Isaya 14:12 - MUMA MALER 2015

¹² In ratego, sulue mar okinyi marieny matek, mano kaka isepodho ka ia e polo!

Motingʼo Loko Manyien

¹² Mano kaka isepodho kia e polo, yaye ratego, sulwe mar okinyi! Oseboli e piny in ma yande itieko ogendini.

Isaya 14:12 ပူးပေါင်းရင်းမြစ်များ

Isaya 13:10

Sulue mag polo ok norieny, kendo wang’chieng’ nolokre mudho ka wuok. Due bende ok norieny.

Isaya 34:4

E ndalono gik moko duto manie polo malo noleny, mi lal nono. Polo bende nodol mana ka kalatas, kendo sulue nolwar piny mana ka oboke moner, kata ka olemo mochiek.

Jeremia 50:23

Babulon ne chalo gi nyundo mane ogoyo piny ngima, to koro nyundono otur matindotindo. Jopinje duto obwok kuom gima osetimorene.

Jeremia 51:53

Kata da bed ni Babulon nyalo idho, mi tundi e polo, kendo ger udi motegno kuno, to pod daor ji mondo okethe. An Ruoth Nyasaye ema awacho kamano.

Ywagruok 2:1

Mano mudho mandiwa manade, ma Ruoth Nyasaye osekumogo Sayun, ka iye owang’! Hekalu mar Israel, ma duong’ne yande otundo nyaka e polo, osewito piny, chieng’ bura, ka ok oparo ni en raten tiende.

Ezekiel 26:17

Bang’e giniwer wend ywak mawacho niya: Dala marahuma osekethi, kendo yiedhi mage olal nono. Chon jodalano ne nigi loch e nam, kendo ji duto modak e dhonam noluorogi.

Obadia 1:4

To kata bed ni ugero dalau midimidi malo ka od ongo, mi uchal mana gi joma odak e kind sulwe kamano, to abiro dwokou piny.” Ruoth Nuasaye omedo wacho niya,

Luka 10:18

Yesu nowachonigi ni, “Ne aneno ka Satan lwar a e polo, mana ka mil polo!

2 Petro 1:19

Omiyo wamedo yie matek moloyo kuom wach mane jonabi okoro. Ber mondo urit wachno chuth, nikech en kaka taya maliel kama otimo mudho, nyaka piny yawre, mi sulue mar okinyi wuog karieny e chunyu.

2 Petro 2:4

Nyasaye ne ok oweyo malaika mane oketho mak okumo, to nowitogi e mach ma ok tho, kuma otuegie e mudho gi nyororo ka girito Chieng’ Bura.

Fweny 2:28

kendo notogi matindotindo ka mbalatago. To bende anamiye sulue mar okinyi.

Fweny 22:16

“An Yesu aseoro malaikana mondo ohulnu wechegi ukonygo kanyakla mag jo-Kristo. An Nyakwar Daudi, kendo an sulue mar okinyi.”

Fweny 8:10

Eka malaika mar adek nogoyo tung’ne, mi sulue maduong maliel ka meny nolwar oa e polo. Ne olwar kuom achiel mar adek mar aore duto, kendo kuom sokni duto.

Fweny 9:1

Eka malaika mar abich nogoyo tung’ne, mi aneno sulue moro mane oselwar e piny koa e polo. Sulueno ne omi rayaw mar Bur Matut Maonge Gikone.