Isaya 1:23 - MUMA MALER 2015

²³ Jotendu duto gin jopiem, kendo giwinjore gi jokuoye. Giduto gihero chamo asoya, kendo gidwaro mondo ji omigi amiya gik moko. Kuom mano ok giyal buche nyithi kiye kare, bende weche ma mond liete okelo e nyimgi ok gidew.

Motingʼo Loko Manyien

²³ Jotendu ongʼanyo kendo gin e kanyakla mar jokwoge, giduto gihero asoya, kendo gihero gik makonyogi giwegi. Ok giyal buche nyithind kiye kare, bende weche mamon ma chwogi otho okelo e nyimgi ok gidew.

Isaya 1:23 ပူးပေါင်းရင်းမြစ်များ

2 Weche mag Ndalo 36:14

Jodolo madongo duto bende kaachiel gi ji, noweyo Ruoth Nyasaye chuth, ka giluwo timbe makuero mag jopinje mamoko. Ne gidwanyo Od Ruoth Nyasaye, mane oseguedho mondo obed mare e Jerusalem.

Wuok 23:8

Kik ucham asoya nikech asoya mono kata ng’at maber wacho adiera, kendo owito buch ng’at ma onge gi ketho.

Ngeche 17:23

Jong’ad bura maricho chamo asoya ling’ling’ mondo oketh bura.

Ngeche 29:24

Ng’at moyie kawo gik ma jakuo okwalo hinyore kende owuon, nikech ong’eyo ni okuong’ ng’at ma ok hul gima rach moseneno, to kata kamano pod ok onyal hulo, nimar ong’eyo bende ni kohulo to dikume.

Isaya 1:17

kendo uwe timo richo to utim mana gik mabeyo. Luwuru mana adiera, kendo konyuru joma ithiro. Bende nyaka une ni nyithi kiye kod mond liete oyal buchegi kare.”

Isaya 1:18

Ruoth Nyasaye wacho niya, “Koro biuru, wapor wach kaachiel. Kata obedo ni richou kwar manade, to ginidog matar ka pe. Adier, kata ka gikwar ka remo, to ginibed marachar ka pamba.

Isaya 1:22

Fethu oselokore chuoth nyinyo, kendo divachu otimo pi.

Isaya 28:14

Kuom mano, chikuru itu, un josunga, ma jotend jo-Jerusalem.

Isaya 3:14

Ee, oyalo jodong joge gi jotendgi, kowacho niya, “Useketho puotha mar mzabibu, kendo gik moko ma useyako kuom joma odhier opong’o uteu.

Isaya 30:1

Ruoth Nyasaye wacho niya, “Yaye, unune malit, un nyithinda ma jopiem! Uchano timo gik moko ma ok meka, bende utimo winjruok gi ogendini mamoko, to an ok ahero. Kamano umedo mana richo ewi richo!

Isaya 33:15

Ng’atno nyaka bed mana ng’at ma timbene oriere, kendo ma wacho adiera, bende ma ok dwar mwandu miyudo gi malang’, kendo ma riembo asoya kucha, bende ma dino ite ni weche mag chwero remo, kendo ma umo wang’e ni timbe mamono.

Isaya 5:23

ubiro yudo kum, nimar uweyo joketho nikech asoya, to joma onge ketho ema utamo e adiera monego giyudi!

Isaya 65:2

Ne arieyo bada odiechieng’ duto, ka ahombo joma wigi tek, mane luwo mana yoregi maricho, katimo dwarogi giwegi.

Jeremia 22:17

In to ineno mana gigi iwuon. Inego joma onge ketho, kendo ithiro jogi gi gero. An Ruoth Nyasaye ema awacho kamano.”

Jeremia 32:32

nikech timbe maricho ma jo-Israel gi jo-Juda osetimo, kaachiel gi ruodhigi gi jotendgi kod jodologi gi jonabigi kod ji duto modak e piny Juda gi Jerusalem.

Jeremia 4:17

Gibiro timo ageng’a ni piny Juda mana ka joma olworo puodho, nikech oganda jo-Juda oseweya. Ruoth Nyasaye ema owacho kamano.

Jeremia 5:5

Omiyo koro abiro dhi ir jotelo mondo alosgo, nimar nyaka bed ni gin ema ging’eyo yor Ruoth Nyasaye, kod gima Nyasachgi dwaro.” To kara gin bende gisedagi loch mar Ruoth Nyasaye, kendo gitamore rito chikne.

Jeremia 5:6

Mano emomiyo sibuor moa e bungu biro negogi. Ee, ondiek moa e thim biro kidhogi, kendo kwach nowuoth e miechgi. Ng’ato ang’ata mowuok oko nokidh matindo tindo. Magi duto notimre nikech richogi thoth, kendo nikech giseweyo Nyasaye nyading’eny.

Ezekiel 12:2

“In wuod dhano, idak e kind joma jopiem. Gin gi wenge to ok ginyal neno gimoro, bende gin gi it, to ok ginyal winjo wach, nikech gin joma wigi tek.

Ezekiel 22:27

Ruodhi chalo gi otoche ma kidho le ma gimako. Gichuero remo mondo giyud mwandu.

Hosea 4:18

kendo gin e kanyakla mar jomer. Gidhi nyime gi timbegi mag chode, kendo gihero wichkuot moloyo nying maber.

Hosea 5:10

Akecho jotend Juda nikech gisekwalo lop jowetegi, omiyo abiro olo mirimba mager kuomgi mana ka aora mopong’ ma mwomo genge.

Hosea 9:15

Ruoth Nyasaye wacho niya, “Richogi duto nochakore Gilgal, kendo kuno ema nachako monie kodgi. Kuom mano abiro riembogi e pinya, nikech richo ma gisetimo. Anawe herogi nimar jotendgi duto osetamore luora.

Amos 5:12

nimar ang’eyo kaka kethou ng’eny, kendo ang’eyo kaka richou okadho akwana. Un usando joma onge gi ketho, kendo uchamo asoya, bende utamo joma odhier yudo bura makare.

Mika 3:11

Jodong dala ng’ado bura maber mana ni joma miyogi asoya; jodolo bende lero tiend chik ni joma miyogi gimoro, kendo jonabi hulo gik ma gikoro mana ka omigi pesa. To eka pod gineno ni Ruoth Nyasaye biro konyogi! Giwacho niya, “Donge Ruoth Nyasaye ni kodwa? Omiyo onge masira moro mabiro makowa.”

Mika 3:9

Winjuru, un jo-Israel mochayo timbe makare, kendo ma loko adiera bedo miriambo.

Mika 6:12

Joma jomoko manie dalani mayo joma odhier. Gin jomriambo mosiko ka hango wach ahanga.

Mika 7:3

Gitimo timbe maricho gi chunygi duto. Jodongo kwayo gik moko mondo omigi, kendo jong’ad bura chamo asoya, bende jotelo golo chik mana kaka gin ema gihero.

Zekaria 7:10

Kik usand nyithi kiye gi mond liete, gi jopinje mamoko modak kuomu, kod joma odhier, bende kik ng’ato chan timo ni wadgi tim moroo mamono.’

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

Kwan 22:7

Jodong Moab gi Midian ne jokawo gik michulo jokor, mi gidhi ir Balaam, kendo ginyise kaka Balak oorogi.

Mathayo 21:13

Eka nowachonigi niya, “Ondiki e Muma ni, ‘Oda noluong ni od lemo.’ Un to uloke od jomecho!”

Mariko 11:17

Bang’ mano nopuonjo ji, kowacho niya, “Donge ondiki e Muma ni, ‘Oda noluong ni od lemo mar Ogendini duto’? Un useloke od jomecho!”

Luka 19:46

kowachonigi niya, “Ondiki e Muma ni, ‘Oda nobed od lemo’, to un useloke od jomecho.”

Luka 24:27

Bang’ mano, Yesu nonyisogi weche mane jonabi duto ondiko.

Rapar mar Chik 16:19

Kik ung’ad buch amwor kata buch nyakonchiel, to bende kik ucham asoya, nimar asoya mono kata mana ng’at mariek wacho adiera, kendo wito buch ng’at ma onge ketho.

Jakobo 1:27

Lemo mar adier kendo maler e nyim Nyasaye Wuoro, en limo nyithi kiye gi mond liete e chandruokgi, kendo bende gi ritruok kuom richo mag piny.

1 Samuel 8:3

Yawuotego ne ok oluwo timbene, to ne giketho bura, ka gibaro kuom dwaro mwandu malang’, kendo kuom chamo asoya.