Isaya 13:7 - MUMA MALER 2015

⁷ Chieng’onogo lwet ng’ato ka ng’ato nowengni, kendo kibaji nogo ji duto, ma chunygi a chuth.

Motingʼo Loko Manyien

⁷ Nikech wachni, lwet ngʼato ka ngʼato ne jony, kendo kihondko nogo chuny ji duto ma aa.

Isaya 13:7 ပူးပေါင်းရင်းမြစ်များ

Zaburi 58:7

Onego gidwon nono ka pi mopuk e lowo, kendo onego giner ka lum minyono e wang’yo.

Wuok 15:15

Koro luoro omako jodong Edom, kendo ruodhi mag Moab ochako kirni. Ji duto modak Kanaan, bende chirgi olal.

Isaya 19:1

Wach mane Nyasaye onyiso fweny kuom Misri e ma: Neuru kaka Ruoth Nyasaye biro piyopiyo e boche polo. Obiro e piny Misri, emomiyo nyiseche manono mag Misri kirni.

Isaya 37:27

ma joma odakie chalo gi lum ma e pap, maonge gi teko, kata ka lum matwi e tat ot, to ner kapok odongo, nimar ne gionge gi teko, kendo ne ging’eng’ ka luoro omakogi.

Isaya 51:20

Ruoth Nyasaye okumo yawuoti gi kum mager. Ginindo e yore duto mana ka gima gimer, kendo mana ka le ma obadho omako.

Jeremia 50:43

Ruodh Babulon owinjo wach, mi thudhno omako lwete, kendo kibaji goye mana ka dhako ma muoch kayo.

Jeremia 51:30

Jolweny mag Babulon oringo lweny, mopondo mana kuonde mochiel motegno. Luoro omakogi, mi koro gichalo mana mon. Dhorangeye dala osemuki, mowang’ udi gi mach.

Ezekiel 21:12

Yaye, wuod dhano, ywagi kendo chur, nimar liganglano biro nego joga Israel, kaachiel gi jotendgi duto. Kuom mano, tang’ lweti, ka chunyi lit,

Ezekiel 21:7

To ka gipenji gima omiyo ichur, to nyisgi ni ichur nikech gima biro timore. Bende nyisgi ni e kindeno, kihondko nomakgi, kendo bedegi nowengni, mi chir ma gin go lal nono, kendo chongegi tetni. Kindeno osechopo, kendo gigo biro timore. An Ruoth Nyasaye ema awacho kamano.”

Ezekiel 7:17

Lwet ji duto nowengni, kendo chongegi nokirni.

Nahum 1:6

En ng’a manyalo chomo mirimb Ruoth Nyasaye tir? Koso ere ng’ama nyalo siro gero ma en-go? Mirimbe o oko mana ka aora mar mach, kendo lwendni barore abara e nyime.

Nahum 2:10

Mago duto oyaki motieki, ma onge gima odong’. Kibaji goyo joge, kendo chongegi tuomore ka gitetni, kendo wengegi olokore makwar haa!

Nahum 2:11

Koro tinde ere dala mane ong’ere kaka gond sibuor, kama thuondi ne nitie, kendo kama mon gi nyithindo ne odakie ka onge gima giluoro?

Joshua 2:11

Kane wawinjo wachno, ne wadoko maluor. Birou bende osekawo chunywa duto, nimar Ruoth Nyasaye ma Nyasachu en Nyasach polo gi piny.