Isaya 1:25 - MUMA MALER 2015

²⁵ “Anachak asandu mi apuodh richou duto mana ka ng’ama lenyo fedha mondo chuoth nyinyo owuogi.

Motingʼo Loko Manyien

²⁵ Anachwadu gi masiche kendo anapwodhu maler, mi agol timbeu mamono duto.

Isaya 1:25 ပူးပေါင်းရင်းမြစ်များ

Zaburi 119:119

Joricho duto ikwano ka yugi. Kuom mano ahero chikeni.

Isaya 1:22

Fethu oselokore chuoth nyinyo, kendo divachu otimo pi.

Isaya 27:9

Kapok richo mag jo-Israel opwodhi, to nyaka giketh kendegi mag liswa, mi gireg kitegi olokre buru, kendo ging’ad oko yien gi sirni duto milamo.

Isaya 4:4

Ruoth Nyasaye biro ng’ado bura maliel ka mach, kolwoko chind mond Sayun, kendo opwodho remo mochwer e dalano.

Jeremia 6:29

Kata obedo ni obuk mach matek, mondo oleny fedha kendo opwodhi, to en mana ketho kinde kayiem, nikech ng’iend fedha tamore wuok.

Jeremia 9:6

Gitimo timbe mahundu kinde duto, timbegi mag wuond bende osiko asika, to gitamore yie kuoma.

Jeremia 9:7

“Kuom mano, an Ruoth Nyasaye Manyalo Gik Moko Duto awacho ni abiro pwodho joga, ka ng’at malenyo mula mondo ogol ng’iende. Joga osetimo richo, koro ere gima datimnigi?

Ezekiel 20:38

Bende anagol kuomu joma jopiem, kendo maketho chikena. Anagolgi e pinje ma koro gidakie, to ok anayienigi giduogi e piny Israel. Eka unung’e ni kara an e Ruoth Nyasaye.

Ezekiel 22:19

Kuom mano, koro an Ruoth Nyasaye awachonigi kama: Kaka un gik manono kamano, abiro chokou Jerusalem kanyakla,

Ezekiel 22:20

mana kaka ichoko nyinyo mopogore opogore e karaya milenyogie gi mach mager mibuko matek. Kamano e kaka mirimba mager nolenyu, mana kaka mach lenyo nyinyo mopogore opogore.

Ezekiel 22:22

Ibiro lenyou Jerusalem mana kaka ilenyo fedha e karaya, mi unung’e ni an Ruoth Nyasaye ema akumou gi mirimba mager.”

Zefania 3:11

Chieng’no, in Jerusalem ok niyud wichkuot kuom timbeni mamono mane ipiemgo koda, nimar e kindeno anagol jogi ma josunga kendo ma jong’ayi, mi ok nichak isungri kendo e goda maler.

Malaki 3:3

Enobi mondo ong’ad bura mana ka ng’at malenyo fedha obed maler. Enopwodh jodolo maler mana kaka ipwodho fedha gi dhahabu. Bang’e ginitim ni Ruoth Nyasaye misengni makare.

Mathayo 3:12

En gi rapiedhi e lwete, ma obiro piedhogo cham duto maler. Enochok chambe e dero, to mihudhi nowang’ gi mach mak tho!”

Rapar mar Chik 32:43

“Un polo, moruru kaachiel gi Ruoth Nyasaye. Un nyiseche duto, kulreneuru. Moruru un ogendini kaachiel gi joge, kendo malaika duto mag Nyasaye mondo opak tekone, nikech enochul kuor kuom remb jotichne, kokumo wasike kod joma ochaye. Enopwodh piny kaachiel gi joge.”

Fweny 3:19

Joma ahero ema akwero kendo akumo. Emomiyo ket chunyi mondo ilokri iwe richoni.