Isaya 10:13 - MUMA MALER 2015

¹³ nimar ruodh Asuria osewacho niya, “Aseloyo lwenjegi duto mana gi tekona kod riekona awuon, nikech an gi ng’eyo. Ne aketho tong’ mag pinje, mi ayako mwandugi mathoth, kendo anyono ji e buru.

Motingʼo Loko Manyien

¹³ Nikech owacho niya, “ ‘Kuom teko mar bada kod riekona asetimo ma nikech an-gi winjo matut. Ne aketho tongʼ mag pinje, mi ayako mwandugi mathoth; kendo ka ngʼat maratego ne amako ruodhigo.

Isaya 10:13 ပူးပေါင်းရင်းမြစ်များ

2 Ruodhi 15:29

E ndalo mag loch Peka ruodh Israel, Tiglath-pileser ruodh Asuria nobiro, mokawo Ijon gi Abel-bethmaaka gi Janoa gi Kedesh gi Hazor gi Gilead kod Galili. Kamano nokawo piny Naftali duto, motero jopinyno nyaka Asuria e tuech.

2 Ruodhi 16:8

Bende Ahaz nokawo fedha gi dhahabu mane nie Od Ruoth Nyasaye kod kar keno mar od ruoth, mooro ni ruodh Asuria kaka chiwo.

2 Ruodhi 17:24

Ruodh Asuria nogolo ji Babulon gi Kutha gi Ava gi Hamath kod Sefarvaim, moketogi e miech Samaria kar jo-Israel, mi ne gidoko weg pinyno.

2 Ruodhi 17:6

mokawe e higa mar ochiko mar loch Hoshea. Nomako jo-Israel, motero Asuria, kendo noketo moko mondo odag Hela but aora Habor man Gazon, to moko noketo e miech jo-Media.

2 Ruodhi 18:11

Ruodh Asuria nodaro jo-Israel, motero nyaka Asuria, mi noketo moko kuomgi mondo odag Hela but aora Habor man Gozan, to moko noketo e miech jo-Media.

2 Ruodhi 18:15

Mi Hezekia nomiye fedha duto mane nie Od Ruoth Nyasaye, kod mane nie kar keno mar od ruoth.

2 Ruodhi 18:32

nyaka chop abi, mi agolu kendo ateru e piny machal gi pinyuni, mondo kik utho, to ubed mana mangima. En piny ma cham gi mzabibu chiekie maber, kendo ma makati gi divai gi mor zeituni kod mor kich ng’enyie. To kik uwinj Hezekia kawuondou ni Ruoth Nyasaye biro konyou.

1 Weche mag Ndalo 5:26

Omiyo Nyasach Israel nomiyo Pul, ma bende iluongo ni Tiglath-peleser ruodh Asuria mondo omonj jo-Reuben gi jo-Gad kod jo-Manasego. Nodarogi moterogi nyaka Hala gi Habor gi Hasa kod Aora Gozan, kuma gidakie nyaka chil kawuono.

Ngeche 28:11

Jamwandu pile paro ni riek, to jachan man gi paro matut ong’eyo chuny jamwanduno.

Isaya 10:8

Owacho niya, “Donge jotenda duto gin ruodhi?

Isaya 5:21

Yaye, unune malit, un joma paro e chunygi giwegi ni riek, kendo ma kwanore ni ong’eyo gik moko.

Jeremia 46:8

Gin jo-Misri ema gingore ka Nael, kendo ka aora ma mwomo genge! Misri wacho niya, “Abiro gingora mi apong’ piny, kendo aketh mier gi ji modakie.”

Jeremia 48:14

“Un jo-Moab, ere gimomiyo uketoru ni un thuondi mosekedo e lwenje mager?

Ezekiel 25:3

Nyis jopinyno ni an Ruoth Nyasaye awacho kama: Un jo-Amon, ne ubedo mamor ka uneno ka Hekalu mara odwany, kendo ka piny Israel okethi, kendo ka itero jo-Juda e tuech.

Ezekiel 26:2

mowachona niya, “Wuod dhano, joma odak e dala mar Turo goyo mahu gi mor, kawacho kama: ‘Jerusalem ne en dala ma ogendini duto chokoree kuom ohala, to koro osekethe. Dhorangaye oseyaworenwa, omiyo wabiro bedo momew, nikech oseloye, modong’ gunda.’

Ezekiel 29:3

Nyise ni an Ruoth Nyasaye awachone kama: Iwacho ni aora Nael en mari, kendo ni ne ichueri kendi.

Ezekiel 35:13

Bende asewinjo ka uwuoyo kuoma gi sunga, ka uyanya.

Daniel 4:27

Kuom mano, ruoth, luw gima anyisini. We timo marach, to tim maber, kendo ikech joma odhier mondo ichulgo richo misetimo. Kamano nidhi nyime maber.”

Daniel 4:30

mowacho niya, “Neye kaka Babulon duong’! Ne agere gi tekona awuon mondo obed dalana maduong’ kendo anyisigo tekona gi duong’na.”

Amos 5:27

kendo abiro darou mi ateru e tuech, e piny man loka machielo mar Damaski.” Ruoth Nyasaye Manyalo Gik Moko Duto owacho kamano.

Amos 6:13

Umor kuom loyo dala maonge ndhathe, bende usungoru ni un gi teko moloyo kawo Karnaim.

Habakuk 1:11

Bang’e gikadho piyopiyo mana ka yamo, ka gidhi kamoro machielo. To kata kamano gin joketho nikech gikwano tekregi giwegi ka nyasachgi.”

Habakuk 1:16

Bang’e gikulore ni tondegigo kendo giwang’onigi ubani ka giwacho niya, “Magi e nyiseche ma kelonwa mwandu, momiyo wadak maber.”

Habakuk 2:6

To kinde biro ma joma koro gimakogo nong’ong’nigi, kawachonigi niya, “Unune malit, un jomecho ma doko momew gi mwandu moyaki kod gik mohol.”

Rapar mar Chik 8:17

Emomiyo kik uwach ni tekou gi riekou ema osemiyo uyudo mwandugo,

Jong’ad Bura 7:2

Ruoth Nyasaye nowacho ni Gideon niya, “In gi ji mang’eny ahinya, omiyo ok anyal keto jo-Midian e lwetgi, nimar dipo ka jo-Israel opakore ni gilocho mana gi tekogi giwegi.