Isaya 12:5 - MUMA MALER 2015

⁵ Weruru ni Ruoth Nyasaye wende pak nikech oselocho, kendo mano nyaka ng’ere e piny duto.

Motingʼo Loko Manyien

⁵ Werne Jehova Nyasaye nikech osetimo gik madongo; kendo mano nyaka ngʼere e piny duto.

Isaya 12:5 ပူးပေါင်းရင်းမြစ်များ

Zaburi 105:2

Werneuru, kendo pakeuru. Huluru gik madongo duto mosetimo.

Zaburi 72:19

Pakuru nyinge maduong’ nyaka chieng’, kendo duong’ne maler mondo opong’ piny! Amin!

Zaburi 98:1

Weruru wer manyien ni Ruoth Nyasaye, nimar osetimo gik malich miwuoro, kendo oselocho gi tekone maler.

Wuok 15:1

Bang’e Musa gi jo-Israel nowero ni Ruoth Nyasaye wendni: “Abiro wer ni Ruoth Nyasaye nikech oseyudo duong’ mipako ahinya. Osewito farese kod joithgi e nam.

Wuok 15:21

Miriam nowernigi niya: “Weruru ni Ruoth Nyasaye, nikech oseyudo duong’ mipako ahinya! Osewito farese gi joithgi e nam!”

Isaya 24:14

Ji biro ywak matek yo podho chieng’, ka gikok niya, “Mano kaka duong’ mar Ruoth Nyasaye ng’ongo!

Isaya 40:9

In mikelo ni Sayun wach maber, idh wi got mabor, kendo ikogi matek. Ee, in mikelo ni Jerusalem wach maber, ting’ dwondi, ikogi matek ka ok iluor, kiwacho ni miech Juda niya, “Eri, Nyasachu ni ka.”

Isaya 42:10

Weruru ni Ruoth Nyasaye wer manyien, kupako nyinge e piny duto. Un mukwang’ e nam, pakeuru kaachiel gi gik manie nam.

Isaya 42:11

Thim, kod mier man kuno, mondo obed mamor, kaachiel gi kuonde dak mag jo-Arabu ma Kedar. Un joma odak Sela, koguru gi mor ewi gode.

Isaya 44:23

Koguru gi mor un polo, nimar Ruoth Nyasaye ema osetimo kamano. Un kuonde matut moloyo mag piny, gouru mahu gi mor, kendo un gode kaachiel gi bunge kod yien, weruru wende locho, nikech Ruoth Nyasaye osewaro jo-Israel ma nyikwa Jakobo, komiyogo nyinge duong’.

Habakuk 2:14

Kinde biro chopo ma joma ong’eyo duong’ mar Ruoth Nyasaye nopong’ie piny ka, mana ka pi mopong’o nam.

Malaki 1:11

Ji manie tung’ piny koni gi koni miyo nyinga duong’. Giwang’ona ubani mang’ue ng’ar kuonde duto, kendo gichiwona misengni ma ayiego. Giduto gimiyo nyinga duong’.

Fweny 15:3

Ne giwero wend Musa jatich Nyasaye, kod wend Nyarombo, niya, “A Ruoth Nyasaye Manyalo Gik Moko Duto! Mano kaka tijeni dongo! A Ruodh ogendini, mano kaka yoreni kare kendo adier!