Isaya 13:5 - MUMA MALER 2015

⁵ Gia e piny mabor, manie tung’ piny mogik. Ruoth Nyasaye ema kelo jogo kaka gige mag lweny mondo okethgo piny gi mirimbe mager.

Motingʼo Loko Manyien

⁵ Gibiro ka gia e pinje man mabor, manie tungʼ piny mogik, Jehova Nyasaye kod gige mager mag lweny, biro mondo otiekgo pinyno duto.

Isaya 13:5 ပူးပေါင်းရင်းမြစ်များ

2 Samuel 1:27

Yaye! Joma rateke osepodho, kendo gigi mag lweny olal nono!”

Isaya 10:5

Ruodh Asuria e luth ma agoyogo ji ka akecho. Ee, en e luth ma akumogo ji ka mirima omaka.

Isaya 13:17

Abiro kelo jo-Media, ma ok dew fedha kata ok gomb dhahabu, mondo omonjgi.

Isaya 24:1

Winjuru! Ruoth Nyasaye biro teng’o piny, mi dong’ nono. Obiro bare, mi oloke ataro, kendo oke joma odakie.

Isaya 26:20

Un joga, donjuru e uteu, mi ulor dhoudi, mondo upond matin mi mirimb Ruoth Nyasaye kadhi,

Isaya 30:27

Neuru! Ruoth Nyasaye biro, kaa kuma bor. Mirimbe liel ka mach ma iche dhuolore. Dhoge tetni gi mirima mager, kendo lewe otimo mach makakni, mawang’o gik moko duto.

Isaya 34:2

nimar Ruoth Nyasaye nigi mirima mager kod ogendini duto, kod jogi mag lweny. Kuom mano osekuong’ogi ni mondo oneggi, mi tiekgi chuth.

Isaya 48:14

Chokreuru un duto, mondo uwinji. Ere nyasachu moro mosehulo gima biro timore, kawacho niya, ‘Ng’at ma ahero ema nokum Babulon kaka adwaro, mi lo jo-Kaldai.’

Isaya 5:26

Mano omiyo obiro ting’o bandera kaka ranyisi ma ogwelo oganda moro modak kuma bor. Obiro luongogi mondo giwuogi e tung’ piny, kendo gibiro biro piyopiyo ka giringo,

Isaya 66:14

Ubiro neno kamano, mi chunyu bed mamor. Dendu nobed maber, mana ka lumb chwiri. An Ruoth Nyasaye ema nami jotichna ong’e tekona; Wasika to nanyis mirimba.”

Isaya 7:18

“E ndalogo, Ruoth Nyasaye noluong jolwenj Misri modak kuonde ma aora Nael ochakoree, kod jolweny mag Asuria.

Jeremia 50:25

An Ruoth Nyasaye Manyalo Gik Moko Duto, aseyawo kama okanie giga mag lweny, kendo asegologi gi mirima, nikech an gi gima onego atim e piny Babulon!

Jeremia 50:3

Oganda moa yo nyandwat osebiro monjo Babulon, kendo biro loke thim, mi ji kod jamni biro ringo, kendo onge ng’ama biro dakie.

Jeremia 50:9

Adhi jiwo ogendini moko marateke modak yo nyandwat mondo obi omonj Babulon. Gibiro riedo ni lweny mondo giked gi dalano mi gikaw. Giniba asere ka jodwar ma josaba ma gima gibayo ok leng’.

Jeremia 51:11

Ruoth Nyasaye osewinjo ruodhi mag Media, nikech odwaro ketho Babulon, mondo ochulgo ni Babulon kuor kuom ketho Hekalu mare. Jotend jolweny golo chik niya, “Piaguru aserni, kendo ikreuru gi tonge.

Jeremia 8:19

Ling’uru ane, awinjo ka joga ywak kuonde duto ma gintie, ka gipenjo niya, ‘Ruoth Nyasaye oseweyo Sayun koso? Ruodh Sayun onge kuno adier?’ To Ruoth Nyasaye ma ruodhgi dwoko niya, ‘Ere gima omiyo usemiya mirima kuom lamo nyiseche mag pinje mamoko?’ ”

Ezekiel 22:31

Kuom mano, abiro tiekogi pep, ka an gi mirima mager ka mach, kakumogi maromre gi timbegi. An Ruoth Nyasaye ema awacho kamano.”

Mathayo 24:31

Enoor malaikane e tung’ piny gi tung’ piny, ka tung’ ywak matek, mondo ochok joge ma oseyiero, chakre e tung’ piny konchiel nyaka komachielo.