Isaya 1:19 - MUMA MALER 2015

¹⁹ Ka uyie kuoma, mumako chikna gi chunyu duto, to unucham gik mabeyo duto manie piny.

Motingʼo Loko Manyien

¹⁹ Ka uyie kuoma muboloru kendo umako chikena duto, to unucham gik mabeyo mag piny;

Isaya 1:19 ပူးပေါင်းရင်းမြစ်များ

Isaya 25:6

Kamano Ruoth Nyasaye Manyalo Gik Moko Duto biro loso sawo mamit ni ji duto ewi got Sayun. Enobed sawo mar divai mochiek chuth, kendo modhing’ maber, kod chiemo mamit motimo mo.

Isaya 3:10

Ng’at makare en jahawi, kendo gik moko duto dhine maber, nikech oyudo pok kuom gik mabeyo motimo.

Isaya 58:14

to unubed moil kuom Ruoth Nyasaye, kendo enoteru ewi piny kama oting’ore, ka ulocho, bende enomiu mwandu mane osingore ni nomi Jakobo kwaru. Ruoth Nyasaye ema owacho kamano.

Isaya 65:13

Kuom mano, an Ruoth Nyasaye, awacho niya: Jotichna nochiem, to un unudeny, kendo ginimodhi, to un riyo nohewu. Bende ginibed mail, un to unuyud wichkuot.

Jeremia 21:8

Ruoth Nyasaye ne ochako owacho ni Jeremia mondo onyis ji kama: “Winjuru an Ruoth Nyasaye aketonu yore ariyo mondo uyier achiel kuomgi. Achiel en dhi e ngima, to machielo en dhi e tho.

Jeremia 7:3

Ruoth Nyasaye Manyalo Gik Moko Duto kendo ma Nyasach Israel, owacho ni mondo ulok yoreu gi timbeu maricho, eka owe udak kaeri.

Jeremia 7:5

Lokuru yoreu gi timbeu, kendo ng’ato ka ng’ato mondo otim ni wadgi gima kare.

Jeremia 7:7

Kulokoru kamano to anyalo weyo udag kaeri e piny mane amiyo kwereu chon mondo obed margi nyaka chieng’.

Joel 2:26

Koro ubiro bedo gi chiemo mathoth, mucham nyaka uyieng’, mi unupak Ruoth Nyasaye ma Nyasachu, mosetimonu gik miwuoro. Bende joga ok nochak ojar kendo.

Tim jo-Lawi 25:19

Lowo nochieg cham, mi unuchiem muyieng’, kendo unudag gi kue.

Tim jo-Lawi 26:3

“Ka uwuotho e yorena, mi urito chikena, kendo uluwogi,

Tim jo-Lawi 26:5

Unudin cham nyaka e kinde miponoe mzabibu, kendo unupon mzabibu nyaka kinde michwoyoe. Unuyud chiemo moromou, kendo unudag e pinyu gi kue.

Hagai 1:12

Zerubabel wuod Sheatiel, gi Joshua wuod Jehozadak jadolo maduong’, kaachiel gi ji moko duto mane oa e tuech nowinjo weche Ruoth Nyasaye, kaachiel gi weche mane Hagai owacho kane Ruoth Nyasachgi oore, mi luoro maduong’ nomakogi e nyim Ruoth Nyasachgi.

Rapar mar Chik 28:1

“Ka uluoro Ruoth Nyasaye ma Nyasachu, kendo urito adimba chikene duto ma amiyou kawuono, to enoting’u malo moloyo ogendini duto mag piny,

Jo-Hibrania 5:9

Kendo kane osebedo ng’ama kare chuth, nodoko jakel warruok mosiko ni ji duto mawinjo wachne,