Isaya 13:9 - MUMA MALER 2015

⁹ Adier, chieng’ ma Ruoth Nyasaye oseketo biro. En odiechieng’ mirima gi ichwang’ mager, ma obiro kethoe piny, mi lokre thim, kendo otiekie joricho duto.

Motingʼo Loko Manyien

⁹ Neuru, odiechieng Jehova Nyasaye biro, en odiechiengʼ malich man-gi mirima kod kum mager, mabiro weyo piny gunda, kendo joricho manie iye.

Isaya 13:9 ပူးပေါင်းရင်းမြစ်များ

Zaburi 104:35

Onego tiek joricho e piny. Adier, joma timbegi mono mondo olal nono. A chunya, pak Ruoth Nyasaye! Ee, wadendeuru!

Ngeche 2:22

To Nyasaye noriemb joricho e piny, kendo nopudh joma timbegi mono gi lop tiendgi, mana ka buya mipudho e lowo.

Isaya 13:6

Gouru uwi, un jo-Babulon, nimar chieng’ ma Ruoth Nyasaye Manyalo Gik Moko Duto oseketonu koro ochopo machiegni! En odiechieng’ ma abiro keloe masira maduong’ e piny.

Isaya 2:12

Adier, Ruoth Nyasaye Manyalo Gik Moko Duto oseketo chieng, ma noyalie josunga ma kawore, mi oruch e buru.

Isaya 34:8

nimar Ruoth Nyasaye oseketo chieng’ ma obiro chuloe kuor. Adier, oseketo higa ma nokumie jo-Edom kuom gima ne gitimo ni Sayun.

Isaya 63:4

Ne asechano chieng’ ma achuloe kuor, kendo higa ma aresoe joga osechopo.

Isaya 66:17

Joma pwodhore kendo bedo maler, ni mondo odhi e hembko, ka moro ka moro luwo wadgi, kendo chamo ring mbidhi gi oyieyo kod gik moko makuero, norum dichiel. Ruoth Nyasaye ema owacho kamano.

Isaya 9:19

Omiyo mirimb Ruoth Nyasaye Manyalo Gik Moko Duto biro wang’o piny Israel, kendo ji ema nobed yien michwakogo mach.

Ezekiel 13:5

Ok gidhi mondo gilos kuonde ma ohinga omukoree e piny Israel, omiyo ok ubi siro lweny, chieng’ Ruoth Nyasaye.

Ezekiel 30:3

nikech chieng’ masira chiegni! Adier, chieng’ Ruoth Nyasaye chiegni! Enobed odiechieng’ ma piny dudoe, kendo ma ogendini yudoe chandruok.

Joel 1:15

Chieng’ Ruoth Nyasaye chiegni, chieng’ ma Ng’ama Nyalo Gik Moko Duto keloe masira malich. Chieng’no nobed marach manade!

Joel 2:1

Gouru tung’ kendo gouru uwi e Sayun got maler mar Nyasaye. Jo-Juda duto mondo okirni, nikech chieng’ Ruoth Nyasaye biro machiegni.

Joel 2:31

wang’chieng’ nolokre mudho, kendo due nolokre makwar ka remo, ka pok chieng’ maduong’ miwuoro mar Ruoth Nyasaye ochopo.

Nahum 1:2

Ruoth Nyasaye en Nyasaye ma janyiego kendo ma jachul kuor gi mirimbe mager. Okano mirima e chunye mondo ochulgo ni wasike kuor.

Nahum 1:6

En ng’a manyalo chomo mirimb Ruoth Nyasaye tir? Koso ere ng’ama nyalo siro gero ma en-go? Mirimbe o oko mana ka aora mar mach, kendo lwendni barore abara e nyime.

Nahum 1:8

kendo oresogi e ohula ma raywoyi. Joma opiem kode to otieko chuth, kendo oriembogi koterogi e mudho.

Zefania 1:15

Chieng’no en chieng’ bura, kendo en chieng’ ywagruok gi rem, bende en chieng’ kethruok gi lal, kod mudho gi kuyo, kaachiel gi rumbi molil kod ong’ueng’o malich. En chieng’ ma tung’ ywakie,

Zekaria 14:1

Winjuru! Odiechieng’ Ruoth Nyasaye sudo machiegni, ma mwandu Jerusalem noyakie, mi pog mana e wang’u kuneno.

Malaki 4:1

Ruoth Nyasaye Manyalo Gik Moko Duto owacho niya, “Winjuru, ndalo biro ma josunga gi joma richo duto nowang’ie ka tiang’. Chieng’no giniwang’ adier, kendo onge gima nodong’ kuomgi.

Fweny 18:8

Mano omiyo masichene chieng’ moro nopoye chieng’ achiel. Masichego gin tho gi ywagruok kod kech, kendo nowang’e pep gi mach, nimar Ruoth Nyasaye moseng’adone bura nigi teko maduong’!”