Isaya 1:14 - MUMA MALER 2015

¹⁴ Ok ayie kodgi! Giwang’o iya, kendo ok adwar nenogi chuth!

Motingʼo Loko Manyien

¹⁴ Sewni mutimo ka dwe opor kod sewni moyier chido chunya, giselokore tingʼ mapek matura bende aol gi tingʼogi.

Isaya 1:14 ပူးပေါင်းရင်းမြစ်များ

1 Weche mag Ndalo 23:31

Ne gikonyo bende joma ne timo misango miwang’o pep ni Ruoth Nyasaye e ndalo Sabato, kendo ka due opor, kendo en ndalo moketi, kaka nochan-gi.

Isaya 29:1

Yaye, inine malit in Jerusalem, dala mane Daudi obworoe! Kuom higa achiel kata higni ariyo sewni mitimo higa ka higa pod timore,

Isaya 29:2

to bang’e anakelni masira, mi ywagruok gi nduru nobedie, kendo inichal gi kendo-mar-misango ma remo ochuerie!

Isaya 43:24

Ne ok ung’iewona niang’ gi pesau, kata dhila gi boche mag misengniu, ne ok udhila. To ne utura mana gi richou, kendo ne uola mana gi timbeu mamono.

Isaya 61:8

nimar an Ruoth Nyasaye ahero adiera, to amon gi mecho kod timbe mamono. Omiyo abiro miyou pok ma ok lokre, mi atim kodu singruok mochwere.

Isaya 66:23

E kinde ka kinde ma due opor, kendo chieng’ Sabato ka chieng’ Sabato, ji duto nobi e nyima mondo olama. Ruoth Nyasaye ema owacho kamano.

Isaya 7:13

Bang’e Isaya nowacho niya, “Un joka Daudi, chikuru itu. Olo chuny ji ma uolo pok oromou koso, ma pod udwaroe mana olo Nyasacha bendeni?

Hosea 2:11

Anatiek mor duto moneno, kod chokruokne duto mag lemo, kaka sewni motimo higa ka higa, gi sewni motimo due ka due, kod nyasi motimo juma ka juma.

Hosea 5:7

Gisendhogo Ruoth Nyasaye, mi giweyo, kendo nyithindgi ok gin joge. Omiyo puothegi koro ibiro kethi.

Amos 2:13

Koro abiro diyou piny kama untie, mana kaka gari mopong’ gi cham sikore e lowo.

Amos 5:21

“Amon gi sewni mutimona, kendo ajarogi, bende ok ahero nyasi mau mag lemo.

Zekaria 11:8

Kane pok due achiel orumo, ne ariembo jokwath adek nikech ne gijoga, kendo gin bende chunygi nosin koda.

Malaki 2:17

Wecheu osemiyo Ruoth Nyasaye ool. To kupenjo ni ere kaka usemiyo ool, to odwokou niya, “Umiyo aol kuwacho ni Ruoth Nyasaye kwano joma richo ka joma beyo, kendo oherogi. Bende usemiyo aol kupenjo ni, ‘Ere Nyasachwa ma ng’ado bura kare?’ ”