Hosea 9:6 - MUMA MALER 2015

⁶ Ka masira obiro, mi ji oringo, jo-Misri norwakgi, to noyikgi mana Memfis! Mwandugi kod miechgi ma giseweyo to yugi kod kudho ema nopong’.

Motingʼo Loko Manyien

⁶ Kata ka gitony e kethruok, Misri nochokgi, kendo Memfis noikgi. Mwandu mag fedha noum gi pedo kendo kuthe noum hembegi.

Hosea 9:6 ပူးပေါင်းရင်းမြစ်များ

2 Ruodhi 13:7

Ruoth Nyasaye noweyo ni Jehoahaz mana jolweny alufu apar, gi joidh farese piero abich, kod geche lweny apar, nikech ruodh Aram nosetiekogi mi gichalo mana mihudhi.

Zaburi 107:34

Piny momew bende omiyo lokore piny motimo kado ma ok nyal pur.

Ngeche 24:31

Puothenego notimo kuthe kendo ogawore gi buya. Ohinga mane ochielgigo bende nosemukore.

Isaya 11:11

E kindego, Ruoth Nyasaye norie bade mondo odwok joge manok modong’ mapod Asuria gi Misri ma nyandwat kod ma milambo gi ma Ethiopia gi Elam, gi Babulon gi Hamath, kod mag pinje manie dhonam.

Isaya 19:13

Jotend Zoan ofuwo adier, kendo jodong Nof paro e chunygi giwegi ni giriek, to ok giriek. Kamano jotend dhout Misri osewito jogi.

Isaya 27:12

Chieng’no Ruoth Nyasaye nochoku un jo-Israel, achiel achiel, chakre aora Yufrate nyaka aora Nael, ka gima ookwanyo olemb yath moyiengi.

Isaya 32:13

Kudho kod pedo ema biro gawore e puothe joga, nimar ot ka ot ma yande mor nitie e dalau maduong’, nodong’ nono.

Isaya 34:13

Kudho ema noyugno e udi madongodongo man kuno, kendo aila kod pedo nogawre e mier mage mochiel gi ohinga. Enobed piny marach ma ondiegi ema nitie, kendo ma tula ema odakie.

Isaya 5:6

Kamano, anawe okethre. Bende ok nolwer bede olembene, kata doch ok nodoye, to kudho kod pedo ema nogawree, kendo anakwer boche polo mondo koth kik chak chue kanyo.

Isaya 7:23

E ndalogo puothe ma yande nitie mzabibu mang’eny ma nengogi tek nolokre bunge mogawore gi kuthe kod pedo.

Jeremia 2:16

Ee, jo-Memfis gi jo-Tapanes josetoyo pat wi jo-Israel.

Jeremia 42:22

Kuom mano nyaka ung’e ni lweny kata kech kata tuoche biro negou e piny ma udwaro dhi dakieno!”

Jeremia 44:1

Ruoth Nyasaye Manyalo Gik Moko duto kendo ma Nyasach Israel nowuoyo ni Jeremia kuom jo-Yahudi mane oyudo odak e miech Misri ma Migdol gi Tapanhes kod Memfis, kendo e gweng’ milambo mar pinyno, kowacho niya,

Jeremia 44:12

Kata mana jo-Juda modong’ moramo nyaka dhi dag e piny Misri, abiro tieko chuth. Lweny kata kech biro negogi duto e piny Misri. Ginilokre gima bwogo ji, mi ji nojargi, kendo noluong nyinggi ka gima okuong’.

Jeremia 44:13

Anakum joma odak Misri, mana kaka ne akumo jo-Jerusalem ka akelonigi lweny gi kech kod tuoche.

Jeremia 46:14

“Landuru wach e miech Misri ma Migdol gi Memfis kod Tapanhes, mondo giikre gisir wasikgi, nimar lweny oseketho kuonde machiegni kodu.

Jeremia 46:19

“Un jo-Misri, ikreuru mondo oteru e tuech! Memfis ibiro loko gunda, mi nobed thim ma onge ng’ama odakie.

Ezekiel 30:13

Ruoth Nyasaye wacho niya, “Abiro tieko nyiseche manono man Memfis, mi onge ng’ato ma nochak obed ruodh Misri kendo. Bende anago ji duto modak kuno gi kihondko.

Ezekiel 30:16

kendo nawang’ Misri gi mach, mi Pelisium chandre malit. Ohinga mar Thebes ibiro muko, mi pi pong’ dala.

Hosea 10:8

Kuonde moting’ore ma jo-Israel timoe richo ka gilamo nyisechegi manono ibiro ketho. Kuthe gi buya ema biro twi ewi kendegi mag misango. Ji nowach ni gode niya, “Umwauru!” Kendo giniwach ni pidhe ni, “Ruombreuru kuomwa!”

Hosea 11:11

Gibiro wuok Misri ka gihuyo mana ka winy, kendo gibiro wuok Asuria matek mana ka akuche, mi anachak adwokgi e miechgi. An Ruoth Nyasaye ema awacho kamano.”

Hosea 2:6

“Kuom mano yo mokadhoe abiro dino gi kudho, kendo abiro gero ohinga ogeng’ yo moluwo, mondo kik ochak oluw yorene machon.

Hosea 7:11

Jo-Israel chalo gi akuru mofuwo. Giluongo jo-Misri mondo okonygi, to kendo giringo gidhi e piny Asuria.

Hosea 7:13

“Gidiwo, nimar giseweya mi gipiem koda, omiyo ibiro tiekgi. Ne adwaro resogi, to giwacho miriambo kuoma.

Hosea 7:16

Gisiko ka giweya, kendo gidok ni nyiseche maonge teko. Ok nyal gen-gi, nikech gichalo gi atung’ mobam. Ibiro nego jotendgi e lweny nikech gisungore, mi jo-Misri nonyiergi.”

Hosea 8:13

Gihero timo misengni, kendo gihero chamo ring misengnigo. To an Ruoth Nyasaye ok amor kodgi, kendo abiro paro richogi mi akumgi, ka adwokogi e piny Misri.

Hosea 9:3

Jo-Israel ok nodong’ e piny Ruoth Nyasaye, to ginidog Misri, kata ginidhi Asuria kuma ginichamie chiemo mamiyo gibedo mogak.

Tim jo-Lawi 26:33

Anakeu e kind ogendini, kendo nakel lweny kuomu mi pinyu nodong’ gunda, kendo miechu nokethre chuth.

Zefania 1:11

kendo ji modak e dala mamwalo noywagi, nimar joohala duto orumo, kendo joma loko ohand fedha otiek pep.

1 Samuel 13:6

To kane jo-Israel oneno ka wach otamo wang’gi, nikech nothung’gi ahinya, ne gipondo kamoro amora mane ginyalo tonyie, kaka buche gi bunge gi bugni kod sokni, kendo e kind lwendni.