Isaya 14:9 - MUMA MALER 2015

⁹ Piny joma otho otuk duto mondo oromni kidonjo kuno. Adier, joma ne osetho ochiew mondo oromni, koda ka mago, mane osebedo jotelo e piny ka. Ee, jogo duto mane osebedo ruodhi mag pinje a malo e kombegi.

Motingʼo Loko Manyien

⁹ Piny joma otho otuk duto ka romoni kidonjo kuno, kendo ochiewo chunje joma ne osetho mondo omosi, ma gin jogo duto mane jotelo e piny; omiyo jogo duto mane ruodhi mag ogendini aa malo e kombegi mag loch.

Isaya 14:9 ပူးပေါင်းရင်းမြစ်များ

Ngeche 15:24

Ng’at mariek idho yo matere e ngima, to ok oluw yo maridore kochomo tho.

Isaya 5:14

Emomiyo piny joma otho ong’amo dhoge malach, ka dande oyawore, mondo omwonygo joma ogen kaachiel gi ji mamoko duto, e kinde ma gikokie gi mor.

Jeremia 50:8

“Un jo-Israel, ringuru ua Babulon! Ringuru ua e pinyno! Un ema ukuong wuok ka nyuogi ma telo ni kweth.

Ezekiel 26:20

Abiro teri e piny joma otho, mondo ibed gi joma notho chon. Anami idag e piny manie bwo lowono, kibudho e bur matut e kind gik machon mokethore, mi ok nichak iduog e piny joma ngima.