Isaya 11:4 - MUMA MALER 2015

⁴ To nong’ad bura gi adiera ni joma odhier, kendo nochwak joma muol kaka owinjore. Dhoge ema nobed luth mogoyogo joma timbegi mono. Ee, wachne ema noneggo joricho.

Motingʼo Loko Manyien

⁴ to gi adiera nongʼad bura ne joma odhier, kendo kuom bura makare enongʼad wach, mowinjore ni joma ochando manie piny. Dhoge ema nobed luth mogoyogo piny, bende wach moa e dhoge ema noneg-go joma timbegi mono.

Isaya 11:4 ပူးပေါင်းရင်းမြစ်များ

2 Samuel 8:15

Daudi nobedo ruodh Israel duto, morito piny gi kue, kong’ado bura kare ni joge duto.

Ayub 15:30

Kendo ok notony e masira. Enochal gi yath ma mach owang’o pote, kendo ma yamo okeyo thiepene.

Ayub 4:9

Nyasaye tiekogi gi mirimbe mager, mana ka gima yamb ahiti ema ogoyo, molalgo nono.

Zaburi 110:2

Ruoth Nyasaye biro miyo lochni yarore chakre Sayun, kowacho niya, “Bed gi loch kuom wasiki.”

Zaburi 18:8

Iro nodum kawuok e ume, kendo mach mang’ang’ni nowuok e dhoge.

Zaburi 2:9

Iniritgi gi ludh nyinyo, kendo initogi matindo tindo ka mbalatago.’ ”

Zaburi 76:10

Kata mana mirimb dhano keloni pak, kendo jogo motony e lweny nopaki e sewni ma gitimoni.

Isaya 1:17

kendo uwe timo richo to utim mana gik mabeyo. Luwuru mana adiera, kendo konyuru joma ithiro. Bende nyaka une ni nyithi kiye kod mond liete oyal buchegi kare.”

Isaya 13:11

Abiro kelo masira e piny, kendo abiro kumo joma timbegi mono kaka owinjore, mondo ng’ayi mag josunga orum, kendo athir nyadhi mag joma wang’gi tek.

Isaya 14:30

Joma odhier to nokwa jambgi e legena, kendo jochan noyue gi kue. To un jo Filistia, nami kech neg nyithindu, kendo jou manok modong’ bende nanegi.

Isaya 16:5

to kom loch nogur kuom ng’wono mar Nyasaye, kendo jang’ad bura mar adier ma nyakwar Daudi ema nobed e komno. Enobed ng’at madwaro mana adiera, kendo ma timo gik makare mak odeko.

Isaya 2:4

Enong’ad bura ka othego ogendini mopogore opogore kendo enoyal pinje mang’eny. Ng’ato ka ng’ato nothedh liganglane mondo obed kwer. Tongegi to ginithedh rabetni. Onge oganda moro ma noked gi oganda machielo, kendo ji ok nochak opuonjre lweny.”

Isaya 26:6

mondo joma ithiro kendo ma jochan onyone gi tiendgi.”

Isaya 29:19

Joma muol nochak obed mamor kuom Ruoth Nyasaye. Adier, joma odhierie moloyo nobed mamor kuom Ng’ama Ler mar Israel.

Isaya 3:14

Ee, oyalo jodong joge gi jotendgi, kowacho niya, “Useketho puotha mar mzabibu, kendo gik moko ma useyako kuom joma odhier opong’o uteu.

Isaya 30:28

Muche bende chalo gi aora mopong’ ma mwomo genge, kendo imo ng’ato nyaka ng’ute. Obiro piedho ogendini gi rapiedhi mar tho, mi omi giba yo ma gidwaro luwo, mana ka faras michiko gi chuma ma otue e dhoge.

Isaya 30:31

Kihondko nomak jo-Asuria ka giwinjo dwond Ruoth Nyasaye, kendo ka ogoyogi gi ludhe.

Isaya 30:33

To mach miwang’oe ringre joma otho ne oseik chon mondo owang’ie Molok, nyasach Asuria. Kendono duong’ ahinya, kendo odhurie yien mogundho. Much Ruoth Nyasaye ma chalo gi mach maliel ema biro moke.

Isaya 32:1

Winjuru! Ruoth moro biro biro ma norit piny e yo makare, kendo jotende noti gi adiera.

Isaya 32:7

Ng’at ma achach yorene richo. Ochano gik maricho e chunye, mondo ohiny joma odhier gi weche mag miriambo, kendo otamo jochan e adiera monego giyudi.

Isaya 33:22

nimar Ruoth Nyasaye en jang’adnwa bura. En e ruodhwa, ma ketonwa chik, kendo en ema noreswa.

Isaya 40:7

Lum ner, kendo maua two, ka much Ruoth Nyasaye okudhogi. Chutho, dhano chalo gi lum.

Isaya 49:2

Ne opiago lewa, modoko liganglane mabith, kendo ne opanda e tipo mar lwete. Ne otima asere moywe maler, kendo ne opanda e olalone.

Isaya 61:1

Roho mar Ruoth Nyasaye ni kuoma, nikech Ruoth Nyasaye oseyiera, mowira mondo aland wach maber ni joma odhier. Oseora mondo akue chuny jogo ma neno masira, bende mondo ahul ni joma omaki ni koro gin thuolo, kendo ahul ni joma otue ni koro ogonygi.

Isaya 9:7

Lochne nobed maduong’, kendo kue mokelo nobed maonge giko. Enobed e kom Daudi kendo norit pinye gi adiera kod tim makare mondo ogurre obed motegno. Chakre kawuono nyaka chieng’, Ruoth Nyasaye Manyalo Gik Moko Duto oseketo chunye mondo otim gigo.

Jeremia 33:15

E kindeno anakel nyakwar Daudi hie, mi enotim gik malong’o kendo makare.

Jeremia 5:28

bende emomiyo gichwe kendo dendgi leny. Timbegi maricho ng’eny mokadho akwana. Ok gikony nyithi kiye mondo oyud bura makare, bende ok ging’ad bura makare ni joma odhier.

Hosea 6:5

Kuom mano, aseoro jonabi maga iru mondo osiemu ni ibiro kumou kendo tiekou. Gima adwaro ni mondo un joga utim, en gima ratiro kendo maler,

Zefania 2:3

Dwaruru Ruoth Nyasaye un jogo duto modak e piny, kobolore kendo korito chikene. Bende dwaruru tim makare, bende beduru gi chuny mamuol nimar dipo ka uyudo kar konyruok, chieng’ mirimb Ruoth Nyasaye.

Malaki 4:6

mondo ochak okel winjruok e kind wuone gi nyithindo, nono to abiro, mi aketho pinyu chuth!”

Mathayo 11:5

Nyiseuru ni muofni neno, pudhe wuotho, jodhoho ichango, joma itgi odino winjo wach, joma otho ichiero, kendo joma odhier ilandonigi Wach Maber.

Mathayo 5:5

“Joma muol gin johawi, nikech piny nobed margi.

Tich Joote 9:1

E ndalogo Saulo ne pod siemo jopuonjre mag Ruoth, kodwaro negogi. Ne odhi ir jadolo maduong’,

2 Jo-Korintho 10:1

An Paulo koro akwayou kuom muolo kod ng’wono mar Kristo mondo uwinja. An ma uwacho ni amuol ka an kodu, to ager ka an mabor kodu,

Jo-Galatia 5:23

muolo, kod ritruok. Onge chik makwedo gik ma kamago.

2 Jo-Thesalonika 2:8

Bang’e Ng’at Mochayo Chik nothinyre, to Ruoth Yesu nobi gi duong’ne duto, mi nonege gi muya moa e dhoge, kendo notiek tekone duto.

Tito 3:2

Nyisgi ni kik giwuo marach kuom ng’ato, kata kik gibed joma ohero dhaw, to gibed joma dwaro kelo winjruok, ka ginyiso ji duto muolo ma gin go.

Jakobo 3:13

Ka ng’ato kuomu paro ni oriek kata ong’eyo gimoro, to ber mondo timne makare kendo mamuol onyis ni en ng’ama riek adier.

Fweny 1:16

Ne en gi sulue abiriyo e lwete ma korachwich, kendo ligangla mabith ma dhoge abiriyo ne wuok e dhoge. Pat wang’e ne nenore ka wang’chieng’ mang’angni gi tekone duto.

Fweny 19:11

Eka ne aneno polo ka oyawore, kendo ne aneno faras marachar ka ni kanyo, to Jal mane oidhe iluongo ni Ng’ama Igeno, kendo Jaadiera. Iluonge kamano nikech ong’ado bura kare, kendo okedo e yo makare.

Fweny 19:15

To ligangla mabith wuok e dhoge kendo ochwowogo ogendini. Obiro ritogi gi ludh nyinyo, kendo obiro ng’adonigi bura gi mirimb Nyasaye Manyalo Gik Moko Duto.

Fweny 2:16

Emomiyo lok chunyi! To ka ok ilokori, to abiro biro iri piyo, mi aked kodgi gi ligangla mawuok e dhoga!