Isaya 13:16 - MUMA MALER 2015

¹⁶ Nyithindgi bende nochwad piny e wang’gi ka gineno. Utegi noyaki, kendo mondgi bende nomak gi thwon.

Motingʼo Loko Manyien

¹⁶ Nyithindgi madhoth nochwad piny e wangʼ-gi ka gineno, utegi noyaki, kendo mondegi nomak githuon.

Isaya 13:16 ပူးပေါင်းရင်းမြစ်များ

Isaya 13:18

Jo-Media biro nego yawuotgi gi asere, gin joma ok kech kata mana nyithindo.

Isaya 14:21

Ikreuru uneg yawuote nikech richo wuon gi, mondo kik gichak giyud loch mi gikaw piny, kendo gipong’e gi miechgi.

Isaya 47:9

To kata obedo ni iparo kamano, to piyopiyo nono gik moko ariyogo notimreni riat odiechieng’ achiel, mi inidong’ chi liel, kendo nyithindi bende notho. Mago duto notimreni, ma kata yiendi mang’enygo ok nokonyi.

Jeremia 51:22

kuom nego chwo gi mon, kod joma dongo gi joma tindo, kaachiel gi yawuowi gi nyiri. Bende ne akonyora kodi

Ywagruok 5:11

Mon gi nyiri ne omak gi thwon e Sayun kendo e miech Juda.

Hosea 10:14

lweny biro buko jou, mi miechu mochiel motegno nokethi. Enochal gi kinde mane ruoth Shalman okethoe dala mar Betharbel gi lweny, monego kata mana mine gi nyithindgi.

Nahum 3:10

To kata kamano, en bende ne oloye, mi omak joge moter e tuech. Nyithind dalano ne ochwad piny e akek yore, mi otho, kendo ne ogo ombulu mondo ong’ego joma dikaw jotende ka wasumbni. Jodongo mage duto bende ne otue gi nyororo.

Zekaria 14:2

Enochok ogendini duto mondo oked gi Jerusalem, kendo dalano nokaw, mi mwandu manie udi noyaki, bende mon nomak gi thwon. Bath dala konchiel noter e tuech, to bathe komachielo nowe mana kanyo.