw rageng’ e lak tado gi yo ka oko, mondo kik ng’ato podhi koa e wi tatino, mi kel bura mar remo kuom odi.

Jakobo 5:1

Koro un jomwandu, winjuru wachna! Ywaguru kendo gouru nduru nikech masiche mabiro makou.

1 Samuel 5:12

Jogo mane ok otho, to buche nokwodo, kendo ywak mar dalano nochopo nyaka e polo.