Isaya 13:4 - MUMA MALER 2015

⁴ Winjuru kaka koko mar oganda mang’ongo gore ewi gode! En koko mar ogendini ma chokore kaa e pinje mopogore opogore. Ruoth Nyasaye Manyalo Gik Moko Duto choko oganda mang’ongo mar lwenyno.

Motingʼo Loko Manyien

⁴ Winjuru kaka koko wuok e gode; machalo mar oganda mangʼongo, en koko maduongʼ magore e kind pinjeruodhi, machalo mana gi ogendini mangʼeny mochokore kaachiel! Jehova Nyasaye Maratego choko oganda mangʼongo mar lweny.

Isaya 13:4 ပူးပေါင်းရင်းမြစ်များ

Isaya 17:12

Winjuru! Mano e koko mar ogendini mang’eny, gimor mana ka nam ma wuo! Chikuru itu! Donge uwinjo kaka ogendini mwomore, gimwomore mana ka apaka madongo!

Isaya 48:14

Chokreuru un duto, mondo uwinji. Ere nyasachu moro mosehulo gima biro timore, kawacho niya, ‘Ng’at ma ahero ema nokum Babulon kaka adwaro, mi lo jo-Kaldai.’

Isaya 5:26

Mano omiyo obiro ting’o bandera kaka ranyisi ma ogwelo oganda moro modak kuma bor. Obiro luongogi mondo giwuogi e tung’ piny, kendo gibiro biro piyopiyo ka giringo,

Isaya 5:30

Ginikog kuom jo-Israel chieng’no, mana ka nam matwaro, kendo ka ng’ato orango piny to mudho gi chandruok ema none, bende wang’chieng’ noimre e boche polo.

Jeremia 21:4

ni mondo onyis Zedekia ni Ruoth Nyasaye ma Nyasach Israel owacho niya, “Jolweny ma konyo Zedekia kedo gi ruodh Babulon gi joge mag lweny molworo ohinga mar Jerusalem abiro dwoko ei dala, kendo abiro dhuro gikgi mag lweny pidhe pidhe e chuny dala.

Jeremia 25:14

Ogendini mang’eny kod ruodhi madongo nolokgi wasumbini, kendo abiro chulonigi kuor kuom timbegi.’ ”

Joel 2:25

An ema naoronu bonyogo kaka ogandana mar lweny, to abiro dwokonu gik mane olalnu e higni mane gichamoe puotheu.

Joel 3:14

Ji gana gi gana nie holo mar ng’ado bura. Kanyo ema chieng’ Ruoth Nyasaye chiegni chopoe.

Fweny 18:8

Mano omiyo masichene chieng’ moro nopoye chieng’ achiel. Masichego gin tho gi ywagruok kod kech, kendo nowang’e pep gi mach, nimar Ruoth Nyasaye moseng’adone bura nigi teko maduong’!”