Hosea 9:17 - MUMA MALER 2015

¹⁷ Ruoth Nyasacha biro jwang’o joge nikech ok gisewinje. Gibiro bedo joma bayo abaya e kind ogendini.

Motingʼo Loko Manyien

¹⁷ Nyasacha nokwedgi nikech ok gisewinje, ginibedi joma tangni e dier ogendini.

Hosea 9:17 ပူးပေါင်းရင်းမြစ်များ

2 Weche mag Ndalo 18:13

To Mikaya nodwoke niya, “Akuong’ora gi nying Ruoth Nyasaye ni gima Nyasaye owachona ema abiro wacho.”

2 Weche mag Ndalo 36:16

To ne gimedo charo joote Nyasaye, ka gichayo wachne, kendo ginyiero jonabi mage, nyaka Ruoth Nyasaye nokecho kodgi, ma koro ne ok ginyal konyo.

Nehemia 5:19

A Nyasacha, par gik moko duto masetimo ni jogi, kendo iguedha.

Zaburi 31:14

To an aketo genona kuomi, A Ruoth Nyasaye, kendo awacho ni, “In e Nyasacha.”

Ngeche 29:1

Ng’at ma wiye medo bedo matek, kata ka osekwere, nopo mana ka otur ma ok chomre.

Isaya 48:18

Dine bed ni uwinjo chikena, to hapu domol ka aora, kendo pok muyudo kuom timu makare dotiak ka pi nam.

Isaya 7:13

Bang’e Isaya nowacho niya, “Un joka Daudi, chikuru itu. Olo chuny ji ma uolo pok oromou koso, ma pod udwaroe mana olo Nyasacha bendeni?

Jeremia 6:30

Emomiyo ibiro luongo joga ni fedha mowe, nikech an Ruoth Nyasaye aseweyogi.”

Jeremia 7:13

To koro usetimo richogo duto! Kata obedo ni ne akawo chandruok, mi aloso kodu, to ne ok udewa, bende kane aluongou, to ne ok uyiena.

Jeremia 7:15

Abiro riembou mondo ua e wang’a mana kaka ne ariembo oweteu ma jo-Efarim duto te.

Hosea 4:10

Ka gichiemo, to ok giniyieng’. Gilamo nyasach nyodo, to kata kamano ok ginywol nyithindo, nikech giseweya, kendo gilamo nyiseche mamoko.

Hosea 4:6

Un joga, osetieku, nikech ok uyie lochna. Jodolo mau osedagi yie kuoma, kendo gisetamore puonjna. Omiyo adagi ni un gi yawuotu ok ubed jodolona.”

Hosea 7:13

“Gidiwo, nimar giseweya mi gipiem koda, omiyo ibiro tiekgi. Ne adwaro resogi, to giwacho miriambo kuoma.

Amos 8:2

Ruoth Nyasaye nopenja niya, “Amos, ineno ang’o?” Ne adwoke ni, “Aneno atonga moting’o olemo mochiek.” Eka ne Ruoth Nyasaye owachona niya, “Joga Israel bende ochiek ni yudo kum, kendo ok nachak awegi mak akumogi.

Amos 9:9

To anagol chik, mi anapiedh jo-Israel e kind ogendini duto, ka cham mipiedho e odheru, kendo kata wang’ cham achiel ok nolwar piny.

Mika 7:7

An to abiro manyo Ruoth Nyasaye. Abiro rito Nyasaye jawarna, kendo Nyasacha biro winjo wachna.

Zekaria 1:4

Kik ubed machal gi kwereu mane jonabi machon ywaknigi kawacho ni, ‘Ruoth Nyasaye Manyalo Gik Moko Duto wacho niya, “Weuru yoreu maricho kod timbeu mamono mondo uduog ira.” ’ To ne ok gichiko itgi kata dewo wechena ne ok gidewo. An Ruoth Nyasaye ema awacho kamano.

Johana 20:17

To Yesu nowachone ni, “We maka, nikech pok aidho adhi ka Wuora, to dhiyo ir owetena, mondo iwachnigi ni, an aidho adhi ka Wuora ma bende Wuonu. Adier, adhi ka Nyasacha ma Nyasachu.”

Johana 20:28

To Thoma nodwoke ni, “Ruodha, kendo Nyasacha!”

Johana 7:35

Jodong jo-Yahudi nopenjore kendgi niya, “Kanye modwaro dhiye ma ok wanyal nwang’ee? Koso odwaro dhi kuom jo-Yahudi modak e pinje joma ok jo-Yahudi mondo opuonj joma ok jo-Yahudi?

Tich Joote 3:23

To ng’at ma ok owinjo wach janabino, nogol oko kuom jo Nyasaye mi tiek chuth.’

Rapar mar Chik 32:26

Naparo ni mondo ang’adgi matindotindo, kendo atiekgi ma ok nochak opargi.

Rapar mar Chik 4:25

“Ka usedak e pinyno aming’a munywolo nyithindu gi nyikwau, to beduru motang’ mondo kik udonj e richo kuom loso kido moro amora maket.

Rapar mar Chik 4:27

Ruoth Nyasaye noriembu, kendo nokeu e kind ogendini mamoko, mi nudong’ ji manok e kindgi.

Jo-Filipi 4:19

Nyasacha nomiu gik moko duto muchando, kogolo kuom mwandune man gi duong’, kuom Kristo Yesu.

Jakobo 1:1

An Jakobo, misumba Nyasaye kod Ruoth Yesu Kristo, amoso jo-Nyasaye duto ma oseke e piny ngima.