Isaya 14:23 - MUMA MALER 2015

²³ Abiro loko Babulon siany, kendo time kama chiewo ema dakie. Anakethe chuth mana ka gima oywe gi yuech.” Mago e weche mar Ruoth Nyasaye Manyalo Gik Moko Duto.

Motingʼo Loko Manyien

²³ “Abiro loko kar dakne ochal gi kar dak tula, kendo kar siany; mi anayweye oko kendo tieke chuth.”

Isaya 14:23 ပူးပေါင်းရင်းမြစ်များ

1 Ruodhi 14:10

Emomiyo abiro keloni masira ni dhoodi, kendo abiro tieko joodi machwo duto koda ka wasumbni, ma onge ng’ati ma nodong’ e Israel, kendo abiro yweyo jodhoodi oko pep, mana kaka ng’ama wang’o owuoyo marum chuth.

2 Ruodhi 21:13

Abiro pimo Jerusalem gi tol mane apimogo Samaria, kendo gi rapim mane apimogo dhood Ahab. Abiro nang’o Jerusalem mapoth, mana kaka kungu nang’o puodho.

Isaya 13:20

Ng’ato ok nochak odag kuno kuom tienge duto mabiro. Onge ja-Arabu ma nogur hembe kanyo, bende onge jakwath ma nokwa jambgi kuno.

Isaya 13:6

Gouru uwi, un jo-Babulon, nimar chieng’ ma Ruoth Nyasaye Manyalo Gik Moko Duto oseketonu koro ochopo machiegni! En odiechieng’ ma abiro keloe masira maduong’ e piny.

Isaya 21:1

Wach mane Nyasaye onyiso e fweny kuom thim man but nam e ma: E fweny malichno nanenoe kalausi mager kaa e thim man yo milambo, ma en piny ma ji oluoro.

Jeremia 50:26

Monjuru Babulon kuonde duto koni gi koni, mondo umuk derene. Dhururu gik muyako ka pidhe mag cham. Kethuru dalano ma kik gimoro dong’ie.

Jeremia 50:3

Oganda moa yo nyandwat osebiro monjo Babulon, kendo biro loke thim, mi ji kod jamni biro ringo, kendo onge ng’ama biro dakie.

Jeremia 51:62

Bang’e ilem kama: ‘A Ruoth Nyasaye, isewacho ni ibiro ketho dalani, maonge gima ngima kaka dhano kata le, ma nodagie, kendo ni obiro dong’ nono nyaka chieng’.’

Zefania 2:14

Kueth mag jamni nogudre kuno, kaachiel gi le duto mag thim. Achuth gi otenga bende nobed kayueyo ewi sirni modong’ kochung’ kuno, kendo tula kod agak noywagi e dirise kod dhoudi, bende yien mabeyo mane obawgo kor udi nodong’ kong’iengore.

Fweny 14:8

Eka malaika mar ariyo noluwe kawacho niya, “Yaye! Babulon, dala maduong’, osepodho! Osepodho! En e dhako mane omiyo ogendini duto omadho divai mar terruokne. En divai makelo mirimb Nyasaye.”

Fweny 18:2

Nokok matek niya, “Yaye! Babulon dala maduong’ osepodho! Osepodho! Osedoko kar dak mar jochiende, kendo odoko gunda ma chuny duto mochido odakie, kaachiel gi winy duto ma ok ler kendo makuero.