Isaya 10:3 - MUMA MALER 2015

³ To unutim ang’o chieng’ mikumou, ka masira moa kuma bor omakou? Ere ng’ama nuring ire mondo okonyu? Koso ere kama un uweye nyithindu

Motingʼo Loko Manyien

³ To initim angʼo chiengʼ ngʼado bura, ka masira nowuog kuma bor? To en ngʼa manuring udhi ire mondo okonyu? Mwandu magu to unuwe kanye?

Isaya 10:3 ပူးပေါင်းရင်းမြစ်များ

Chakruok 31:1

Jakobo nowinjo ni yawuot Laban wacho niya, “Jakobo osekawo gik wuonwa duto, kendo mwandu ma en go oseyudo mana kuom wuonwa.”

2 Ruodhi 7:15

Kuom mano, ne giluwo jo-Aram nyaka aora Jordan, mi giyudo lewni kod gik moko mang’eny mane jo-Aram owito e yo, ka gireto nikech kibaji. Eka jootego nodok, monyiso ruoth gima ne gineno.

Ayub 31:14

Ka dine ok atim kamano, to ere kaka dachom Nyasaye tir, koso ere kaka dadwoke ka obiro yala?

Ngeche 11:4

Chieng’ bura, to mwandu ok nyal konyi. Tim makare to nyalo geng’oni tho!

Isaya 13:6

Gouru uwi, un jo-Babulon, nimar chieng’ ma Ruoth Nyasaye Manyalo Gik Moko Duto oseketonu koro ochopo machiegni! En odiechieng’ ma abiro keloe masira maduong’ e piny.

Isaya 17:4

E ndalogo, duong’ mar Israel nomich matin, mana ka ng’at ma tuo ochamo dende, kendo chue ma yande ochuego olal nono,

Isaya 20:6

Chieng’no joma odak a dhonam nowach niya, ‘Neuru gima osetimore ni joma ne wageno kuomgi, mi waringo irgi mondo oreswa kuom ruodh Asuria! To koro wan to dwatony nadi?’ ”

Isaya 26:14

Joma otho ok nochak obed mangima. Adier, joma osenindo e liel ok nochak ochier. Mano emomiyo isekumo ruodhigo mi itieko, kendo imiyo wich owil kodgi.

Isaya 26:21

nikech Ruoth Nyasaye biro biro, koa kar dakne, mondo okum joma odak e piny nikech richogi. Piny noel remo mosechuer kuome, kendo ok nopand joma osenegi.

Isaya 28:20

nimar unubed e thagruok mana ka ng’ama onindo e kitanda machiek, ma ok nyal riere tir, kendo ma baranget ma oumorego tin, ma ok nyal ume maber.”

Isaya 29:6

Piyopiyo nono, Ruoth Nyasaye manyalo Gik Moko Duto biro biro mondo okonyi. Polo nomor, kendo piny noyiengni gi koko maduong’. Kodh yamo bende nobedie, gi kalausi, kod polo ma goyo gik moko.

Isaya 30:16

mi uwacho niya, “Ooyo, wabiro idho farese mondo waringi.” To mano ber, ringuru aringa, uyombi, kunyalo! To kata obedo ni uringo matek manade, to wasiku biro ringo matek mi juku.

Isaya 30:5

to uduto unuyud wichkuot kuom oganda ma ok nyal konyouno. Adier, ok unuyud konyruok kata ohala moro, to mana wichkuot kod achaye.”

Isaya 30:7

Adier, kata ka gitero mwandugi ni jo-Misri kamano, to kony ma ubiro yudo kuomgi romre gi nono. Mano ema omiyo achako Misri ni Rahab, ondiek ma budho abudha.

Isaya 33:14

Joricho modak Sayun biro tetni ka luoro omako. Adier, joma ok dew Nyasaye kihondko nomaki, mi ginipenjre niya, “Bende nitie ng’ato kuomwa manyalo dak gi mach mawang’o gik moko duto? Koso en ng’a ma didag gi mach maliel nyaka chieng’?”

Isaya 39:3

To bang’e janabi Isaya nobiro ir ruoth Hezekia, mopenjee niya, “Jogi oa kanye? To wach ang’o mokelogi?” Hezekia nodwoke ni, “Gia e piny Babulon, kuma bor.”

Isaya 5:14

Emomiyo piny joma otho ong’amo dhoge malach, ka dande oyawore, mondo omwonygo joma ogen kaachiel gi ji mamoko duto, e kinde ma gikokie gi mor.

Isaya 5:26

Mano omiyo obiro ting’o bandera kaka ranyisi ma ogwelo oganda moro modak kuma bor. Obiro luongogi mondo giwuogi e tung’ piny, kendo gibiro biro piyopiyo ka giringo,

Jeremia 22:7

Abiro oro ji mondo okethe. Giduto gibiro biro gi ledhi, mi ging’ad yiend sida duto mabeyo mogerego, mi giwiti e mach.

Jeremia 4:30

Un jo-Jerusalem, urumo! Ere gimomiyo urwakoru gi lewni mabeyo, koso ere gima omiyo urwako stadi kendo uwiro wengeu? Ubisoru maber kayiem nono, to chodeu oseweyou, kendo koro dwaro negou.

Jeremia 5:31

Jonabi koro weche mag miriambo, jodolo bende chwakogi, to kendo mano e gima joga ohero! To gibiro timo ang’o, chieng’ ma gigo orumo?

Jeremia 9:9

Koro donge abiro kumogi kuom timbe ma kamago? Adier, abiro chulo kuor ni oganda machal kamano! An Ruoth Nyasaye ema awacho kamano!”

Hosea 5:13

“Mano omiyo, kane jo-Israel oneno ni tuo osemakogi, kendo kane jo-Juda bende oneno adhondegi giwegi, jo-Israel noringo odhi Asuria mondo ruoth maduong mar pinyno okonygi. To ruodhno ne ok nyal changogi kata thiedho adhondegigo.

Hosea 9:5

To ginitim ang’o ka ndalo moket ni sewni mag Ruoth Nyasaye ochopo?

Hosea 9:7

Kinde mar kum osechopo ma ng’ato ka ng’ato yudoe gima oromo gi timbene, kendo jo-Israel biro winjo! Uwacho niya, “Jonabi ofuwo! En janeko!” Un uchaya ahinya nikech richou lich.

Amos 5:19

Unuchal mana gi ng’at ma sibuor riembo, to romo gi ondiek, kata machal gi ng’at modonjo e ot, kendo oyiengo lwete e kor ot, mi thuol okayo!

Mika 7:4

Kuom mano, kata mana timbegi mabeyo kendo modimbore obam, kendo chalo mana gi bunge motimo kuthe. To koro chieng’ ma Nyasaye kumogie osechopo, mana kaka jonabi mage ne osiemogi ni enotim. Omiyo koro kihondko omakogi.

Zefania 1:18

Fethgi kata dhahapgi ok noresgi.” Chieng’ ma Ruoth Nyasaye ng’adoe bura, nyiego mager ma en-go nowang’ piny duto, mi tiek pep. Kamano enotiek gik moko duto modak e piny mana ka diemo wang’.

Luka 19:44

Ginitieki kaachiel gi jogi duto, kendo ok giniwe kata kidi achiel kochung’ ewi wadgi, nikech ne ok ing’eyo kinde mane Nyasaye obiroe iri mondo olimi!”

Rapar mar Chik 28:49

“Ruoth Nyasaye biro kelo kuomu oganda moro moa kuma bor ma dhogi ok nuwinji. Ginimwomre kuomu mana kaka ongo mwomore kuom nyagweno.

1 Petro 2:12

Timu onego obed maber ahinya e nyim joma ok oyie, mondo kata obedo ni gihangou ni un joma richo, to gine timbeu mabeyo, mi gipak Nyasaye chieng’ ma obiroe ng’ado bura.