Isaya 1:24 - MUMA MALER 2015

²⁴ Omiyo Ruoth Nyasaye ma Nyakalaga, ma en Ng’ama Nyalo Gik Moko Duto mar Israel, wacho niya,

Motingʼo Loko Manyien

²⁴ Kuom mano, Ruoth Nyasaye ma en Jehova Nyasaye Maratego, kendo Jehova Nyasaye mar kanyakla mar Israel wacho kama: “Anayud kwe kuom jok ma jara kendo nachul kuor ne wasika.

Isaya 1:24 ပူးပေါင်းရင်းမြစ်များ

Chakruok 49:24

to Jateko ma Nyasach Jakobo noturo atungegi, kendo jakwath ma Lwanda mar Israel, nochodo leche mag ogich bedegi.

Zaburi 132:2

kendo kaka nosingoreni, in Ruoth Nyasaye Manyalo Gik Moko Duto ma Nyasach Israel

Isaya 12:6

Un joma odak Sayun, koguru gi mor, nimar Ng’ama Ler mar Israel odak e dieru gi duong’ne duto.”

Isaya 30:29

To un, unuwer wende mor, mana ka wende miwero e otieno mitimoe sawo maler. Unubed mamor e chunyu, mana kaka jolemo bedo mamor e kinde ma jago asili otelonigi ka gidhi e god Ruoth Nyasaye ma en lwanda mar Israel.

Isaya 35:4

bende nyisuru chuny mool niya, “Beduru motegno, kendo kik ubed maluor. Neuru! Nyasachu biro mondo ochul kuor. Ee, obiro mondo okum wasiku kaka owinjore, kendo oresu.”

Isaya 49:26

Anachun joma thiri, mondo ocham ringregi giwegi, kendo anami gimer gi rembgi, mana ka joma divai makech omero, mi ji duto nong’e ni an Ruoth Nyasaye ema aresou. An Jawaru, ma Ng’ama Nyalo Gik Moko Duto mar Jakobo.”

Isaya 59:18

Obiro timo ni ng’ato ka ng’ato mana gima oromo gi timbene. Ee, obiro kumo wasike gi mirima mager, kata mana mago modak e dhonembe gi chulni.

Isaya 60:16

Iniyud mwandu mag ogendini koda ka mago mag ruodhi. Kamano ining’e ni an, Ruoth Nyasaye e jaresni. Adier, jawarni en Ng’ama Nyalo Gik Moko Duto, ma Nyasach Jakobo.

Isaya 61:2

Bende oseora mondo ahul ni ma e higa ma Ruoth Nyasaye biro guedhoe joge, kod chieng’ ma Nyasachwa biro chuloe kuor.

Isaya 63:4

Ne asechano chieng’ ma achuloe kuor, kendo higa ma aresoe joga osechopo.

Jeremia 50:34

To gin gi jawar maratego ma nyinge Ruoth Manyalo Gik Moko Duto! En owuon ema nolos wachgi, mi okel kue e piny, to jo-Babulon enomi chandruok.”

Jeremia 9:9

Koro donge abiro kumogi kuom timbe ma kamago? Adier, abiro chulo kuor ni oganda machal kamano! An Ruoth Nyasaye ema awacho kamano!”

Ezekiel 16:42

Bang’e mirimba noto, kendo nabed gi kue, mi ok nachak akech kodi kendo.

Ezekiel 21:17

An bende abiro pamo lweta, kendo mirimba biro rumo. An Ruoth Nyasaye ema awacho kamano.

Ezekiel 5:12

Achiel kuom adek mar jou, tuo gi kech nonegi Jerusalem, to achiel kuom adek machielo ligangla ema nonegi e alwora mar dala. Achiel kuom adek modong’ to anake e tung’ piny gi tung’ piny, ka alawogi gi ligangla.

Ezekiel 5:13

To ka asetieko kumou gi mirimba mager kamano, mi achulonu kuor, to mirimba noto, mi abed gi kue mos. Bang’e unung’e ni an Ruoth Nyasaye ema asewuoyo kodu ka chunya lit nikech useweya.

Mika 5:15

to bende abiro chulo kuor gi mirimba mager ni ogendini ma ok oseluora.”

Rapar mar Chik 28:63

Ruoth Nyasaye nobed mamor kokethou, kendo kotiekou mana kaka nobedo mamor koguedhou kendo omiyo unya, mi nogolu gi thwon e piny ma udonjoe mondo ukau.

Rapar mar Chik 32:43

“Un polo, moruru kaachiel gi Ruoth Nyasaye. Un nyiseche duto, kulreneuru. Moruru un ogendini kaachiel gi joge, kendo malaika duto mag Nyasaye mondo opak tekone, nikech enochul kuor kuom remb jotichne, kokumo wasike kod joma ochaye. Enopwodh piny kaachiel gi joge.”

Jo-Hibrania 10:13

Chakre kindeno orito nyaka Nyasaye ket wasike bed raten tiende.

Fweny 18:8

Mano omiyo masichene chieng’ moro nopoye chieng’ achiel. Masichego gin tho gi ywagruok kod kech, kendo nowang’e pep gi mach, nimar Ruoth Nyasaye moseng’adone bura nigi teko maduong’!”