Isaya 10:5 - MUMA MALER 2015

⁵ Ruodh Asuria e luth ma agoyogo ji ka akecho. Ee, en e luth ma akumogo ji ka mirima omaka.

Motingʼo Loko Manyien

⁵ Mano kaka unune malit un jo-Asuria, luth ma agoyogo ji ka akecho, en e luth ma akumogo ji ka mirima omaka!

Isaya 10:5 ပူးပေါင်းရင်းမြစ်များ

Chakruok 10:11

Nodar kuno, modhi e piny Ashur, kuma nogeroe Nineve gi Rehobothir gi Kala

2 Ruodhi 18:25

Koso iparo ni asebiro mana ni mondo amonj amonja Jerusalem, akethi, ka ok Ruoth Nyasaye ema ne owachona ni mondo abi amonj pinyni, akethi!”

2 Ruodhi 19:25

To in Senakerib, kata obedo ni iwacho kamano, donge ing’eyo ni an Ruoth Nyasaye ema nachano chon mondo gigo otimre? Adier, ne achanogi chon, to koro amiyo gitimore. An ema ne achano mondo imuk mier mochiel motegno olokre gundni.

Zaburi 125:3

Joricho ok nobed gi loch ngang’ kuom piny joma kare. Ka gibedogo, to joma kare giwegi ditim richo.

Zaburi 17:14

Ee, resa gi tekoni kuom joma nigi gik moko duto mag pinyni. Kumgi gi masiche ma isechano ni ibiro kumogigo. Mad nyithindgi bende yud kum moromogi, mi moko dong’ ni nyikwagi!

Isaya 10:15

To Ruoth Nyasaye nowacho niya, “Bende le disungre ni ng’at matong’o kode? Koso musemeno dibed maduong’ moloyo ng’ama ng’eto kode? Mano nyalo timore mana ka luth nyalo yiengo ng’ama oting’e, kata ka arungu bende nyalo ting’o dhano ma sirore kode!”

Isaya 10:25

nimar piyopiyo nono mirima ma koro omaka kodu biro rumo, to gin ema abiro kecho kodgi mi atiekgi.

Isaya 13:5

Gia e piny mabor, manie tung’ piny mogik. Ruoth Nyasaye ema kelo jogo kaka gige mag lweny mondo okethgo piny gi mirimbe mager.

Isaya 14:24

Ruoth Nyasaye Manyalo Gik Moko Duto osekuong’ore kawacho niya, “Gima aseparo biro timore mana kaka asechano. Adier, kaka asechano e kaka notimre.

Isaya 14:25

Ananeg jo-Asuria manie piny, kendo nanyon-gi piny gi tienda e godena. Eka nagol jok mane ruodh Asuria oketo kuom joga, kendo nagony ting’ mapek mane omiyogi.

Isaya 23:13

Ranguru uneye piny jo-Babulon. Jo-Babulon ema nolok Turo thim ma ondiegi dakie, to jo-Asuria ok ema noloke. Ginidhur lowo mondo ginyon ka giidho ohingane, kendo ginimuk ut ruodhi, mi giketh dalano chuth.

Isaya 26:20

Un joga, donjuru e uteu, mi ulor dhoudi, mondo upond matin mi mirimb Ruoth Nyasaye kadhi,

Isaya 29:2

to bang’e anakelni masira, mi ywagruok gi nduru nobedie, kendo inichal gi kendo-mar-misango ma remo ochuerie!

Isaya 30:27

Neuru! Ruoth Nyasaye biro, kaa kuma bor. Mirimbe liel ka mach ma iche dhuolore. Dhoge tetni gi mirima mager, kendo lewe otimo mach makakni, mawang’o gik moko duto.

Isaya 30:30

Bang’e Ruoth Nyasaye nomi winj dwonde man gi duong’, kendo nonyis bade motimo mach mawang’o gik moko duto, ka lor gi mirima mager, ka polo mor gi koth maduong’, machue gi pe kod yamo mager.

Isaya 30:9

Jogo gin joma jopiem. Gin yawuowi ma jomriambo, ma odagi winjo chike ma Ruoth Nyasaye ogolo.

Isaya 34:2

nimar Ruoth Nyasaye nigi mirima mager kod ogendini duto, kod jogi mag lweny. Kuom mano osekuong’ogi ni mondo oneggi, mi tiekgi chuth.

Isaya 66:14

Ubiro neno kamano, mi chunyu bed mamor. Dendu nobed maber, mana ka lumb chwiri. An Ruoth Nyasaye ema nami jotichna ong’e tekona; Wasika to nanyis mirimba.”

Isaya 7:17

To in Ahaz, Ruoth Nyasaye biro keloni kaachiel gi jogi kod joodi masira ma pok oneye nyaka ne jo-Israel pogre kuom jo-Juda. Ruodh Asuria ema nokel masirano.

Isaya 7:20

E ndalogo Ruoth Nyasaye nokel ruodh Asuria mondo oyaku mi weu nono, mana ka gima wembe ema olielo dendu duto koda ka tiku bende.

Isaya 8:4

nimar kapok ong’eyo wacho ni ‘Baba’, kata ni ‘Mama,’ to ruodh Asuria nomonj Damaski kod Samaria, mi yak mwandugi duto.”

Isaya 8:7

kendo gitetni e nyim Resin kod wuod Remalia, emomiyo abiro kelo kuomgi ruodh Asuria gi joge mag lweny, mabiro pong’o pinygi chuth, mana kaka aora Yufrate maduong’ kendo matut pong’o wang’e kendo mwomo genge, mi o oko.

Ezekiel 22:31

Kuom mano, abiro tiekogi pep, ka an gi mirima mager ka mach, kakumogi maromre gi timbegi. An Ruoth Nyasaye ema awacho kamano.”

Ezekiel 7:10

“Odiechieng’ masiche osechopo! Sunga gi timbe ma ok ni kare osemedore.

Daniel 11:36

“Ruodh Siria notim gima en ema ohero, kendo enosungre ni oloyo nyasaye moro amora, bende enopakre ni oduong’ moloyo kata mana Nyasaye maduong’ moloyo nyiseche moko. Enodhi nyime kotimo kamano nyaka chop Nyasaye kume, nikech Nyasaye nyaka tim gima osechano.

Nahum 1:1

Ma e fweny mane Nyasaye omiyo Nahum ja-Elkosh kuom dala mar Nineve.

Habakuk 1:12

A Ruoth Nyasaye ma Nyasacha kendo ma Ng’ama Ler, donge in e Nyasaye ma nyaka nene kendo mochwere? A Ruoth Nyasaye ma Lwandawa, in ema iketo jo-Babulon mondo okumwa king’adonwa bura.

Zefania 2:13

kendo norie bade kuom piny man yo nyandwat, motiek Asuria, kendo olok Nineve piny motwo mana ka piny ongoro.

Kwan 24:24

Gin mony moa Saipras. Gibiro ketho Asuria, kendo giniketh Eber, to kata gin bende gibiro rumo chuth.”