Hosea 9:11 - MUMA MALER 2015

¹¹ Duong’ mar Israel biro huyo ka winyo, mi lal nono, kendo ok ginichak ginywol nyithindo, kata bedo mayach mondgi ok nochak obedi. Onge nyathi ma nomak ichne.

Motingʼo Loko Manyien

¹¹ Duongʼ mar Efraim noweye mana ka winyo ma huyo mi lal nono, omiyo ok ginichak ginywol nyithindo, mondegi ok nobed ma yach kendo onge nyathi manomak ichne.

Hosea 9:11 ပူးပေါင်းရင်းမြစ်များ

Chakruok 41:52

Nowacho bende niya, “Nyasaye osemiya nyithindo e piny ma nachandorae.” Omiyo nochako wuode mar ariyo ni Efraim, (tiende ni, omiya nyithindo).

Chakruok 49:22

“Josef en yath mopidh e bath thidhiya, manyago olemo mogundho kendo ma bedene lawore e kor ohinga.

2 Samuel 6:23

Mikal nyar Saulo ne ok onywolo nyathi nyaka thone.

Ayub 18:5

Ng’at ma timbene richo biro nego tache, kendo maye ok nochak oliel.

Zaburi 58:8

Mad gichal gi ndach kamnio maleny, kendo lal nono, kata mad gichal gi nyathi monywol kosetho, ma ok oneno chieng’.

Eklesiastes 6:3

Ng’ato nyalo bedo gi nyithindo mia achiel, mi odag higni mang’eny. To kata da bed ni odak aming’a machal nadi, to ok oyudo mor kuom gik ma en go, kendo ok oyike maber ka otho, to oneno ni nyathi ma obuogi kosetho ber moloye.

Isaya 17:3

Piny Israel ok nochak oobed gi dala mochiel motegno, bende Damaski ok nochak obed gi ruoth, kendo jo-Aram manok modong’ noneg duto, nimar duong’gi nolal nono, mana kaka duong’ mar Israel biro lal. Mago e weche mag Ruoth Nyasaye Manyalo Gik Moko Duto.

Hosea 10:5

Kihondko nomak joma odak Samaria, kendo giniywag nyaroya molos gi dhahabu man Bethel. Gin kaachiel gi jodolo matiyo ni nyasaye manonono noywag koneno ka itero girgi ma gigeno kuome Asuria

Hosea 4:7

“Kaka jodolo medore e kaka gimedo timo richo e nyima. Abiro loko nying maber ma gin go obed nyiero.

Hosea 5:9

Ruoth Nyasaye wacho niya, “Aseng’ado bura mak lokre ni, chieng’ mokumie jo-Israel, to ginirum pep.

Hosea 9:14

A Ruoth Nyasaye, ang’o ma dwakwayi mondo imi jogi? Migi iye ma ok onywolo nyithindo, kendo thuno ma ok gol chak.”

Amos 1:13

Ruoth Nyasaye owacho niya, “Jo-Amon osetimo richo mang’eny, omiyo abiro kumogi mak orem, nikech wuoch lowo nomakogi, mi giriedo iye mon mayach e piny Gilead.

Luka 23:29

nikech ndalo biro ma ji nowachie ni, ‘Mano kaka mon maonge nyithindo gin johawi! Adier, mon ma ok onywol, kendo ma thundegi ok odhodhi gin johawi!’

Rapar mar Chik 28:18

Nokuong’u kuom nywol kendo kuom cham kod kuom jamni.

Rapar mar Chik 28:57

mi notamre pogonigi bieche kata mana nyathi mosenywolo, nikech chandruok malich ma wasigu biro kelone e ndalo ma giluoroe miechu duto.

Rapar mar Chik 33:17

Dhoode nochal gi nyarwath makayo, ma tungene chalo gi tung jowi, ma obiro chwowogo ogendini, moriembgi nyaka tung piny gi tung’ piny. Tungego gin gi ji tara gi tara ma jo-Efraim, kod ji gana gi gana ma jo-Manase.”