Isaya 11:9 - MUMA MALER 2015

⁹ Onge gima nohiny ng’ato, kata ma noketh gimoro e gode maler duto, nimar joma ong’eyo Ruoth Nyasaye nopong’ piny, mana ka pi mopong’o nam.

Motingʼo Loko Manyien

⁹ Ok ginihiny kata ketho gimoro e godena duto maler, nimar rieko mar Jehova Nyasaye nopongʼ piny, mana ka pi mopongʼo nam.

Isaya 11:9 ပူးပေါင်းရင်းမြစ်များ

Ayub 5:23

Puotheni ok nobed gi lwendni e igi, kendo ondiegi ok nomonji.

Zaburi 72:19

Pakuru nyinge maduong’ nyaka chieng’, kendo duong’ne maler mondo opong’ piny! Amin!

Zaburi 78:54

Nokelogi e pinye maler, kendo e gode mane oseloyo mokawo.

Isaya 11:13

Nyiego mar jo-Israel nolal nono, kendo sadha mar jo-Juda norum. Adier, nyiego ok nomak jo-Israel gi jo-Juda, kendo jo-Juda ok nobed wasik jo-Israel.

Isaya 11:8

kendo nyathi madhoth notug e dho bur thuond rai, bende rawera noso lwete asoya e bur thuond hu.

Isaya 2:4

Enong’ad bura ka othego ogendini mopogore opogore kendo enoyal pinje mang’eny. Ng’ato ka ng’ato nothedh liganglane mondo obed kwer. Tongegi to ginithedh rabetni. Onge oganda moro ma noked gi oganda machielo, kendo ji ok nochak opuonjre lweny.”

Isaya 30:26

Chieng’no due nobed karieny maler ka wang’chieng’ kendo wang’ chieng’ nobed ka rieny maler nyadibiriyo moloyo kaka orieny pile. Nochal mana gi ler mar ndalo abiriyo moriw e odiechieng’ achiel! En chieng’ ma Ruoth Nyasaye nochomie tiende joge kod bedegi motur, kendo ochangie adhondegi.

Isaya 32:16

Bang’e adiera gi tim makare nobedi e piny duto, kuonde momew koda ka kuonde motimo ongoro,

Isaya 33:6

kendo ubiro yiengoru kuome e ndalou duto. Rieko gi ng’eyo ema kelo resruok, kendo luor ma oluorgo Ruoth Nyasaye e mwandune!

Isaya 35:9

Sibuoche ok nodhi kuno, kendo onge kata mana ondiek mager ma nosud machiegni kode. To yorno ema joma Ruoth Nyasaye osewaro nowuothie.

Isaya 45:6

mondo ji man yo wuok chieng’ gi yo podho chieng’ ong’e ni onge Nyasaye moro mak mana an.

Isaya 49:6

“Tich dwoko jo-Israel ma nyikwa Jakobo mane oke en tich ma in jatichna ihingo. Kuom mano, abiro loki ler mar ogendini, mondo iter warruokna e tung’ piny gi tung’ piny.”

Isaya 52:10

Ruoth Nyasaye osenyiso tekone, mana e nyim ogendini duto ka neno, omiyo ji duto modak e tung’ piny koni gi koni none ka Ruoth Nyasaye reso joge.

Isaya 54:5

nimar Jachwechni e chwori! Nyinge en Ruoth Nyasaye Manyalo Gik Moko Duto. Adier, Jawarni en Ng’ama Ler mar Israel, ma iluongo ni Nyasach piny ngima.

Isaya 56:7

Awachonigi ni anakelgi e goda maler, mi ami gibed mamor e oda mar lemo, kendo nayie gi gik ma giwacho e kendona-mar-misango, kaachiel gi misengni ma gitimona, nikech noluong oda ni, Od Lemo mar ogendini duto.”

Isaya 59:19

Kamano ji man yo podho chieng’ gi joma ni yo wuok chieng’ noluor nying Ruoth Nyasaye, kod duong’ne maler, nimar enobi ka aora ma mwomore, ma much Ruoth Nyasaye ema tero.

Isaya 65:25

Ondiek kod rombo nokwa kaachiel kendo sibuor nocham lum mana ka dhiang’ Thuol to nocham mana lowo. Onge gima nohiny ng’ato kata ma noketh gimoro e gode maler duto. An Ruoth Nyasaye ema awacho kamano.”

Isaya 66:18

An Ruoth Nyasaye, ang’eyo timbegi kaachiel gi parogi, bende abiro choko ogendini duto, gi dhoudi mawacho dhok mopogore opogore, kendo ginibi mi gine duong’na maler,

Isaya 66:20

Jou ma gigolo kuom ogendini duto ginikelna kaka chiwo, an Ruoth Nyasaye. Ginikelgi Jerusalem, goda maler, ka moko oidho farese, to moko oidho geche mag lweny gi geche mamoko kendo moko bende oidho kenje kod ngamia, mana kaka jo-Israel kelo misengni e od Ruoth Nyasaye, ka giting’o e tewni maler. An Ruoth Nyasaye ema awacho kamano.

Jeremia 31:23

Ruoth Nyasaye ma Nyasach Israel wacho niya, “Ka asedwoko jo-Israel e pinygi, to ginichak giwach e piny Juda gi mier mage kama: ‘Mad Ruoth Nyasaye guedh got maler mar Jerusalem ma en kama ler modakie.’

Jeremia 31:34

Onge ng’ama nopuonj wadgi kata ma nopuonj omin mare, kawachone ni, ‘Ng’e Ruoth Nyasaye,’ nikechh giduto gining’eya, chakre ng’at matinie moloyo nyaka ng’at maduong’ie moloyo. Anawenigi richogi, kendo ok nachak apar timbe maricho mane gisetimo. An Ruoth Nyasaye ema awacho kamano.”

Ezekiel 34:25

Anatim kodgi singruok makelonigi kue, bende anatiek ondiegi duto e piny, mondo romba obed gi kue, ka kwayo e thim, kendo nindo aninda e bungu.

Ezekiel 47:5

Ne ochako opimo mita mia abich, to koro aora nodoko matut mane ok anyal yoro, mak mana ka agoyo abal.

Daniel 11:45

Bende enogur hembene madongo dongo e kind nam gi got maberie moloyo ma ogerie Hekalu. To enotho kuno, ka onge ng’ama konye.

Daniel 12:4

“To in Daniel, koro um kitabu, kendo idine gi odok nyaka kinde mar giko chopi. To kindegi ji mang’eny biro ringo koni gi koni mondo onge tiend gik matimore.”

Hosea 2:18

“Bang’ mano anatim singruok gi le mae thim gi winy mae kor polo kod gik mamol e lowo ni kik gihiny joga. Eka natur atung’ gi ligangla kod gimoro amora mar lweny, mi aywegi oko e piny mondo joga odag gi kue.

Joel 3:17

“Bang’e un jo-Israel unung’e ni an, Ruoth Nyasaye ma Nyasachu, adak Sayun, goda maler, kendo jopinje mamoko ok nonyone kendo.

Habakuk 2:14

Kinde biro chopo ma joma ong’eyo duong’ mar Ruoth Nyasaye nopong’ie piny ka, mana ka pi mopong’o nam.

Zekaria 14:9

Chakre chieng’no, Ruoth Nyasaye nobed ruodh piny ngima, kendo ji duto nolame ka Nyasachgi, mi ng’eye gi nyinge achiel ma Ruoth Nyasaye.

Zekaria 8:3

Koro an Ruoth Nyasaye awacho ni aseduogo Sayun kendo abiro dak Jerusalem. Jerusalem ibiro luongo ni, ‘Dala ma Adiera Nitie’, kendo god Ruoth Nyasaye Manyalo Gik Moko Duto noluong ni, ‘Got Maler’.

1 Jo-Thesalonika 5:15

Neuru ni onge ng’ato machulo richo kar richo, to ndalo duto temuru mondo utim maber e kindu uwegi, kendo ni ji duto.

Fweny 21:27

To gimoro amora ma ok ler, kata ng’at matimo gik mamono, kata mariambo, ok nodonjie ngang’ to mak mana jogo ma nyinggi ondiki e kitap Nyarombo mar ngima.