Isaya 15:2 - MUMA MALER 2015

² Jo Dibon noring kaidho gode mondo olem e hembko man kuno. Jo-Moab to noywag nikech Nebo gi Medeba osekethi, kendo ng’ato ka ng’ato noliel wiye kod tike.

Motingʼo Loko Manyien

² Jo-Dibon dhiyo e kargi mar lemo, gidhiyo e hembko mag-gi mondo giywagi; kendo jo-Moab goyo nduru nikech Nebo gi Medeba osekethi. Ngʼato ka ngʼato oliel wiye kod tike.

Isaya 15:2 ပူးပေါင်းရင်းမြစ်များ

2 Samuel 10:4

Kuom mano, Hanun nomako joote Daudi, molielo tikgi nyakulchiel, kendo ong’ado lepgi nyabathe, chakre nungogi kalor piny; bang’e noriembogi.

1 Weche mag Ndalo 19:4

Kuom mano, Hanun nomako joote Daudi molielo tikgi, kendo ong’ado lepgi nyabathe, chakre nungogi kalor piny. Bang’e noriembogi.

Ayub 1:20

Bang’e Ayub nochung’, moyiecho lepe kanyisogo kuyo ma en go. Ne olielo wiye apwodha mopodho piny auma.

Isaya 14:31

Un miech Filistia, ywaguru! Un jo-Filistia duto, laluru nono, nimar oganda lweny maduong’ biro, koa yo nyandwat, kochanore maber, kendo ma onge kata ng’at achiel ma digni.

Isaya 15:3

Ji nowuoth e yore korwako piende gugru, bende giniywagi ewi udi kendo e akek yore.

Isaya 16:12

Kata ka jo-Moab chandore kadhi e hembko manie wi gode mondo otim misengni kendo kata ka gidonjo e hekalu margi mondo gilem, to onge gima giniyudi.

Isaya 16:7

Kuom mano, jo-Moab biro ywak. Adier, gibiro ywak malit. Giniywag olemb mzabibu motwo mag Kir-hareseth ma osekethore chuth,

Isaya 22:12

Chieng’no Ruoth Nyasaye Manyalo Gik Moko Duto noluongu mondo uywagi kendo udengi, kendo mondo uliel wiu kendo urwak piende gugru.

Isaya 3:24

Kuom mano kar winjo tik mang’ue ng’ar, to unuwinj mana tik madum marach. Bende kar bedo gi misip, to tol ema notueugo, kendo kar bedo gi wich molos maber, to bondo ema unubedgo, bende kar rwako nanga maber, to gunia ema unutue e nungou, kendo kar bedo gi chia maber to mbelni mag mach ema nobed e dendu.

Jeremia 3:21

“Koko gore ewi gode! Gin jo-Israel ma ywak ka kwayo ng’wono, nimar gisebedo ka giluwo yore maricho, ka ok gidew Ruoth Nyasaye ma Nyasachgi.

Jeremia 47:2

“Neye kaka pi gingore koa yo nyandwat! Obiro bubni ka aora ma mwomo genge, kendo obiro imo piny duto kod gimoro amora mantie, kaka mier kod joma odakie. Ji biro goyo nduru mondo okonygi, kendo ng’ato ka ng’ato manie piny noywag malit.

Jeremia 47:5

Jo-Gaza oseliel wigi, ka nyiso ni gin gi kuyo maduong’, kendo jo-Ashkelon oling’ thi. Jo-Filistia modong’ noywag nyaka karang’o?

Jeremia 48:1

Ruoth Nyasaye Manyalo Gik Moko Duto kendo ma Nyasach Israel nowuoyo kuom jo-Moab kama: “Ywaguru jo-Nebo, nimar dalagi okethi! Kiriathaim osekaw, mi omuk kama ochiel motegno manie dalano. Joma odak kuno wigi okuot,

Jeremia 48:18

To un joma odak Dibon, weuru duong ma un-go, mondo ubed piny e buru, nikech jaketh Moab osebiro kuomu, kendo oketho kuondeu mochiel motegno.

Jeremia 48:31

Mano emomiyo abiro ywago jo-Moab duto kod jo-Kirheres.

Jeremia 48:35

Abiro tamo jo-Moab mondo kik tim ni nyisechegi misengni miwang’o pep kod misengni mamoko kuonde moting’ore. An Ruoth Nyasaye ema awacho.

Jeremia 49:3

Un jo-Heshbon, ywaguru, nikech dalau osekethi! Un mond Raba denguru kendo urwak piende gugru, mi uring koni gi koni, nimar Milkom nyasachu ibiro kaw mi ter e tuech, kaachiel gi jodolo mage kod jodonge.

Jeremia 7:29

“Yaye, jo-Jerusalem, ma yie wiu maboyo en ranyisi ni un joma owalna, dhiuru uliego oko, kendo udhi uywagi ewi gode, nimar an Ruoth Nyasaye asedagi joma akechogogi kendo aseweyogi.

Ezekiel 27:31

Giselielo wigi ka giywagi, kendo girwako piende gugru. Giywak matek, ka chunygi lit ahinya.

Ezekiel 30:2

“Wuod dhano, kor wach ni an Ruoth Nyasaye awacho kama: “Ywaguru,

Ezekiel 7:18

Ginirwak piende gugru, kendo kibaji nogogi marach. Wigi noliel, mi giduto giyud wichkuot.

Tim jo-Lawi 13:40

Ka yie wi ng’atno oluny, modoko rabondo gi e dier wiye to mano ok mi odok mogak.

Tim jo-Lawi 21:5

Jodolo kik liel yie wigi atuota, ka ginyisogo ni giywak, kata kik gitit yie tikgi, kata kik gisar dendgi.

Amos 8:10

Anami sewni mau lokre ywak mar tho, kendo wendeu mag mor nolokre dengo. Anami urwak pien gugru uduto, kendo uliel wiu. Unuchal joma ywago wuodgi ma miderma, kendo chieng’no nobed malit adier.”

Kwan 21:28

nimar mach nomuoch Heshbon! Ee, mach noliel e dala Sihon. Noketho Ar dala Moab, kendo notieko gode mag Arnon.

Kwan 21:30

Nyikwagi orumo, chakre Heshbon nyaka Dibon, to mach pod liel kochomo Medeba!”

Kwan 32:3

“Piny moting’o Ataroth gi Dibon gi Jazer gi Nimra gi Heshbon gi Eleale gi Sebam gi Nebo kod Beon

Kwan 32:38

gi Nebo gi Baal-meon, (mane nyinge oloki) kod Sibma. Mago e nying mane gichako mier mane gigerogo.

Rapar mar Chik 14:1

“Un e nyithind Ruoth Nyasaye ma Nyasachu, omiyo kik usar dendu kata kik uliel nyiem wengeu kuywago ng’at motho,

Rapar mar Chik 34:1

Musa nowuok oa e paw Moab moidho got Nebo nyaka wi Pisga yo wuokchieng’ mar Jeriko, mi Ruoth Nyasaye nonyise piny Kanaan duto, chakre Gilead nyaka Dan,