Isaya 1:1 - MUMA MALER 2015

¹ Ma e fweny ma wuoyo kuom Juda gi Jerusalem, mane Isaya wuod Amoz oneno e kinde mag loch Uzia gi Jotham, kod Hezekia, mane ruodhi Juda:

Motingʼo Loko Manyien

¹ Fweny ma wuoyo ewi Juda kod Jerusalem mane Isaya wuod Amoz oneno e ndalo loch Uzia gi Jotham gi Ahaz kod Hezekia mane gin ruodhi Juda.

Isaya 1:1 ပူးပေါင်းရင်းမြစ်များ

2 Ruodhi 15:1

E higa mar piero ariyo gabiriyo mar loch Jeroboam ruodh Israel, Uzia wuod Amazia nodoko ruodh Juda.

2 Ruodhi 15:13

E higa mar piero adek gochiko mar loch Uzia ruodh Juda, Shalum wuod Jabesh nokawo loch, morito piny due achiel, kodak Samaria.

2 Ruodhi 15:32

E higa mar ariyo mar loch Peka wuod Remalia ruodh Israel, Jotham wuod Uzia nodoko ruodh Juda.

2 Ruodhi 15:7

Uzia notho, moyike but kwerene e dala Daudi. Jotham wuode nodoko ruoth kare.

2 Ruodhi 18:1

E higa mar adek mar loch Hoshea wuod Ela ruodh Israel, Hezekia wuod Ahaz nodoko ruodh Juda.

2 Ruodhi 19:2

Nooro Eliakim ma jaduong’ ode gi Shebna ma jagoro kod jodolo madongo ir janabi Isaya wuod Amoz ka jorwako piende gugru,

2 Weche mag Ndalo 26:1

Jo-Juda duto noketo Uzia ruoth kar Amazia wuon mare, ka en jahigni apar gauchiel.

2 Weche mag Ndalo 26:22

Chakruok weche Uzia nyaka gikogi, Isaya janabi wuod Amoz ema nondiko.

2 Weche mag Ndalo 27:1

Jotham ne jahigni piero ariyo gabich kane odoko ruoth, morito piny kuom higni apar gauchiel, kodak Jerusalem. Min mare ne nyinge Jerusha nyar Zadok.

2 Weche mag Ndalo 28:1

Ahaz ne jahigni piero ariyo kane odoko ruoth, morito piny kuom higni apar gauchiel, kodak Jerusalem. To timbene ne ok long’o e nyim Ruoth Nyasaye kaka timbe Daudi kwar mare ne long’o.

2 Weche mag Ndalo 29:33

To mago mane okel ni mondo otimgo misengni mag erokamano ne ruedhi mia auchiel gi rombe alufu adek.

Zaburi 89:19

Chon nifwenyori ni jogi, miwachonigi niya, “Aseketo osimbo ewi jalweny marahuma.

Isaya 13:1

Ma e wach mane Nyasaye onyiso Isaya wuod Amoz kuom Babulon e fweny:

Isaya 2:1

Ma e wach mane Isaya wuod Amoz oyudo e fweny, ma wuoyo kuom Juda gi Jerusalem:

Isaya 20:2

E kindeno Ruoth Nyasaye nowacho ni Isaya wuod Amoz niya, “Gony pien gugru manie nungonino, kendo ilony wuocheni.” Isaya notimo kamano, mowuotho duk, gi tiende nono.

Isaya 21:2

Ne aneno kaka dala mandhogo ji, ondhogi. Ne awinjo ka Nyasaye jiwo jo-Elam kod jo-Media ni mondo odhi omonj Babulon kendo olwore, mondo sungane orum.

Isaya 37:2

Nooro Eliakim ma jaduong’ ode, gi Shebna ma jagoro kod jodolo madongo ir janabi Isaya wuod Amoz ka jorwako piende gugru,

Isaya 38:1

E ndalogo, Hezekia ne tuo, kendo ohewore. Janabi Isaya wuod Amoz nobiro ire, mowachone niya, “Ruoth Nyasaye owacho ni mondo ilam mwanduni ni yawuoti, nimar ibiro tho, ok nikwo.”

Isaya 40:9

In mikelo ni Sayun wach maber, idh wi got mabor, kendo ikogi matek. Ee, in mikelo ni Jerusalem wach maber, ting’ dwondi, ikogi matek ka ok iluor, kiwacho ni miech Juda niya, “Eri, Nyasachu ni ka.”

Isaya 6:1

E higa mane ruoth Uzia othoe, ne aneno Ruoth Nyasaye ka obet e kome moting’ore malo kendo moluor, ka lawe morwako opong’o Hekalu.

Isaya 7:1

E kinde mane Ahaz wuod Jotham ma nyakwar Uzia obet ruodh Juda, Rezin ruodh Aram kod Peka wuod Remalia ma ruodh Israel ne jodhi monjo Jerusalem, to kawe notamogi.

Jeremia 23:16

Ruoth Nyasaye Manyalo Gik Moko Duto wacho ji jo-Jerusalem niya, “Kik uwinj gima jonabi wachonu, nikech gimiyo ugeno kuom gik ma ok bi timore. Ginyisou gik ma giparo apara giwegi, to ok gik ma an ema awacho.

Ezekiel 1:1

Due abich, due mar ang’wen e higa mar piero adek, kane adak e bath aora Kebar kaachiel gi jo-Yahudi mane oter e tuech, polo ne oyawore, mi Nyasaye ofwenyorena.

Hosea 1:1

Kitabuni ondikie weche mane Ruoth Nyasaye onyiso Hosea wuod Beeri e ndalo loch ruodhi Juda ma Uzia gi Jotham gi Ahaz kod Hezekia, kendo e ndalo loch Jeroboam wuod Jehoash ruodh Israel.

Amos 1:1

Magi e weche Amos, mane achiel kuom jokwath ma nodak Tekoa. Nyasaye nofwenyone wechegi higni ariyo ka pok yiengni piny obetie, ka Uzia e ruodh Juda, to Jeroboam wuod Joash e ruodh Israel.

Amos 4:5

Chiwuru makati ma ok ketie thowi ka misango mar erokamano, kendo landuru wach, kusungoru kuom misengni muchiwo kuom herou! Nimar gima kamano ema bernu ka utimo.”

Mika 1:1

Kitabuni ondikie weche mane Ruoth Nyasaye omiyo Mika ja-Moresheth e fweny kuom Samaria gi Jerusalem e kinde loch Jotham gi Ahaz gi Hezekia, ruodhi mag Juda.

Nahum 1:1

Ma e fweny mane Nyasaye omiyo Nahum ja-Elkosh kuom dala mar Nineve.

Habakuk 2:2

Eka ne Ruoth Nyasaye odwoka kama: “Ndik wach mibiro yudo e fweny, kigoro maler e kite mopa, ma ng’ato nyalo somo mayot, mi ring nyis joma moko.

Kwan 12:6

kendo kane gibiro e nyime, nowachonigi niya, “Winjuru wechena: Ka de ni Musa en mana janabiu, to dafwenyorane, kendo dawuoyo kode e lek.

Kwan 24:16

kendo mawinjo weche Nyasaye. En wach ng’at mong’eyo rieko mar Ng’ama Duong’ Moloyo, ng’at ma wang’e oyepo, kendo ma neno fwenyruok moa kuom Ng’ama Nyalo Gik Moko Duto.

Kwan 24:4

kendo ma winjo weche Nyasaye. En wach ma ng’at ma wang’e oyepo, kendo ma neno fwenyruok moa kuom Ng’at ma Nyalo Gik Moko Duto.

Mathayo 17:9

To kane oyudo gilor gia e got, Yesu nokwerogi ni kik ginyis ng’ato hono ma giseneno, nyaka chop chieng’ ma ochierie Wuod Dhano, koa kuom joma otho.

Tich Joote 10:17

Kane Petro pod hum nono, kaparo tiend fweny mane oseneno, joote mane Kornelio ooro nochopo e dhorangach, bang’ penjo kuma Petro odakie.

Tich Joote 26:19

“Kamano, Ruoth Agripa, ne ok adagi winjo wach fweny mane ayudo koa e polono.

2 Jo-Korintho 12:1

Ochuna ni nyaka apakra, kata obedo ni ok kony gimoro kamano. To koro abiro wuoyo kuom fweny maseneno kod weche mopondo ma Ruoth oseelona.

2 Petro 1:21

nikech onge wach mane okor mana nikech dwaro mar dhano. To ji ne wacho wach moa kuom Nyasaye, mana kaka Roho Maler ne telonigi.