Isaya 1:13 - MUMA MALER 2015

¹³ Gik muchiwona onge tich, kendo tikgi dwaro ng’oga! Bende sewni mutimo ka due opor, kendo mutimo e kinde mag Sabato, ojoga. Chokruok mutimo, gi ndalou mag tueyo chiemo kod sewni mamoko bende ok adwar.

Motingʼo Loko Manyien

¹³ Kik ukel misengini maonge tich e nyima! Tik ubanino dungʼna marach, kendo sewni mutimo ka dwe opor, gi mag Sabato kata e chokruoge duto ok amorgo.

Isaya 1:13 ပူးပေါင်းရင်းမြစ်များ

2 Ruodhi 4:23

Chwore nopenje niya, “Ang’o momiyo idwaro dhi ire kawuono? Due pok opor, bende ok en chieng’ Sabato.” Nodwoke ni, “Adhi adhiya.”

1 Weche mag Ndalo 23:31

Ne gikonyo bende joma ne timo misango miwang’o pep ni Ruoth Nyasaye e ndalo Sabato, kendo ka due opor, kendo en ndalo moketi, kaka nochan-gi.

Zaburi 78:40

Ne gipiem kode e thim ndalo mang’eny, kendo ne gimiye mirima ndalo mathoth!.

Wuok 12:16

Chieng’ mokwongo kod chieng’ mar abiriyo, nyaka utim chokruok moyiedhi. Kuom ndalo ariyogo kik uti tich moro mak mana tij loso chiemo.

Ngeche 21:27

Ruoth Nyasaye mon gi misango ma joricho timone, to moloyo kotimne misangono gi paro marach.

Ngeche 7:14

“Nende atimo sap misango kawuono gi chiayo, omiyo an gi ring’o mang’eny.

Isaya 66:23

E kinde ka kinde ma due opor, kendo chieng’ Sabato ka chieng’ Sabato, ji duto nobi e nyima mondo olama. Ruoth Nyasaye ema owacho kamano.

Isaya 66:3

“Ng’at moyang’o rwath chalre gi ng’at monego dhano. Ng’at motimo misango gi rombo, bende chalre gi ng’at moturo ng’ut guok, kendo ng’at mochiwo misango mar cham chalre gi ng’at mochiwo remb mbidhi, bende ng’at mowang’o ubani kar rapar chalre gi ng’at molamo nyiseche manono, kendo kaka chunygi mor gi timbe makuerogo,

Ywagruok 2:6

Osegolo gik moko duto e Hekalu mare, mi odong’ nono mana ka kiru mowe e puodho. Adier, kama ler ma joge chokoree osemuko chuth. Ruoth Nyasaye osemiyo wi ji owil gi sewni madongo kod Sabato e Sayun, kendo osejwang’o ruoth kod jodolo ka iye owang’.

Ezekiel 20:39

“An Ruoth Nyasaye awacho kama: Ara, un jo-Israel, koro dhiuru adhiya nyime gi tiyo ni nyisecheu manonogo! To aramo ni e giko to ubiro luora, mi ok unumi nyinga maler kethre kuom chiwo mich ni nysecheu manono.”

Hosea 2:11

Anatiek mor duto moneno, kod chokruokne duto mag lemo, kaka sewni motimo higa ka higa, gi sewni motimo due ka due, kod nyasi motimo juma ka juma.

Joel 1:14

Gouru milome mondo ji ori kech, kendo luonguru chokruok mar lemo. Un jodongo, chokuru jo-Juda duto e Od Ruoth Nyasaye mondo oywagne!

Joel 2:15

Gouru tung’ e got Sayun, gouru milome mondo ji ori kech, kendo luonguru chokruok mar lemo.

Tim jo-Lawi 26:31

Analok miechu gundni, mi anaketh kuondeu mag lemo, kendo ok anayie ng’weyo tik misengni mau madum mamit.

Malaki 1:10

Ruoth Nyasaye Manyalo Gik Moko Duto owacho niya, “Da obedo maber ka ng’at achiel kuomu oloro dhorangeye mag laru mar Hekalu, mondo kik umok mach e kendona mar misango kayiem nono. Ok amor kodu, kendo ok nayie misengni muchiwona.

Kwan 10:2

“Thedh tunge ariyo mag fedha mondo igo kiluongo jo-Israel, kendo kigoyogo milome mondo kambi odar.

Mathayo 15:9

Gilama kayiem nono, nimar gipuonjo chike mag dhano, mana ka gima gin chike Nyasaye!’ ”

Luka 11:42

“Mano kaka unune malit, un jo-Farisai! Uketo chunyu kuom chiwo ni Nyasaye mich mar achiel kuom apar mar apoth gi onyulo, kod alode mamoko duto maonge tich, to uweyo ng’ado bura kare, kendo ok uhero Nyasaye! Gigo ema onego bed ni utimo to mamokogo bende ok onego uwe mak utimo.

1 Jo-Korintho 11:17

Kapod apuonjou wach lemo kama, to an gi wach moro monego akweru: Ka uchokoru to chokruoku ok kel ber, to kelo mana rach.

Jo-Efeso 4:30

Kik umi Roho Maler mar Nyasaye chuny lit, nikech Roho e kido ma Nyasaye oketonu, kaka ranyisi ni noresu chieng’ resruok.

Jo-Filipi 1:15

Ang’eyo ni jomoko lando wach Kristo ka nigi ichlit kod miero. Jomoko to lande ka chunygi ler adier.