Isaya 1:21 - MUMA MALER 2015

²¹ Mano kaka dala Jerusalem mane chon oluoro Nyasaye koro chalo mana gi dhako moweyo chwore, to dwanyore gi chwo mamoko! E kinde moko ne en kama adiera nitie, to tinde jonek ema opong’e.

Motingʼo Loko Manyien

²¹ Neye kaka dala maduongʼ ma yande oluoro Nyasaye koro oselokore ochot! Kinde moko ne en kama adiera odakie, tim makare ne yudore, to tinde jonek ema opongʼe.

Isaya 1:21 ပူးပေါင်းရင်းမြစ်များ

2 Samuel 8:15

Daudi nobedo ruodh Israel duto, morito piny gi kue, kong’ado bura kare ni joge duto.

2 Weche mag Ndalo 19:9

Jehoshafat nochikogi kama, “Unuti tijeu gi adiera kendo gi chunyu duto kuluoro Ruoth Nyasaye.

Nehemia 11:1

Jodong Israel nobiro modak Jerusalem, to joma moko nogoyo ombulu moyiero ng’at achiel achiel kuom ji apar mondo odag Jerusalem, dala mowal ni Nyasaye. Ji modong’ to nodak e mier mamoko,

Zaburi 46:4

Nitie aora makelo mor e dala mar Nyasaye, ma Ng’ama Duong’ Moloyo oseloko kar dakne.

Zaburi 48:1

Ruoth Nyasachwa duong’! Omiyo nyaka apake ahinya e dalane manie wi gode maler.

Zaburi 48:8

Ne awinjo gik ma Nyasaye osetimo, to koro wasenenogi gi wang’wa e dala Ruoth Nyasachwa ma Nyasach ogendini. En dala ma oguro motegno nyaka chieng’.

Isaya 1:22

Fethu oselokore chuoth nyinyo, kendo divachu otimo pi.

Isaya 26:10

Jaricho to kata da dhial manade, to pod ok onyal puonjore tim makare, to omedo ameda timo richo e piny ma adiera nitie, ka ok odew duong’ mar Ruoth Nyasaye.

Isaya 48:2

kata obedo ni upakoru ni un jo-Jerusalem, dala maler, ma nyinge en Ruoth Nyasaye Manyalo Gik Moko Duto kamano.

Isaya 5:7

Puoth mzabibu mar Ruoth Nyasaye Manyalo Gik Moko Duto en Israel, kendo jo-Juda e yath mane orito maber. Ne ogeno ni adiera dibedie, to nek ema ne oneno, bende noparo ni tim makare diyudree, to ywak malit ema ne owinjo.

Isaya 59:14

Bura makare ogol oko, kendo tim makare ni kuma bor. Adiera bende onge kata mana e chirni, kendo bura makare orumo e ut bura chuth.

Isaya 59:15

Kuom mano, adiera olal nono, kendo ka ng’ato obet motang’ ni richo, to ikwane mana ka janeko! Ruoth Nyasaye noneno ni adiera onge, omiyo iye nowang’.

Isaya 59:3

Lwetu omienore gi remo, kendo usemulo richo. Miriambo bende wuok e dhou, kendo lew hango wach.

Jeremia 3:1

Ruoth Nyasaye owacho niya, “Ka ng’ato oriembo chiege, mi chiegeno odhi, kendo bang’e ng’at machielo okende, to chwore mokwongo ok nyal kawe kendo, nikech dhakono koro ogak. To un jo-Israel useweya, mulamo nyiseche mang’eny, kudwanyoru mana ka dhako madwanyore gi chwo mang’eny, to koro udwaro duogo ira!

Hosea 11:12

Ruoth Nyasaye wacho niya, “Jo-Israel osemera gi miriambo kod wuond, kendo jo-Juda bende pod osiko odagi wachna, an Ng’ama kare kendo maler.

Hosea 2:5

ema nonywologi e terruok. Dhako mane onywologino onge gi wichkuot, nimar owacho niya, ‘Adwaro chodena, nikech gin ema ne gimiya chiemo gi pi, gi mo kod divai, kod yie rombe, gi pamba michweyo nanga.’

Habakuk 1:4

Kuom mano ji ok luw chik, kendo buche ok yal gi adiera, nimar joma timbegi mono thoth, mohewo joma kare. Mano emomiyo adiera iloko aloka.

Zekaria 8:3

Koro an Ruoth Nyasaye awacho ni aseduogo Sayun kendo abiro dak Jerusalem. Jerusalem ibiro luongo ni, ‘Dala ma Adiera Nitie’, kendo god Ruoth Nyasaye Manyalo Gik Moko Duto noluong ni, ‘Got Maler’.

Luka 13:34

“Yaye jo-Jerusalem! Yaye jo-Jerusalem! Un munego jonabi, kendo ugoyo joma Nyasaye ooro iru gi kite! Mano kaka asedwaro mondo achoku duto kaka nyabuch gweno choko nyithinde e bwombe, to usetamoru.

Tich Joote 7:52

Bende nitie janabi moro mane kwereu ok osando? Ne ginego joote Nyasaye mane osehulo chon ni Ng’ama Kare biro biro. To koro un usendhogo Ng’ama Kareno, mi unego.

Jo-Hibrania 12:22

Ooyo, un uchung’ e nyim got Sayun, dala mar Nyasaye mangima, ma en Jerusalem manie polo, kendo uchung’ e nyim malaika gana gi gana. Unie nyim chokruok ma galamoro mar nyithind Nyasaye.

Fweny 11:2

To iwe laru maoko manie nyim Hekalu mak ipimo, nimar osemiye joma ok jo-Yahudi, kendo gibiro nyono dala maler gi tiendegi kuom dueye piero ang’wen gariyo.

Fweny 11:8

Ringregi noriere e yo mar dala maduong’ ma iluongo gi ngero ni Sodom kata Misri, ma en dala mane ogurie Ruodhgi.

Fweny 17:1

Eka achiel kuom malaika abiriyo man gi tewni abiriyo nobiro ira, mi owachona niya, “Bi mondo anyisi bura mong’adi ni jachode maduong’, ma en dala maduong’ moger e wi pige mang’eny!