Isaya 1:22 - MUMA MALER 2015

²² Fethu oselokore chuoth nyinyo, kendo divachu otimo pi.

Motingʼo Loko Manyien

²² Fedha magu oselokore chuoth nyinyo bende divai magu mogen oseruw gi pi.

Isaya 1:22 ပူးပေါင်းရင်းမြစ်များ

Zaburi 119:119

Joricho duto ikwano ka yugi. Kuom mano ahero chikeni.

Isaya 1:21

Mano kaka dala Jerusalem mane chon oluoro Nyasaye koro chalo mana gi dhako moweyo chwore, to dwanyore gi chwo mamoko! E kinde moko ne en kama adiera nitie, to tinde jonek ema opong’e.

Isaya 1:23

Jotendu duto gin jopiem, kendo giwinjore gi jokuoye. Giduto gihero chamo asoya, kendo gidwaro mondo ji omigi amiya gik moko. Kuom mano ok giyal buche nyithi kiye kare, bende weche ma mond liete okelo e nyimgi ok gidew.

Hosea 4:18

kendo gin e kanyakla mar jomer. Gidhi nyime gi timbegi mag chode, kendo gihero wichkuot moloyo nying maber.

Hosea 6:4

To Ruoth Nyasaye wacho niya, “Un jo-Israel gi jo-Juda, ang’o ma anyalo timonu? Hera ma uherago lal piyo mana ka ong’weng’o mar okinyi, kata ka tho maduono ka nyango tegno.

2 Jo-Korintho 2:17

Wan ok wachal gi ji mathoth makonyore gi Wach Nyasaye e yo ma ok kare, mondo oyudgo ohala. Ooyo, wan joma Nyasaye oseoro, omiyo wawuoyo e nyim Nyasaye gi adiera ka joma ni kuom Kristo.