Isaya 12:2 - MUMA MALER 2015

² Adier, Nyasaye e jareswa. Wan gi geno kendo ok waluor, nimar Ruoth Nyasaye e kar konyruokwa, kendo e okumbawa. Osenyiso ni en e jareswa.”

Motingʼo Loko Manyien

² Kuom adiera Nyasaye e jaresna; anagen kuome kendo ok analuor. Jehova Nyasaye, ma en Jehova Nyasaye owuon, e tekra kendo wenda; kendo osebedo resruokna.”

Isaya 12:2 ပူးပေါင်းရင်းမြစ်များ

2 Samuel 7:24

Niwalo jogi Israel mondo obed jogi nyaka chieng’, kendo in, a Ruoth Nyasaye, ema isedoko Nyasachgi.

Ayub 13:16

Nyalo bet bende ni thwonano biro konya, nimar onge jaricho ma dihedhre dhi e nyim Nyasaye!

Zaburi 112:8

Ok oluor, kendo chunye ok chandre. Ong’eyo ni obiro neno ka olo wasike.

Zaburi 118:14

En ema omiyo abedo maduong’ kendo man gi teko. En e Jawarna.

Zaburi 118:21

A Ruoth Nyasaye, apaki nikech ne iwinjo ywakna, mi imiyo alocho.

Zaburi 27:1

Ruoth Nyasaye e lerna kendo e warruokna, omiyo ere ng’ama daluor? Ruoth Nyasaye e kar konyruokna, omiyo ok daluor ng’ato.

Zaburi 65:6

Iguro gode gi tekoni mondo gisik kuonde ma iketogie. Mano nyiso tekoni maduong’.

Zaburi 68:20

Nyasachwa en Nyasaye makonyo ji. Ruoth Nyasaye e Nyasachwa ma resowa e tho.

Zaburi 68:21

Adier, Nyasaye nobar dier wi wasike. Ee, nopuod wi jogo mosiko ka timo richo.

Zaburi 83:18

Kamano mondo ging’e, A Ruoth Nyasaye, ni in kende e Ruoth Maduong’ e piny ngima.

Wuok 15:2

Ruoth Nyasaye e tekona, kendo e wenda, En ema osewara. En e Nyasacha, kendo abiro pake. En e Nyasach wuora, kendo abiro miye duong’.

Isaya 10:24

Mano emomiyo owacho kama: “Un joga modak Sayun, kik uluor jo-Asuria, kata obedo ni gisandou kaka ne jo-Misri otimonu chon,

Isaya 17:10

Mano notimre nimar wiu ne owil gi Nyasaye mane oresou. Adier, ne ok uparo lwanda ma en kar konyruoku. Emomiyo, kata ka upidho cham mabeyo mondo umigo nyisecheu manono duong’,

Isaya 27:5

mak mana ka jo-Israel oringo kuoma kaka kar konyruokgi, mi gitimo koda winjruok. Adier, onego gitim koda winjruok.

Isaya 32:2

Adier, ng’at moro nobed ni ji ka kama gibwogoe koth gi yamo, bende noduog chuny ji mana ka aore mamol e piny motwo, kata ka tipo mang’ich mar lwanda maduong’, man e piny maliet ma chieng’ kechie.

Isaya 33:22

nimar Ruoth Nyasaye en jang’adnwa bura. En e ruodhwa, ma ketonwa chik, kendo en ema noreswa.

Isaya 38:20

Ruoth Nyasaye oikore mondo oresa! Kuom mano, waweruru wende pak, ka wagoyo thumbe e Od Ruoth Nyasaye e ndalo duto mag ngimawa.”

Isaya 45:17

Jo-Israel to Ruoth Nyasaye noresi gi resruok mosiko. Piny ok nochak ochamgi, kata ok ginichak gigore nyang’eng’o kendo nyaka chieng’.

Isaya 49:5

Koro Ruoth Nyasaye mane ochueya ei mama mondo abed jatichne kendo adwok jo-Israel ma nyikwa Jakobo ire, wacho niya,

Isaya 50:10

Ere ng’ato kuomu moluoro Ruoth Nyasaye, kendo winjo dwond jatichne, bende ma wuotho kuonde motimo mudho, to ok ne ler kata matin? Ng’at ma kamano mondo ogen kuom Ruoth Nyasaye.

Isaya 51:12

An awuon ema ahoyou. Kuom mano, ere gima omiyo uluoro dhano adhana matho, kendo maonge ndhathe ka lumni?

Isaya 61:10

Wabeduru mamor kuom Ruoth Nyasaye gi tekowa duto. Adier wabed moil kuom Nyasachwa, nimar oserwakowa gi warruok mana ka ng’ama orwako nanga, bende oboyowa gi tim makare ma ka ng’ama obo gi law, kendo mana ka wuon kisera magawo maua e ng’ute, kata ka miaha morwako thiwni mabeyo.

Isaya 62:11

Wach ma Ruoth Nyasaye osebedo ka lando e tung’ piny gi tung’ piny ema: “Nyisuru jo-Sayun ni, ‘Jaresu biro.’ Obiro gi joge mogonyo e lweny kawuotho e nyime, ka gik ma oyako.

Isaya 65:18

Emomiyo beduru mamor kendo moil nyaka chieng’ gi gik ma achueyo, nimar achueyo Jerusalem obed dala makelo mor, kendo achueyo joma odakie mondo obed joma oil.

Isaya 7:14

Koro Ruoth Nyasaye owuon biro miyou ranyisi ma chalo kama: Nyako moro osemako ich, kendo obiro nywolo wuowi, ma obiro chako ni Emanuel, (ma tiende ni, Nyasaye ni kodwa.)

Jeremia 23:6

E ndalo lochne, jo-Juda nodag gi kue, kendo jo-Israel bende nodag maonge ng’ama chandogi. Ginichak ruodhno ni ‘Ruoth Nyasaye ma resowa.’ ”

Jeremia 3:23

Onge resruok ma wanyalo yudo kuom lemo ewi gode, kata kuom joma goyo koko kuonde moting’ore. Konyruok ma wayudo wan jo-Israel, wuok mana kuom Ruoth Nyasaye ma Nyasachwa.

Daniel 3:28

Nebukadnezar nowacho niya, “Pakuru Nyasach Shadrak gi Meshak kod Abednego! Nende ooro malaika mare moreso joma lame kendo mogeno kuomegi. Ne gidagi winjo chikna, mi giyie tho, kar kulruok piny mondo gilam nyasaye moro amora ma ok mana Nyasachgi.

Hosea 1:7

to anaher jo-Juda. An Ruoth Nyasaye anaresgi, to ok naresgi gi lweny, kata gi gilweny.”

Joel 2:23

Beduru mamor un jo-Sayun, beduru mail kuom gima Ruoth Nyasaye ma Nyasachu osetimonu. Omiyou koth maber moromo cham, adier, omiyou kodh chwiri gi kodh opon, kaka chon.

Jona 2:9

an to natimni misango, ka apaki gi wer. Anachul gima asingorani. Ruoth Nyasaye ema reso ji!”

Habakuk 3:18

to pod anamor amora kuom Ruoth Nyasaye, kendo anabed moil kuom Nyasaye jawarna.

Jo-Rumi 1:16

Aonge gi wich kuot moro amora kuom Wach Maber, nimar en e teko mar Nyasaye, mawaro ji duto moyie. Mokwongo nobiro ni jo-Yahudi, to bang’e nobiro ni joma ok jo-Yahudi bende.

1 Timotheo 3:16

Chutho, mano kaka adiera mar yie mwapuonjo duong’ ahinya! Owacho niya, “Kristo nobiro e ringruok ka dhano. Roho ne onyis ni oonge gi ketho. Malaika ne onene. Ne oland nyinge e kind ogendini. Ji ne oyie kuome e piny ngima Ne otere malo e duong’.”

Fweny 7:10

Ne gikok matek niya, “Warruok oa kuom Nyasachwa mobet e kom duong’, kendo oa kuom Nyarombo.”

1 Samuel 2:1

Hana nolamo Ruoth Nyasaye, kowacho niya, “Chunya il gi Ruoth Nyasaye, nimar osemedo tekona. Achayo wasika, kendo amor nikech oseresa.