Isaya 1:18 - MUMA MALER 2015

¹⁸ Ruoth Nyasaye wacho niya, “Koro biuru, wapor wach kaachiel. Kata obedo ni richou kwar manade, to ginidog matar ka pe. Adier, kata ka gikwar ka remo, to ginibed marachar ka pamba.

Motingʼo Loko Manyien

¹⁸ Jehova Nyasaye wacho niya, “Biuru machiegni mondo wapor wach, kata obedo ni richou kwar manade to ibiro luoki magibed matar ka pe, bende kata bed ni gikwar malich to nobed marachar ka pamba.

Isaya 1:18 ပူးပေါင်းရင်းမြစ်များ

Ayub 9:33

Mad ng’ato bedie ma dithegwa gi Nyasaye, kata ma ding’adnwa bura e kindwa kode,

Zaburi 51:7

Golna richona, eka abed maler, kendo lwoka mondo abed matar moloyo pe.

Zaburi 51:9

Geng’ wang’i ni richona, kendo lwok timbena mamono duto.

Isaya 1:23

Jotendu duto gin jopiem, kendo giwinjore gi jokuoye. Giduto gihero chamo asoya, kendo gidwaro mondo ji omigi amiya gik moko. Kuom mano ok giyal buche nyithi kiye kare, bende weche ma mond liete okelo e nyimgi ok gidew.

Isaya 3:13

To Ruoth Nyasaye biro mondo oyal kendo ong’ad bura ni joge.

Isaya 41:1

Un pinje mae dhonembe, kod chulni chikuru itu, ka uling’ thi e nyima. Ogendini mondo obi abia! Gibi abia machiegni mondo giwuo ane. Waduto wanadonj kaachiel kama ing’adoe bura.

Isaya 41:21

Ruoth Nyasaye ma Ruodh joka Jakobo wacho niya, “Biuru, uwach wachu ane.

Isaya 44:22

Aserucho richou, mi oduono mana ka ong’ueng’o. Ee, asekeyo timbeu mamono mana ka boche polo. Duoguru ira, nikech asewarou.”

Isaya 50:8

bende ang’eyo ni ng’at ma biro pogo wachna kare ni buta. Kuom mano, ng’at ma hedhore piem koda mondo obi waradi! Adier, ng’at ma dwaro kwero wechena mondo owuog ane!

Isaya 55:7

Joma timbegi mono mondo owe timbegi maricho kod paro mochido. Onego giduog ir Ruoth Nyasaye mondo okechgi. Adier, onego giduogi ir Nyasachwa, nimar nong’wonnigi richogi duto.

Jeremia 2:5

Ruoth Nyasaye owacho niya, “Ang’o marach mane kwereu oneno kuoma, mane omiyo giweya? Ne gilamo nyiseche manono, mi gin bende gidoko joma nono.

Ezekiel 18:27

To ka ng’at ma timbene mono oweyo timo richo, mi otimo timbe makare kendo malong’o, to oreso ngimane,

Ezekiel 33:16

Anawene richo duto ma osetimo, kendo enobed mangima nikech otimo gik makare kendo mabeyo.

Mika 6:2

Un gode, kendo un mise mochwere mag piny, winjuru weche ma Ruoth Nyasaye dwaro yalo, nikech en gi bura gi joge, kendo obiro yalo kodgi.

Tich Joote 17:2

Kendo Paulo nodhi e od lemo kaka ne ojatimo. Kuom Sabato adek maluwore nowuoyo gi ji kuom weche mondiki e Muma,

Tich Joote 18:4

Ne opuonjo e od lemo mar jo-Yahudi kod jo-Grik bende mondo oyie ni gima owacho en adier.

Tich Joote 24:25

To kane Paulo odhi nyime kawuoyo kuom bedo makare, kendo kuom ritruok, kod Chieng’ Bura mabiro, Feliks nodoko maluor, mi owacho ni, “Koro dogi, to chieng’ moro nachak aluongi ka ayudo thuolo.”

Jo-Rumi 5:20

Chik nobiro, mi ketho omedore. To kama richo nomedoree, ng’wono nomedoree moloyo,

Fweny 7:14

To ne adwoke ni, “Jaduong’, in ema ing’eyo.” Eka ne owachona niya, “Magi e joma oseneno Sand Maduong’. Giselwoko lepgi e remb Nyarombo, mi gimiyo odoko marachere.

1 Samuel 12:7

Emomiyo chung’uru mos, mondo awuo kodu e nyim Ruoth Nyasaye, ka aparonu timbe makare duto mane Ruoth Nyasaye otimonu, kendo otimo ni kwereu.