Isaya 12:4 - MUMA MALER 2015

⁴ Chieng’no un duto unuwach niya, “Gouru erokamano ni Ruoth Nyasaye, kendo lameuru. Landuru ni ji duto gik mosetimo. Ka uhulo ni nyinge nigi duong’ moloyo.

Motingʼo Loko Manyien

⁴ E kindeno iniwach niya, “Gone Jehova Nyasaye erokamano, luong nyinge kendo landuru ni ji duto gik ma osetimo, ka uhulo ni nyinge nigi duongʼ moloyo.

Isaya 12:4 ပူးပေါင်းရင်းမြစ်များ

1 Weche mag Ndalo 16:8

gouru erokamano ni Ruoth Nyasaye. Luonguru nyinge, kendo landuru humb timbene ni ogendini duto.

1 Weche mag Ndalo 29:11

A Ruoth Nyasaye, duong’ gi pak gi teko gi loch gin magi, nimar in e wuon gik moko duto manie polo gi piny, kendo iduong’ moloyogi duto.

Nehemia 9:5

Eka jo-Lawi ma Jeshua gi Kadmiel gi Bani gi Hashabnia gi Sherebia gi Hodia gi Shebani kod Petyhahia, nowacho niya: Chung’uru kendo upak Ruoth Nyasaye ma Nyasachu, kuwachone ni, “Higni gi higni ipako nyingi moluor, mokadho dend kod pak.”

Zaburi 105:1

Gouru erokamano ni Ruoth Nyasaye, kendo lameuru. Bende nyisuru ogendini gik ma osetimo.

Zaburi 107:22

Onego gigone erokamano gi misengni, kendo giwer wende ma nyiso gik moko duto mosetimo.

Zaburi 113:5

Onge ng’ama chal gi Ruoth Nyasaye ma Nyasachwa. Odak malo kuma bor,

Zaburi 148:13

Giduto mondo gipak Ruoth Nyasaye, nimar nyinge duong’ moloyo nying moko duto, kendo duong’ne maler oyombo polo gi piny.

Zaburi 18:46

Ruoth Nyasaye nitie. En e lwandana. Pakeuru! Nying Nyasaye ma jawarna mondo opwo!

Zaburi 21:13

A Ruoth Nyasaye, bi gi tekoni! Wabiro wer kwapako duong’ni maler.

Zaburi 22:31

Ji ma pok minegi onywolo bende nowachnigi niya, “Ruoth Nyasaye osewaro joge.”

Zaburi 34:3

Konyauru hulo duong’ mar Ruoth Nyasaye. Adier! Wapakuru nyinge kaachiel!

Zaburi 40:5

A Ruoth Nyasacha, isetimonwa gik mang’eny miwuoro. Onge ng’ama inyalo pimo kodi! Gik moko duto ma isechanonwa kelonwa gweth. Ka da anyalo hulogi duto mi awuo kuomgi, to ging’eny ma ok anyal tieko.

Zaburi 46:10

Owacho niya, “Weuru lweny, eka ung’e ni an e Nyasaye. An gi loch kuom ogendini kendo kuom piny ngima.”

Zaburi 57:5

A Nyasaye, nyis tekoni gi e kor polo, kendo duong’ni maler bende mondo onenre e piny duto.

Zaburi 68:5

Nyasaye modak e Hekalu mare maler rango nyithi kiye, kendo rito mond liete.

Zaburi 73:28

An to aonge gi gima berna, moloyo bedo machiegni kodi, yaye Nyasaye. A Ruoth Nyasaye, in ema aseyieri mondo ibedna kar konyruok mondo aland gik moko duto misetimo.

Zaburi 9:11

Pakuru Ruoth Nyasaye marito piny kodak Sayun. Nyisuru ogendini duto gik madongo ma osetimo.

Zaburi 96:3

Huluru ni ji duong’ne maler, mondo ji duto owinj timbene madongo.

Zaburi 97:9

A Ruoth Nyasaye Maduong’ Moloyo, in ruodh piny ngima, kendo iduong’ moloyo nyiseche mamoko duto.

Wuok 15:2

Ruoth Nyasaye e tekona, kendo e wenda, En ema osewara. En e Nyasacha, kendo abiro pake. En e Nyasach wuora, kendo abiro miye duong’.

Wuok 33:19

Ruoth Nyasaye nodwoke ni, “Abiro miyo berna duto kadh buti, kendo anahul nyinga ma JEHOVA mana kiwinjo. Anaher ng’at ma adwaro hero, gi hera mosiko, bende anakech jalo ma adwaro kecho.”

Isaya 12:1

Chieng’no unuwach niya, “A Ruoth Nyasaye wabiro paki! Kata obedo ni mirima osemaki kodwa, to koro oselendo, mi ikweyo chunywa.

Isaya 2:11

nimar ndalo biro ma sunga ma dhano sungorego nodwok piny, to Ruoth Nyasaye kende ema noting’ malo.

Isaya 2:17

Duong’ duto ma dhano nigo noduog piny. Sunga mar dhano bende noruchre e buru.

Isaya 24:15

Kuom mano ji mondo omi Ruoth Nyasaye duong’ e pinje man yo wuok chieng’, kendo nying Ruoth Nyasaye ma Nyasach Israel opaki e dhonembe gi chulni man yo podho chieng’.”

Isaya 25:1

A Ruoth Nyasaye, in e Nyasacha! Anating’ nyingi malo, kendo anapaki, nikech honni mane ichano chon, isetimo gi adiera.

Isaya 26:8

Wan bende waluwo yo mondiki e chikeni, kwageni, A Ruoth Nyasaye. Gima chunywa dwaro moloyo en ni mondo nyingi oyud duong’.

Isaya 33:5

Ruoth Nyasaye duong’ moloyo, nikech odak e polo malo. Opong’o Sayun gi adiera kod tim makare,

Isaya 42:12

Un duto mudak e dhonembe gi chulni, pakeuru. Kamano ji duto mondo omi Ruoth Nyasaye duong’.

Isaya 48:20

Wuoguru ua Babulon! Ee, ringuru ua kuom jo-Kaldai! Wachuru ni, Ruoth Nyasaye ema osewaro joka Jakobo jotichne. Nyisuru wachno, kuwer gi mor mar loch, kendo kulande e tung’ piny gi tung’ piny.

Isaya 66:19

eka anatim ranyisi e kindgi. Bang’e anaor jogi moko motony ir ogendini ma pok owinjo humba, kata pok oneno duong’na maler, mi ginilandnigi duong’na maler. Ogendnigo gi jo-Tarshish, gi jo-Put, gi jo-Lud gi jo-Meshak, gi jo Rosh gi jo-Tubal kod jo-Javan, kaachiel gi joma odak e dhonembe kod chulni man kuonde maboyo.

Jeremia 50:2

Huluru wach ni ogendini! Kik umung’gi, to gonigiuru milome! Chunguru bandera mondo ji ong’e ni Babulon osepodho. Marduk nyasache osemaki. Nyiseche mamoko mag Babulon oyudo wichkuot. Nyiseche makuerogo okethi.

Malaki 1:11

Ji manie tung’ piny koni gi koni miyo nyinga duong’. Giwang’ona ubani mang’ue ng’ar kuonde duto, kendo gichiwona misengni ma ayiego. Giduto gimiyo nyinga duong’.

Johana 17:26

Asemiyo ging’eyi, kendo abiro medo miyo ging’eyi, mondo hera miherago obed kuomgi, kendo an bende abed kuomgi.”