Isaya 1:4 - MUMA MALER 2015

⁴ A yaye oganda ma joricho ma opong’ gi timbe mamono, kendo ma joge joketho ma acheje! Useweyo Ruoth Nyasaye, Ng’ama Ler mar Israel kuchaye kendo ulokone ng’eu.

Motingʼo Loko Manyien

⁴ Yaye oganda ma joricho, koth ji mogangore gi timbe mamono, kanyakla mar joma timbegi richo, nyithindo mochiwore ne timbe acheje! Giseweyo Jehova Nyasaye; gisejaro Jal Maler mar Israel giselokone ngʼegi.

Isaya 1:4 ပူးပေါင်းရင်းမြစ်များ

Chakruok 13:13

To jo-Sodom ne joma okethore kendo ma joricho motamore gi nono e nyim Nyasaye.

2 Ruodhi 21:22

Noweyo Ruoth Nyasaye ma Nyasach kwerene, kendo notamore luwe.

2 Weche mag Ndalo 12:1

Kane loch Rehoboam osegurore motegno, en, kaachiel gi jo-Israel duto, ne giweyo chik Ruoth Nyasaye.

2 Weche mag Ndalo 27:2

Timbe Jotham ne long’o e nyim Ruoth Nyasaye, kaka timbe Uzia wuon mare, kendo en ne ok odonjo e Hekalu kaka wuon mare nodonjo. To timbe ji ne pod richo.

Nehemia 1:7

Wasekethoni adier, kendo ok waserito chike duto mane imiyo Musa jatichni.

Zaburi 58:3

Joricho timbegi obam e ngimagi duto. Giwacho miriambo, chakre chieng’ monywolgie.

Zaburi 71:22

A Nyasaye, abiro paki ahinya gi thum, nikech in jaadiera. Abiro weroni wende gi thum, yaye Ng’ama Ler mar Israel.

Zaburi 78:40

Ne gipiem kode e thim ndalo mang’eny, kendo ne gimiye mirima ndalo mathoth!.

Zaburi 78:41

Adier, ne gitemo Nyasaye kinde mang’eny, nyaka ne gimiyo Ng’ama Ler mar Israel okecho.

Zaburi 78:57

mi giweye, kendo gindhoge mana kaka kweregi notimo. Ne gibaro mi giweyo yo, mana ka asere modir gi atung’ mobam, ma ok dimb gima onego ochiel.

Zaburi 78:8

Ok onego gichal gi kweregi mane wigi tek, kendo mane odagi luoro Nyasaye. Ne gin joma chunygi yomyom, kendo ma ok ogeno kuom Nyasaye.

Zaburi 89:18

nimar ne iyeronwa jarit. Adier, in Ng’ama Ler mar Israel, ema ne imiyowa ruoth.

Wuok 32:7

Ruoth Nyasaye nowacho ni Musa niya, “Lor piyopiyo, nikech jou mane igolo Misri osetimo marach.

Isaya 1:23

Jotendu duto gin jopiem, kendo giwinjore gi jokuoye. Giduto gihero chamo asoya, kendo gidwaro mondo ji omigi amiya gik moko. Kuom mano ok giyal buche nyithi kiye kare, bende weche ma mond liete okelo e nyimgi ok gidew.

Isaya 1:28

Joricho duto gi joma piem koda to norum chuth, nimar gidagi biro ira.

Isaya 10:6

En ema aore mondo odhi oked gi oganda moweyo Nyasaye Adier, achike mondo omonj joma miya mirimago. Mi oketh mwandu, kendo oyakgi kaka en ema odwaro, konyonogi piny, mana ka chuodho minyono e wang’ yore.

Isaya 12:6

Un joma odak Sayun, koguru gi mor, nimar Ng’ama Ler mar Israel odak e dieru gi duong’ne duto.”

Isaya 14:20

Ringri mosenyon pinyno ok bi yiki kaka oseyik ruodhi mamokogo, nikech iseketho pinyi, mi inego jogi iwuon. Nyithindi bende ok nobed ruodhi bang’i.”

Isaya 29:19

Joma muol nochak obed mamor kuom Ruoth Nyasaye. Adier, joma odhierie moloyo nobed mamor kuom Ng’ama Ler mar Israel.

Isaya 3:8

Jerusalem nokethre kendo Juda nopodhi nikech gisewuoyo marach kuom Ruoth Nyasaye, bende gisetimone timbe maricho, ka gipiem gi duong’ne mang’ongo.

Isaya 30:1

Ruoth Nyasaye wacho niya, “Yaye, unune malit, un nyithinda ma jopiem! Uchano timo gik moko ma ok meka, bende utimo winjruok gi ogendini mamoko, to an ok ahero. Kamano umedo mana richo ewi richo!

Isaya 30:15

Ruoth Nyasaye ma Ng’ama Ler mar Israel owacho niya, “Kuduogo ira, mi ubedo gi kue, to unuyud resruok. Bende kudemboru, kendo uketo genou kuoma, to un ubed gi teko.” To kata kamano ne udagi,

Isaya 30:9

Jogo gin joma jopiem. Gin yawuowi ma jomriambo, ma odagi winjo chike ma Ruoth Nyasaye ogolo.

Isaya 31:2

To Ruoth Nyasaye riek, kendo onyalo kelo masira, bende ok olok parone. Obiro kumo oganda mar joricho, kaachiel gi joma konyogi.

Isaya 37:23

To koro in, en ng’ano ma isejaro kendo iyanyo? Koso en ng’a ma isekokne ka ijowo wang’i? Nyaka ing’e ni en Ng’ama Ler mar Israel!

Isaya 41:14

In oganda Jakobo, in kudni akuda, to kik ibed maluor. Yaye, in Israel ma onge ndhathe, kik kibaji goyi. An Ruoth Nyasaye ema awacho kamano.

Isaya 41:16

Unupiedhgi mi yamo notergi mabor, kendo kalausi nokegi. To un to unubed mamor, nikech Ruoth Nyasaye ma Ng’ama Ler mar Israel.

Isaya 41:20

mondo ji duto one kendo ong’e ni, Ruoth Nyasaye, ma Ng’ama Ler mar Israel ema osetimo kamano.

Isaya 5:19

Uwacho niya, “Ruoth Nyasaye mondo oreti, otim tichne piyopiyo wane! Adier, gima Ng’ama Ler mar Israel ochano timo, mondo ochop piyopiyo waneye!”

Isaya 5:24

Emomiyo kaka ligek mach wang’o yugi, mi tieki, kendo kaka tiang’ wang’ mi rum e mach mager, e kaka un bende unulal nono mana ka buru, nimar usechayo chik Ruoth Nyasaye Manyalo Gik Moko Duto, kendo usedagi wach Ng’ama Ler mar Israel.

Isaya 57:17

Kuom kinde moko, ne akecho ka aneno ketho jo-Israel. Ne agoyogi ka mirima oloya, mi apandonigi wang’a, to ne giringo ka joneko, mi gidhi kuma gin ema gihero.

Isaya 58:2

Kata obedo ni gin joricho kamano, to pod gidwara pilepile, kendo gihero ng’eyo yorena, mana ka oganda ma timo gik makare, kendo ma ok oweyo chik Nyasaye. Gikwaya mondo amigi chike makare, kendo giwacho ni gimor ka gisudo machiegni koda.

Isaya 65:11

“To un mane ujwang’a, an Ruoth Nyasaye, mi wiu owil gi goda maler, kendo uloso sewni ni nyiseche manono miluongo ni Gad gi Meni, kutimonigi misengni miolo piny,

Isaya 65:3

Gin joma ne kwinya pilepile, kaneno, ka gitimo misengni e puothe, kendo giwang’o ubani e kende molos gi matafali.

Isaya 9:17

Mano, emomiyo Ruoth Nyasaye ok nokech yawuotgi, bende ok nobed mamuol gi nyithi kiye kata gi mond liete, nikech giduto gin joricho, kendo gikia Nyasaye, bende ng’ato ka ng’ato kuomgi wacho mana weche mofuwo. Kata kamano, mirimb Ruoth Nyasaye ok norum, kendo pod nosik kokumogi akuma.

Jeremia 15:6

Ne uweya, kendo udagi wachna, omiyo ne abiro, mi atiekou, nikech ne ok anyal geng’o mirimba kendo.

Jeremia 2:13

nikech joga osetimo richo tieng’ ariyo. Gisebaro, mi giweya, an soko mar pi maliw mamol, kendo gisekunyo yewni mabarore, ma ok nyal ting’o pi!

Jeremia 2:17

Yaye, jo-Israel! Tim ma kamano usekelo mana kuomu uwegi! Ne uweya, an Ruoth Nyasaye ma Nyasachu, kane atelonu e yo.

Jeremia 2:19

Timbeu uwegi maricho ema biro kelonu kum. Ee, timbe mane uweyago ema biro kelonu bura. Kamano ubiro ng’eyo ni weyo Ruoth Nyasaye ma Nyasachu, kendo chaye en gima lit kendo marach moloyo. An Ruoth Nyasaye ema awacho kamano.

Jeremia 2:31

“Chikuru itu maber uduto, mondo uwinj gima awachonu, un jo-Israel. Achalonu thim, koso achalonu piny ma masiche ng’enyie, ma ok unyal dak koda maberni? Ka ok kamano, to marang’o uwacho ni ubiro timo mana kaka uhero, kendo ni ok unyal duogo ira, to un joga?

Jeremia 2:33

Un ung’eyo yore muyudogo osiepeu machwo, to bende kata mana mon ma jochode bende nyalo puonjore kuomu.

Jeremia 2:5

Ruoth Nyasaye owacho niya, “Ang’o marach mane kwereu oneno kuoma, mane omiyo giweya? Ne gilamo nyiseche manono, mi gin bende gidoko joma nono.

Jeremia 32:32

nikech timbe maricho ma jo-Israel gi jo-Juda osetimo, kaachiel gi ruodhigi gi jotendgi kod jodologi gi jonabigi kod ji duto modak e piny Juda gi Jerusalem.

Jeremia 50:29

“Nyisuru jo-asere mondo omonj Babulon. Ee, ng’ato ka ng’ato mong’eyo bayo asere olwor dala, kendo kik uwe ng’ato tony. Chuluru ni Babulon kuor kuom gik moko duto mosetimo, kendo utimne mana kaka osetimo ni ji mamoko, nikech osesungore e nyima, an Ng’ama Ler mar Israel.

Jeremia 51:5

An Ruoth Nyasaye Manyalo Gik Moko Duto pok ajwang’o jo-Israel gi jo-Juda, kata obedo ni gisetimo timbe maricho e nyima kamano, an Ng’ama Ler mar Israel.

Jeremia 7:19

To iparo ni an Ruoth Nyasaye ema gichwanya? Ooyo, gin ema gichwanyore giwegi, kendo gikelo wichkuot kuomgi kendgi.

Jeremia 7:26

To kata kamano ne ok gidewa, bende ne ok giwinja, to wigi nomedo doko matek moloyo kata mana wi kweregi.

Ezekiel 14:5

Kamano ageno ni kum ma abiro kumogigo biro miyo giduogo ira, kata obedo ni giseweya ka gilamo nyiseche manonogo.

Ezekiel 16:33

Dhako ma jachode ichulo pesa. In to, in ema ne ichiwo gik moko ni osiepeni, kendo ne imiyogi asoya mondo giduto gibi giterre kodi.

Ezekiel 16:45

In nyar meru adier adier! Meru ne mon gi chwore kod nyithinde mana kaka isetimo. Bende ichalo gi nyimineni mane mon gi chwogi kod nyithindgi. In, kaachiel gi mier mamoko ma nyimineni, un nyi nyar jo-Hiti to wuoru ne en ja-Amor!

Daniel 9:11

Jo-Israel duto noketho chikeni, mi otamore winjo gima ne iwacho. Ne watimo richoo e nyimi, mi ikelo kuomwa kuong’ duto mondik e kitap chik Musa jatichni.

Zefania 1:6

kaachiel gi joma oselokona ng’egi, kendo ok manya kata kwaya mondo akony.”

Kwan 32:14

Koro kendo uluwo mana timbe wuoneu! Un joma timbegi richo, ma pod biro mana medo mirimb Ruoth Nyasaye kuom jo-Israel,

Mathayo 11:28

“Biuru ira, un duto mujony kendo mugangoru mapek, mondo amiu yueyo.

Mathayo 23:33

Un thuonde ma koth thuonde marichogi! Ere kaka uparo ni dutony e kum mar mach mak tho?

Mathayo 3:7

To kane Johana oneno jo-Farisai gi jo-Sadukai mathoth kabiro ire, nowachonigi niya, “Un nyithind thuonde! En ng’a mane onyisou ni mondo uring utony e kum mabiro?

Jo-Rumi 8:7

Ng’at ma paro mana weche mag dhano mon gi Nyasaye, nikech ok orito Chik Nyasaye. Adier, ok onyal rite.

1 Jo-Korintho 10:22

Wadwaro miyo Ruoth mirima koso? Koso waparo ni watek moloye?

Rapar mar Chik 29:25

To nodwokgi niya, ‘Mano osetimore nikech jo-Israel ne ok orito singruok mane Ruoth Nyasaye ma Nyasach kweregi otimo kodgi kane gin e piny Misri.

Rapar mar Chik 31:16

Ruoth Nyasaye nowacho ni Musa niya, “Ka isetho, moyiki, to jogi biro weya mi luw nyiseche mag jomoko ma gidhi yudo ka gidonjo e pinyno, mana kaka dhako weyo chwore, to dwanyore gi chwo mamoko. Giniweya, kendo giniketh singruok ma asetimo kodgi.

Rapar mar Chik 32:19

Ruoth Nyasaye noneno gik mane yawuote gi nyige timo, mi nojwang’ogi nikech ne giwang’o iye.

Rapar mar Chik 32:5

Tieng’ni to en tieng’ makoch, kendo mobam, ma timbegi mobam nyiso ni ok gin nyithind Ruoth Nyasaye.

Jo-Kolosai 1:24

Emomiyo koro amor ka aneno masira nikech un. Mano e kaka ringra chopo gima orem kuom masiche mane Kristo oneno nikech kanyakla mar jo-Kristo ma en ringre.

Fweny 18:5

nikech richone osebiwore mochopo nyaka e polo, kendo Nyasaye koro oseparo timbene mamonogo.

Jong’ad Bura 10:10

Eka jo-Israel noywak ni Ruoth Nyasaye, ka giywak niya, “A Nyasachwa, waseketho e nyimi, nikech waseweyi, mi walamo mana Baal.”