Isaya 13:20 - MUMA MALER 2015

²⁰ Ng’ato ok nochak odag kuno kuom tienge duto mabiro. Onge ja-Arabu ma nogur hembe kanyo, bende onge jakwath ma nokwa jambgi kuno.

Motingʼo Loko Manyien

²⁰ Onge ngʼat manochak obedi e iye kata dak kuno e tienge duto mabiro; onge ja-Arabu moro manodag kuno; bende onge jakwath mano kwa jambe kanyo.

Isaya 13:20 ပူးပေါင်းရင်းမြစ်များ

2 Weche mag Ndalo 17:11

Jo-Filistia moko ne kelo ni Jehoshafat mich, kaachiel gi fedha ma gichulogo osuru. Jo-Arabu bende nokelone imbe alufu abiriyo gi mia abiriyo kod nyuogi alufu abiriyo.

Ayub 3:7

Otienono obed otieno ma ok makie ich nyathi, kendo ma koko mar mor ok winjie.

Wer Mamit 1:7

In jaherana, nyisa kuma ibiro dhi kwayoe jambi. Gibiro yueyo kanye godiechieng’? Ere gima omiyo onego amanyi kuonde ma jokwath mamoko kwayoe?”

Isaya 14:23

Abiro loko Babulon siany, kendo time kama chiewo ema dakie. Anakethe chuth mana ka gima oywe gi yuech.” Mago e weche mar Ruoth Nyasaye Manyalo Gik Moko Duto.

Isaya 21:1

Wach mane Nyasaye onyiso e fweny kuom thim man but nam e ma: E fweny malichno nanenoe kalausi mager kaa e thim man yo milambo, ma en piny ma ji oluoro.

Isaya 25:2

Iseketho mier, mi udi momukore odhurore pidhe pidhe. Adier, iseloko mier mochiel motegno pidhe mag kite, mi udi mabeyo mag jopinje mamoko osekethore chuth, kendo ok nochak oger.

Isaya 34:17

En ema oseyiero ni moro ka moro kare, kendo osepogonigi piny, kopimo gi tol. Pinyno nobed margi nyaka chieng’, kendo ginidagie tieng’ gi tieng’.

Jeremia 49:33

Hazor nolokre thim nyaka chieng’, kama ondiegi ema dakie. Onge ng’ama nodag kuno, kata mana ma nobuorie.”

Jeremia 50:13

nikech asekume gi mirimba mager. Omiyo onge ng’at ma nodag Babulon, to enodong’ mana gunda. Ji duto mokadho kanyo nobed maluor, mi dhier nono kuom gima osetimorene.

Jeremia 50:21

“Monjuru jo-Marathaim kod jo-Pekod, mi uneggi kendo utiekgi. Timuru gik moko duto ma achikou. An Ruoth Nyasaye ema awacho kamano.

Jeremia 50:3

Oganda moa yo nyandwat osebiro monjo Babulon, kendo biro loke thim, mi ji kod jamni biro ringo, kendo onge ng’ama biro dakie.

Jeremia 50:39

Kuom mano gibuya gi ondiegi kod winy makuero nodag kuno. Onge ng’ama nochak odag kuno nyaka chieng’.

Jeremia 50:45

“Omiyo winjuru gima asechano timo ni dala Babulon, kod joma odakie, kata mana nyithindgi bende noywa oko, mi kibaji nogo ng’ato ka ng’ato.

Jeremia 51:25

Babulon, ichalo gi got maketho piny ngima, to an Ruoth Nyasaye an jasiki. Abiro maki, mi agoyi piny milokri buru.

Jeremia 51:29

Piny tetni kendo yiengni, nikech Ruoth Nyasaye loko Babulon thim maonge ng’ama dakie, mana kaka nosechano.

Jeremia 51:37

Babulon nodong’ gunda ma ondiegi ema dakie. Nobed kama bwogo ji ma onge ng’ama odakie, kendo kibaji nogo ji duto moneno gima osetimorene.

Jeremia 51:43

Miech jo-Babulon osedoko gik mabwogo ji, kendo chalo mana gi thim ma pi ongee. Ng’ato ok dagie kata wuothie.