Hosea 9:7 - MUMA MALER 2015

⁷ Kinde mar kum osechopo ma ng’ato ka ng’ato yudoe gima oromo gi timbene, kendo jo-Israel biro winjo! Uwacho niya, “Jonabi ofuwo! En janeko!” Un uchaya ahinya nikech richou lich.

Motingʼo Loko Manyien

⁷ Kinde mag kum biro kendo kinde mag ngʼado bura osechopo. Omiyo jo-Israel nyaka ngʼe wachni. Nikech richou ngʼeny kendo kinyou lich miwuoro, janabi ikwano ka ngʼama ofuwo, to ngʼat matiyo gi much Nyasaye ka janeko.

Hosea 9:7 ပူးပေါင်းရင်းမြစ်များ

2 Ruodhi 9:11

Kane Jehu owuok, modok ir jodong ruodhe, ne gipenje niya, “Ere wach? Janekono nobiro iri nang’o?” Nodwokogi niya, “Ung’eyo kaka ng’atno wuoyo!”

Isaya 10:3

To unutim ang’o chieng’ mikumou, ka masira moa kuma bor omakou? Ere ng’ama nuring ire mondo okonyu? Koso ere kama un uweye nyithindu

Isaya 26:11

A Ruoth Nyasaye iselocho, to joricho ok ne mano. We gineye hera matut miherogo jogi, mondo wigi okuodi, kendo mach ma iseiko ni wasiki otiekgi!

Isaya 34:8

nimar Ruoth Nyasaye oseketo chieng’ ma obiro chuloe kuor. Adier, oseketo higa ma nokumie jo-Edom kuom gima ne gitimo ni Sayun.

Isaya 44:25

Ang’eyo jonabi mag miriambo kaachiel gi ranyisigi, bende akuodo wi ajuoke. Adwoko weche joma riek chien, kamiyo riekogi lokore gima nono.

Jeremia 10:15

Gin gik manono moromo chayo, kendo gibiro rumo, chieng’ ma Ruoth Nyasaye biro mondo otiekgi.

Jeremia 11:23

Onge kata ng’at achiel kuomgi ma nodong’, chieng’ ma achano ni akelo masira kuom jo-Anathoth.”

Jeremia 16:18

Abiro miyo gichul nyadiriyo kuom richogi gi timbegi mamono. Gisedwanyo pinya gi nyisechegi maonge gi ngima mana ka ringre joma otho, kendo gisepong’o piny gi nyisechegi mamono gogo.”

Jeremia 23:13

“Aseneno ni jonabi mag Samaria gin joma ofuwo. Ne gikoro weche e nying Baal, mi gimiyo joga Israel olal.

Jeremia 25:14

Ogendini mang’eny kod ruodhi madongo nolokgi wasumbini, kendo abiro chulonigi kuor kuom timbegi.’ ”

Jeremia 29:26

‘Ruoth Nyasaye ne oketi jadolo kar Jehoyada, kendo koro in e jatelo maduong’ e Hekalu, kuom mano, en tiji mondo ine ni ng’ato ang’ata ma janeko to wuondore ni en janabi to mondo otue gi nyororo kod chuma molworo ng’ute.

Jeremia 46:21

Jolweny ma jo Misri ondiko, bende omemore mana ka nyiroye mitueyo dala. Ne ok ginyono piny mondo gikedi, to giduto ne giwichore mi giringo, nikech ndalo ming’adonigie bura nosechopo, momiyo masira omakogi.

Jeremia 6:14

Gichalo jothieth mathiedho jotuo marachrach, mana ka gima ok gituo, nimar giwacho ni gik moko beyo, to chutho, gik moko ok beyo.

Jeremia 8:11

nimar giwacho ni gik moko dhi nyime maber to chutho gik moko ok dhi nyime maber. Kuom mano gichalo gi jothieth mathiedho jotuo marachrach, mana ka gima ok gituo.

Ywagruok 2:14

Fweny mane jonabini oneno, mi onyisi, ne ok adier, to ne gin mana miriambo lilo. Ok ne ginyisi timbeni mamono, mondo ichak idhi maber kendo, to fweny ma gisenyisi gin mana weche manono ma wito ji.

Ezekiel 13:10

“Jonabi wuondo joga, kanyisogi ni gik moko duto dhi maber, to kara gik moko ok dhi maber ngang’! Joga osegero ohinga mayomyom, to jonabi osebiro, momwone.

Ezekiel 13:3

An Ruoth Nyasaye awacho kama: Joma koro weche mag miriambo none malit! Ok giseneno fweny moro, to giwacho mana gima chunygi ema paro.

Ezekiel 25:17

Ji mamoko duto modak but nam Mediterenia kanyo bende abiro nego. Ka asechulonigi kuor kamano, eka gining’e ni an e Ruoth Nyasaye.”

Ezekiel 38:23

Mano e yo ma ananyisgo ogendini duto ni aduong’ kendo aler. Eka gining’e ni an e Ruoth Nyasaye.”

Ezekiel 9:10

Omiyo koro ok anawe ng’ato kata achiel, bende ok anakechgi.”

Hosea 14:1

Duoguru ir Ruoth Nyasachu un jo-Israel. Richou osemiyo uchwanyoru, mi upodho.

Hosea 5:9

Ruoth Nyasaye wacho niya, “Aseng’ado bura mak lokre ni, chieng’ mokumie jo-Israel, to ginirum pep.

Hosea 8:13

Gihero timo misengni, kendo gihero chamo ring misengnigo. To an Ruoth Nyasaye ok amor kodgi, kendo abiro paro richogi mi akumgi, ka adwokogi e piny Misri.

Hosea 9:8

Nyasaye oseora ka jonabi mondo asiem jo-Israel ma joge. Kamoro amora ma adhiye to uchikona obadho mana ka winyo. Kata mana e Hekalu mar Nyasaye bende wasika nitie.

Amos 8:2

Ruoth Nyasaye nopenja niya, “Amos, ineno ang’o?” Ne adwoke ni, “Aneno atonga moting’o olemo mochiek.” Eka ne Ruoth Nyasaye owachona niya, “Joga Israel bende ochiek ni yudo kum, kendo ok nachak awegi mak akumogi.

Mika 2:11

Aneno ni janabi ma ji ohero en mana ng’at ma lworore e kor gweng’, gi weche mag miriambo, kokoro ni ji ni gibiro yudo divai gi kong’o mang’eny.

Mika 7:4

Kuom mano, kata mana timbegi mabeyo kendo modimbore obam, kendo chalo mana gi bunge motimo kuthe. To koro chieng’ ma Nyasaye kumogie osechopo, mana kaka jonabi mage ne osiemogi ni enotim. Omiyo koro kihondko omakogi.

Zefania 3:4

Jonabi mage ne joyiem, kendo ne ok gin jonabi madiera, bende jodolo mage ne ok dew gik mowal ni Nyasaye, kendo ne giketho chik.

Mariko 3:21

Kane owetene owinjo wachno, ne giwuok mondo gidhi giome, nikech ji ne wacho ni neko osemake.

Luka 21:22

nimar mago nobed ndalo ma Nyasaye kumoe joge, mondo weche duto mondiki e Muma otimre.

2 Jo-Korintho 5:13

Ka neko omakowa, to en nikech Nyasaye, to ka parowa ni kare, to en nikech un,

Fweny 16:19

Dala maduong’ nobarore didek, kendo mich ogendini duto mae piny nomukore. Nyasaye noparo Babulon dala maduong’, mi ne omiyo omadho kikombe mar divai mar mirimbe mager!