Isaya 13:10 - MUMA MALER 2015

¹⁰ Sulue mag polo ok norieny, kendo wang’chieng’ nolokre mudho ka wuok. Due bende ok norieny.

Motingʼo Loko Manyien

¹⁰ Sulwe mag polo kod lergi ok nonenre. Wangʼ chiengʼ nolokre mudho, kawuok kendo dwe bende ok norieny.

Isaya 13:10 ပူးပေါင်းရင်းမြစ်များ

Ayub 9:7

Nyasaye nyalo mono chieng’ wuok, kata mono sulue rieny gotieno.

Eklesiastes 12:2

Mano e ndalo ma koro wang’chieng’ gi due kod sulue olokorenu mudho, kendo wang’u otimo bo, mana ka gima boche polo osiko kanenore anena e wang’u.

Isaya 24:21

Chieng’no Ruoth Nyasaye nong’ad bura, mi malaika mae polo, nokum e polo, kendo ruodhi mae piny, nokum e piny.

Isaya 24:23

Due norieny matiptip, kendo wang’chieng’ bende noimre, nikech Ruoth Nyasaye Manyalo Gik Moko Duto nogur lochne e got Sayun man Jerusalem, mi duong’ne maler norieny e nyim jodonge.

Isaya 47:5

Yaye, dala maduong’ mar jo-Kaldai, bed kiling’ thi, kendo gumbi idhiyo e mudho mandiwa, nimar ok nochak oluongi ni min pinje mang’eny.

Isaya 5:30

Ginikog kuom jo-Israel chieng’no, mana ka nam matwaro, kendo ka ng’ato orango piny to mudho gi chandruok ema none, bende wang’chieng’ noimre e boche polo.

Isaya 50:3

Aloko polo doko marateng’ ti, mana ka gima aume gi pien.”

Joel 2:10

Piny yiengni e nyimgi, to polo bende tetni. Wang’ chieng’ gi due oimore, sulue bende ok rieny.

Joel 2:31

wang’chieng’ nolokre mudho, kendo due nolokre makwar ka remo, ka pok chieng’ maduong’ miwuoro mar Ruoth Nyasaye ochopo.

Joel 3:15

Wang’ chieng’ gi due olokore mudho, kendo sulue bende ok rieny.

Amos 5:20

Chieng’ Ruoth Nyasaye en mana mudho mandiwa. Adier, en chieng’ molil, maonge ler!

Nahum 1:8

kendo oresogi e ohula ma raywoyi. Joma opiem kode to otieko chuth, kendo oriembogi koterogi e mudho.

Zekaria 14:6

Chakre chieng’no koyo gi pe ok nobedie.

Mathayo 24:29

“To gikanyono, ma masiche mag ndalogo orumoe, ‘Wang’chieng’ noimre, kendo due ok norieny. Sulue bende nopudhre, mi lwar koa e polo, nikech teko momakogi noyiengni.’

Mariko 13:24

“To e ndalo moko bang’ masirano, ‘Wang’chieng’ noimre, kendo due ok norieny.

Luka 21:25

“Ranyisi nobedi e wang’chieng’ gi due kod sulue, kendo ogendini mae piny nobed kodhier nono, kendo ka luor, nikech nam nowuo, kendo apaka nogore madongodongo.

Tich Joote 2:20

Wang’chieng nolokre mudho, to due nolokre makwar ka remo, kapok chieng’ Ruoth ochopo. En chieng’ maduong’ miwuoro!

Fweny 8:12

Bang’e malaika mar ang’wen nogoyo tung’ne, mi achiel kuom adek mar wang’chieng’, gi achiel kuom adek mar due kod achiel kuom adek mar odiechieng’ kod otieno, notimo mudho.