Isaya 14:6 - MUMA MALER 2015

⁶ In ruodh Babulon, ne isando ogendini pile gi gero, kigoyogi, kendo kinyonogi piny gi mirima maonge yueyo.

Motingʼo Loko Manyien

⁶ mane gisandogo ogendini pile gi gero ka gigoyogi maonge yweyo, kendo ka gitiyogi gi gero malich maonge giko.

Isaya 14:6 ပူးပေါင်းရင်းမြစ်များ

2 Weche mag Ndalo 36:17

Emomiyo nokelonigi ruodh jo-Babulon, monego yawuotgi e Hekalu, kendo ne ok okecho wuowi kata nyako, ng’at motegno kata jaduong’ moti. Ruoth Nyasaye nochiwogi duto e lwete,

Ayub 9:13

Mirimb Nyasaye osiko. Ne otieko wasike mane okonyo Rahab ondieg nam, kapiem kode.

Ngeche 21:30

Rieko gi ng’eyo kod paro matut, Ruoth Nyasaye ok kwan ka gimoro.

Ngeche 28:15

Jatelo marach ma rito joma chandore chalo mana gi sibuor modenyo, kata ka ondiek ma kech nego.

Isaya 10:14

Lweta oseyudo kuonde ma mwandugi nitie, kendo asekawo pinje duto mana kaka ng’ato kawo tong’ e od winyo ma oringo, ma onge gima kwadho buombe, kata ma ng’amo dhoge, kata ma chwicho!”

Isaya 14:5

Ruoth Nyasaye oseturo ludh loch mar joricho, ma lochgi orumo.

Isaya 33:1

Yaye unune malit un jo-Asuria! Useketho gik moko, to un pok okethu. Bende usendhogo ji, to un pok ondhogu. To koro ka usetieko ketho gik moko, to un ema ibiro kethu, kendo ka utieko ndhogo ji, to un ema ibiro ndhogu.

Jeremia 25:26

kaachiel gi ruodhi duto mag pinje man yo nyandwat, kuonde maboyo gi machiegnni duto. Jopinjego duto ne omi omadho kikombeno. Bang’e mogik, ruodh Babulon biro madhe.

Jeremia 25:9

‘Abiro kelo ogendini duto moa yo nyandwat, kendo abiro kelo jatichna Nebukadnezar ruodh Babulon. Ogendinigo biro kedo gi pinyni kod joma odakie kendo gibiro kedo gi ogendini duto modak machiegni. Abiro tiekogi chuth, mi piny biro dong’ nono malich, mabwogo ji, kendo ma ji chayo. An Ruoth Nyasaye ema awacho kamano.

Jeremia 48:17

Un joma odak machiegni kode, kendo un ji duto mong’eyo humbe, ywageuru kuwacho niya, ‘Lochne maratego osekethi, kendo humbe gi duong’ne oserumo.’

Jeremia 50:31

“In Babulon isungori ahinya, omiyo an Ruoth Nyasaye Manyalo Gik Moko Duto amon kodi, kendo kinde koro osechopo ma akumie.

Ywagruok 1:21

Winj kaka achur, to onge ng’ama kue chunya. Kane wasika duto owinjo chandruok ma an go, ne gidoko mamor kuom gima nitimo. To kel odiechieng’ mane isechiko, mondo gin bende gichal koda.

Daniel 4:35

Ji ma odak e piny nenore ka gima tin e nyime, bende otimo gima en ema ohero gi ogendini mag polo kod ji manie piny. Onge ng’ama nyalo mone timo gima odwaro, kata mana penje gima otimo.”

Habakuk 1:17

A Nyasaye, koro ibiro weyo gitimo kamano nyaka chieng’ ka ginego ogendini anega, to ok idew?

Habakuk 2:5

Andhoke ma jo-Babulon sungore, to ok ginidhi maber. Gisechoko ogendini mang’eny moa e pinje mopogore opogore, ka wuoro omakogi, to ok ginyal yieng’.

Jakobo 2:13

Jang’ad bura ok nokech ng’at ma ok kech ji. Ng’at ma kecho ji to onge gima oluoro kuom jang’ad bura.