Isaya 1:15 - MUMA MALER 2015

¹⁵ Bende ka uting’o bedeu malo ka ulemo, to abiro umo wang’a mondo kik aneu, kendo kata da bed ni ulemo machal nade, to ok nawinju

Motingʼo Loko Manyien

¹⁵ Ka utingʼo bedeu malo kulemo to anapandnu wangʼa, kendo kata ulem machal nade to ok anadwoku. Lweteu osechwero remo mangʼeny!

Isaya 1:15 ပူးပေါင်းရင်းမြစ်များ

1 Ruodhi 8:22

Eka Solomon nochung’ e dho kendo-mar-misango mar Ruoth Nyasaye, e nyim jo-Israel duto. Norieyo bedene malo kochomo polo,

1 Ruodhi 8:54

Kane Solomon osetieko lamo Ruoth Nyasaye, kendo kwaye wechego duto, noa malo e nyim kendo-mar-misango mar Ruoth Nyasaye, kama nosegoyoe chonge piny, morieyo bedene kochomo polo.

Ezra 9:5

To kane sa mitimoe misango mar odhiambo ochopo, nachung’ aa kama ne aywagorae ka lawa oyiech, kendo nagoyo chonga piny, matang’o lweta ni Ruoth Nyasaye ma Nyasachwa, ka awacho niya,

Ayub 27:20

Masira nomakgi ka ohula motucho apoya, kendo yamb otieno nokegi mabor.

Ayub 35:13

Giywak kayiem, nimar Nyasaye Manyalo Gik Moko Duto ok winjgi, bende ok onen-gi.

Zaburi 134:2

Ting’uru bedeu malo, ka uchomo Kama Ler, kendo pakuru Ruoth Nyasaye.

Zaburi 55:1

A Nyasaye, winj lemona, kendo kik ipandna wang’i ka aywakni,

Zaburi 66:18

Ka dine bed ni richo mitna, to Ruoth Nyasaye dine ok owinja.

Wuok 9:29

Musa nowachone niya, “Ka asea e dalani, to abiro rieyo bada kalamo Ruoth Nyasaye. Polo biro weyo mor, kendo pe bende biro chok mondo omi ing’e ni Ruoth Nyasaye e wuon piny ngima.

Ngeche 1:28

E kinde ma un e thagruok kamano, unuluonga to ok anaduoku, bende unumanya kuonde duto, to ok unuyuda kamoro amora!

Ngeche 6:17

Mokwongo en wang’ maneno gi sunga, mar ariyo en lep mawacho miriambo, mar adek en lwedo machwero remb joma onge ketho,

Isaya 4:4

Ruoth Nyasaye biro ng’ado bura maliel ka mach, kolwoko chind mond Sayun, kendo opwodho remo mochwer e dalano.

Isaya 45:15

Adier, in Nyasaye mapondo, A Nyasach Israel ma Jawarwa!

Isaya 58:4

Kuom mano tueyo chiemo ma utueyo, kelo mana miero gi lweny, kendo miyo ji goyo joma odhier adhong’. Emomiyo tueyo chiemo mutueyono, ok nomi winj dwondu e polo malo.

Isaya 58:7

Koso donge en ni mondo upog chiembu ni joma kech ohewo, kendo urwak joma odhier, ma onge kuonde dak, e miechu, bende umi joma wuotho duk lewni, kendo kik upand wang’u ni wedeu?

Isaya 64:7

Onge ng’ama lami, kata matemo mondo opadre kuomi, nikech ipandonwa wang’i kendo ijwang’owa e richowa.

Isaya 8:17

Arito Ruoth Nyasaye ma pando wang’e ni joka Jakobo, ka ageno mana en.

Jeremia 11:11

Kuom mano an Ruoth Nyasaye asiemogi ni abiro kelo masira kuomgi kendo onge ng’at ma notony. To kata ka giywak mondo akonygi, to ok nadewgi.

Jeremia 14:12

Kata ka gitueyo chiemo, to ok nawinj ywakgi, kendo kata ka gichiwona misengni miwang’o pep, gi mag erokamano, to ok nabed mamor kodgi. Abiro miyo githo e lweny, kendo kech gi tuo biro negogi.”

Jeremia 4:31

Ne awinjo ywak ka mar dhako ma muoch kayo. Ee, mana kaka mar dhako ma hango nywol. Kara ne en mana dwond Jerusalem, ma gamo yueyo, kendo orieyo bade kawacho niya, “Arumo! Chunya dwaro a, nikech jonek lwora mondo onega.”

Ezekiel 11:6

Usenego ji mang’eny ahinya e dala ka, mi wang’yore opong’ gi ringre joma otho.

Ezekiel 14:3

kawachona niya, “Wuod dhano, jogi oketo chunygi kuom lamo nyiseche manono, kendo giyie mondo nyisechego otergi e richo. Koro ere kaka giparo ni anyalo dwokogi?

Ezekiel 39:23

kendo ogendini mamoko nong’e ni ne oter jo-Israel e tuech nikech richo mane gitimo ka giweya. Ne ajwang’ogi e lwet wasikgi, kendo aweyo githo giduto e lweny.

Hosea 5:6

Gidhi gi jambgi mondo gitimgo misengni ni Ruoth Nyasaye, to ok ginyal yude, nikech oseweyogi.

Mika 3:4

Kinde biro ma unuywagie ni Ruoth Nyasaye, to ok nodwoku, kata mana winjo lemou ok nowinji, nikech timbe maricho musetimo.

Zekaria 7:13

Ne awacho niya, ‘Kaka ne gidagi winja ka aluongogi, e kaka ne adagi winjogi ka giluonga,

Mathayo 23:13

“Mano kaka unune malit, un jopuonj Chik gi jo-Farisai, ma wuondore ni ohero Nyasaye! Uchiego ni ji dhoranga Piny Ruodh Polo, to un uwegi ok udonjie, to eka joma dwaro donjoe be utamo. [

Mathayo 6:7

“To bende ka ulemo, to kik uthor weche manono, kaka joma kia Nyasaye timo. Giparo ni Nyasachgi biro winjogi nikech wechegi mang’enygo.

Johana 9:31

Wang’eyo ni Nyasaye ok winj wach joricho, to ng’at moluore, kendo matimo gik ma odwaro, ema owinjo.

1 Timotheo 2:8

Emomiyo adwaro ni mondo kamoro amora ma ji ochokoree e lemo, to chwo ema mondo olem. To nyaka gibed joma ler, manyalo ting’o luetgi malo kaonge gi mirima kata mbaka moro e chunygi.