Hosea 9:8 - MUMA MALER 2015

⁸ Nyasaye oseora ka jonabi mondo asiem jo-Israel ma joge. Kamoro amora ma adhiye to uchikona obadho mana ka winyo. Kata mana e Hekalu mar Nyasaye bende wasika nitie.

Motingʼo Loko Manyien

⁸ Janabi, kaachiel gi Nyasacha e jarit mar Efraim, kata kamano obadho rite e yorene duto, kendo akweda bende rite e od Nyasache.

Hosea 9:8 ပူးပေါင်းရင်းမြစ်များ

1 Ruodhi 17:1

Elija ja-Tishbe modak e piny Gilead nowacho ni Ahab niya, “Gi nying Ruoth Nyasaye ma Nyasach Israel, kata tho ok nomok e lum, kata koth ok nochue e piny kuom hignigi, mak mana ka awacho.”

1 Ruodhi 18:1

Bang’ ndalo mang’eny, ka oro osebetie kuom higni adek, wach Ruoth Nyasaye nobiro ni Elija niya, “Wuogi mondo Ahab oneni nikech abiro kelo koth e piny.”

1 Ruodhi 18:19

Emomiyo koro or wach mondo jo-Israel duto obi, wachokre e got Karmel, kaachiel gi jonabi mia ang’wen gi piero abich mag Baal, kod mag Ashera mia ang’wen, ma Jezebel opidho.”

1 Ruodhi 22:11

Zedekia wuod Kenaana nosethedho tunge mag nyinyo morwako, mi nowacho niya, “Ruoth Nyasaye owacho kama: ‘Ibiro chwowo jo-Aram gi tungegi, nyaka itiekgi.’ ”

1 Ruodhi 22:22

Ruoth Nyasaye nopenje niya, ‘Ere kaka ibiro hoye?’ Nodwoke niya, ‘Abiro dhi bet roho mar miriambo e dho jonabini duto.’ Ruoth Nyasaye noyie ni, ‘Ee, in ema ibiro hoye, kendo iniloye. Dhiyo itim kamano.’

1 Ruodhi 22:28

To Mikaya nowacho niya, “Kiduogo kingima, to kara Ruoth Nyasaye ok osemiyo awuoyo!”

1 Ruodhi 22:6

Omiyo ruodh Israel nochoko jonabi ma dirom mia ang’wen, mopenjogi niya, “Adhi aked gi jo-Ramoth-gilead, koso awe?” Ne gidwoke niya, “Dhiyo, nikech Ruoth Nyasaye biro miyi dalano.”

2 Ruodhi 13:21

To chieng moro kane jomoko yiko ng’ato, ne gipo ka gineno wasigu kabiro, mi ne gibolo ringre ng’atno ei liend Elisha. To kane ringre ng’at mothono olwar kuom choke Elisha, chunye noduogo, mochung’.

2 Ruodhi 2:14

Nochwado pi gi law Elijano kowacho niya, “Ere Ruoth Nyasaye ma Nyasach Elija?” Kane osechwado pi kamano, pi nopogore koni gi koni, mi nong’ado aora.

2 Ruodhi 2:21

Eka nodhi e soko, moboloe kado, kowacho niya, “Ruoth Nyasaye owachoo kama: Aseloso pigni maber; chakre kawuono ok nokel tho, kendo ok nomon piny chiek.”

2 Ruodhi 4:41

To Elisha nowacho niya, “Kara keluru mogo.” Eka nokiro mogo e agulu, mowacho niya, “Koro tokuru ni ji mondo ochiem.” Mi ne giyudo ni gima rach koro onge e agulu.

2 Ruodhi 4:43

To jatichne nokone ni, “Ere kaka anyalo miyo ji mia achiel chiemo matin ni?” Elisha nomedo wacho ni, “Migi amiya, nikech Ruoth Nyasaye owacho ni ginichiem, mi chiemo moko nodong’.”

2 Ruodhi 5:14

Omiyo nolor modhi onimo e aora Jordan dibiriyo, kaka ng’at Nyasaye nowacho, mi nopwodhore, kendo dende noduogo mapakni ka dend nyathi matin.

2 Ruodhi 5:27

Omiyo koro dhoho mar Naaman biro maki, kaachiel gi nyikwayi nyaka chieng’” Mi Gehazii noa kanyo kosedoko radhoho, ma dende rachar ka pe.

2 Ruodhi 7:19

Jaduong’ lweny cha nosewacho ni ng’at Nyasaye niya, “Bende gini ditimre adier, kata da Ruoth Nyasaye yaw dirise polo?” To Elisha nosedwoke niya, “Ibiro neno gi wang’i to ok inichame.”

2 Ruodhi 7:2

Jaduong’ lweny ma nyagach ruoth nowacho ni ng’at Nyasaye niya, “Bende gini ditimre adier, kata da Ruoth Nyasaye yaw dirise polo?” To nodwoke niya, “Ibiro nene gi wang’i, to ok nichame!”

Zaburi 124:7

Wasetony mana ka winyo mobwodho e obadho. Obadho ne otur, kendo koro wan thuolo.

Eklesiastes 9:12

Ng’ato ok nyal ng’eyo sa ma kindene chopoe, nimar wachalo rech ma tol omako, kata winy ma omoko e wino. Adier, wamoko e sa marach ka ok wang’eyo kata matin.

Wer Mamit 3:3

Eka ne aromo gi jorit mag dala mi apenjogi niya, “Bende usenenonae jaherana?”

Isaya 62:6

A Jerusalem, aseketo jorit e ohinga mari. Ok giling’ odiechieng’ gotieno duto. Awachonigi niya, “Un joma paro ni Ruoth Nyasaye wach, kik uyue!

Jeremia 11:19

Ne achalo gi nyarombo mogol e abila, ka kia ni idwaro nego, kendo ne ok ang’eyo ni ichano gik marichogo kuoma. Ne giwacho niya, “Wanegeuru mondo nyinge olal nono.”

Jeremia 14:13

An to ne adwoke ni, “A Ruoth Nyasaye, donge ing’eyo ni jonabi wacho ni ji niya, ‘Kech kata lweny biro bedo maonge, nimar nisingori ni kue kende ema nobed e pinywa’?”

Jeremia 23:13

“Aseneno ni jonabi mag Samaria gin joma ofuwo. Ne gikoro weche e nying Baal, mi gimiyo joga Israel olal.

Jeremia 31:6

Adier, kinde biro ma jorito noluong ji gie gode mag Efraim niya, ‘Biuru wadhi Sayun ir Ruoth Nyasachwa!’

Jeremia 6:14

Gichalo jothieth mathiedho jotuo marachrach, mana ka gima ok gituo, nimar giwacho ni gik moko beyo, to chutho, gik moko ok beyo.

Jeremia 6:17

Ruoth Nyasaye noketo jorit mondo ka gigoyo tung’ to ji owinji. To ji nowacho niya, “Ok wanawinji.”

Ywagruok 2:14

Fweny mane jonabini oneno, mi onyisi, ne ok adier, to ne gin mana miriambo lilo. Ok ne ginyisi timbeni mamono, mondo ichak idhi maber kendo, to fweny ma gisenyisi gin mana weche manono ma wito ji.

Ywagruok 4:13

Mago notimore nikech richo mag jonabi mage, kendo nikech timbe mamono mag jodolone, mane ochuero remb joma kare.

Ezekiel 3:17

ka wachona niya, “Wuod dhano, adwaro mondo aketi jarit mar oganda Israel. Tiji biro bedo siemogi gi siem moro amora mamiyi.

Ezekiel 33:7

“Koro in, wuod dhano, aketi jarito mar oganda Israel duto. Tiji biro bedo siemogi gi siem moro amora ma amiyi.

Hosea 5:1

“Un jodolo, winjuru wachni! Chikuru itu, un jo-Israel. Winjuru un joka ruoth, nikech un ema onego ung’ad ni ji bura, to koro un ema ibiro ng’adnu bura. Usemiyo obadho omako jo-Mizpa, kendo uchalo gogo mamako ji ewi got Tabor.

Hosea 9:7

Kinde mar kum osechopo ma ng’ato ka ng’ato yudoe gima oromo gi timbene, kendo jo-Israel biro winjo! Uwacho niya, “Jonabi ofuwo! En janeko!” Un uchaya ahinya nikech richou lich.

Hosea 9:9

Usedonjo matut e richo mana kaka notimore Gibea. Nyasaye nopar richou, mi nokumu.

Mika 7:4

Kuom mano, kata mana timbegi mabeyo kendo modimbore obam, kendo chalo mana gi bunge motimo kuthe. To koro chieng’ ma Nyasaye kumogie osechopo, mana kaka jonabi mage ne osiemogi ni enotim. Omiyo koro kihondko omakogi.

Johana 15:24

Ka dine ok atimonigi honni ma ng’ato pok otimo, to da ok gibedo joketho. To giseneno gik matimo, to pod gimon amona koda kaachiel gi Wuora bende.

Jo-Rumi 3:7

Ng’ato bende nyalo wacho niya, “Miriambona osemiyo adiera mar Nyasaye onenore malong’o, kendo osekelone duong’. Koro ere gimomiyo pod ing’adona bura ni an jaricho?”

Jo-Hibrania 13:17

Winjuru wach jotendu, kendo timuru gik ma giwacho. Giritou odiechieng’ gotieno ma ok giyue, nikech nyaka ginyis Nyasaye wach kaka gisetiyo. Ka uluorogi, to gibiro tiyo gi mor to ka uchayogi to ginyalo tiyo ka gijur, to mano ok nyal konyou.