Hosea 9:10 - MUMA MALER 2015

¹⁰ Ruoth Nyasaye wacho niya, “Kane akuongo yudo Israel, to yudogino ne chal mana gi yudo mzabibu ma e thim. Ee, kane akwongo neno kwereu, nenogino ne chal mana gi neno ng’owo mochiek atamalo. To kane gibiro Baal-peor, ne gichako lamo kido manono makuodo wich, omiyo ne amon kodgi mana kaka ne amon gi kido manono mane giherono.

Motingʼo Loko Manyien

¹⁰ “Kane ayudo Israel ne ochalo mana kayudo olemb mzabibu e piny motwo, kane aneno kwereu, ne chalo mana ka gima aneno olemo monyak mokwongo mar ngʼowu. To kane gibiro Baal Peor, negichiwore lamo nyiseche manono makwodo wich, kendo negibedo modwanyore mana ka gima ne giherono.

Hosea 9:10 ပူးပေါင်းရင်းမြစ်များ

1 Ruodhi 16:31

Ok noluwo mana richo mag Jeroboam kende, to gima rachie moloyo mane otimo, en ni nokendo Jezebel nyar Ethbaal ruodh jo-Sidon, kendo notiyo ni Baal, kolame.

2 Ruodhi 17:11

Ne giwang’o ubani kuondego duto, kaka ogendini mane Ruoth Nyasaye oriembo e pinyno ne timo, kendo ne gitimo timbe mamono, mane omiyo Ruoth Nyasaye mirima.

Zaburi 115:8

Joma loso kidogo, kaachiel gi jogo mogeno kuomgi, chalo mana gi kido mane gilosogo!

Zaburi 81:12

Kuom mano, ne aweyogi mondo gidhi, ka wigi tek kamano, mondo gitim mana gik ma gin giwegi ema gidwaro.

Wer Mamit 3:6

Mano ang’o mawuok e thim ka iro madhuolore, machalo ich ubani miwang’ono, kata machalo poda ma johala kelo?

Isaya 28:4

mi duong’ne biro rumo ka maua moner, kata ka olemo mokwongo chiek, ma ng’ato ang’ata moneno, to pono chamo ka rikni.

Jeremia 11:13

Jo-Juda nigi nyiseche mang’eny mana ka miechgi, kendo joma odak Jerusalem bende oseloso kende-mag-misango mang’eny, mana moromo gi yore mag dalagi, mondo gitimie misengni ni Baal.

Jeremia 24:2

Atonga achiel noting’o ng’owo mabeyo machiek atamalo, to atonga machielo noting’o ng’owo maricho ma ok nyal cham.

Jeremia 3:24

“ ‘Chakre tindowa, gik moko duto ma wuonewa osetiyo moyudo, kaka jamni kod yawuowi gi nyiri, oselalnwa kuom lamo Baal, nyasach wichkuot.

Jeremia 3:25

Onego wanind piny ka wiwa okuot, kendo ka timbewa maricho oumowa. Wan kaachiel gi kwerewa waseketho e nyim Ruoth Nyasaye ma Nyasachwa, chakre tindowa, kendo ok wasewinjo wachne.’ ”

Jeremia 31:2

“Ne atimo ng’wono e thim ni joma ne otony ma ok otho e lweny. Jo-Israel ne gombo yudo yueyo,

Jeremia 5:31

Jonabi koro weche mag miriambo, jodolo bende chwakogi, to kendo mano e gima joga ohero! To gibiro timo ang’o, chieng’ ma gigo orumo?

Ezekiel 20:8

“To ne gipiem koda, mi gitamore winja. Ne ok giwito nyiseche modwanyore mag Misri, kata weyo lamogi ne ok giweyo. Kuom mano, ne achano mondo atiekgi gi mirimba mager e piny Misri kuno.

Hosea 11:1

“Kane Israel pod tin, ne ahere. Naluongo wuoda mondo oa Misri.

Hosea 13:5

Ne aritou e thim, piny motwo motimo ongoro.

Hosea 2:15

Anachak adwokne puothene mag mzabibu, kendo nalok Holo Thagruok odok dhoranga geno. Ka aluonge, to nodwoka mana kaka ne odwoka kapod oyom, e kinde mane owuok oa e piny Misri.

Hosea 4:14

To ok nakumgi kuom timbegigo nimar un uwegi ema undhogoru gi mon ma jochode mag hekalu, kendo utimo ni Baal misengni kaachiel kodgi. To ‘Oganda mofuwo yudo masira’, mana kaka ngero wacho.

Hosea 4:18

kendo gin e kanyakla mar jomer. Gidhi nyime gi timbegi mag chode, kendo gihero wichkuot moloyo nying maber.

Amos 4:5

Chiwuru makati ma ok ketie thowi ka misango mar erokamano, kendo landuru wach, kusungoru kuom misengni muchiwo kuom herou! Nimar gima kamano ema bernu ka utimo.”

Mika 7:1

A yaye! Koro achalo ng’ama kech kayo, mobiro pono olemo, to oyudo ka yath odong’ nono, ma onge olemo minyalo cham kata mana ng’owo mamitna manyak atamalo.

Kwan 15:39

Kamano e kinde duto ma unenoe usi mominno, to nupar chike duto mag Ruoth Nyasaye mi unumakgi, kendo ok unuluw yore maricho ma wengeu gi chunyu nyalo teroue.

Kwan 18:13

Olembe duto mokwong pon e pinyu, mokel ni Ruoth Nyasaye nobed mau. Ng’ato ang’ata ma e odi ma ok ogak nyalo chamogi.

Jo-Rumi 6:21

To ere ohala mane uyudo kuom timo gik ma koro miyou wichkuotgi? Giko mar gigo en mana tho.

Rapar mar Chik 32:10

Noyudo ogandano e thim malich ma ondiegi rutoe, mi nolworogi koni gi koni, moritogi maber.

Rapar mar Chik 32:17

Ne gitimo lisweche ni jochiende ma ok Nyasaye, kendo ni nyiseche ma ok ging’eyo, ma kata mana kweregi bende ne ok ong’eyo.

Rapar mar Chik 4:3

Nuneno gi wang’u gima Ruoth Nyasaye ma Nyasachu notimo Baal-peor. Nonego jou moko duto mane lamo Baal ma nyasach Peor.

Jong’ad Bura 6:32

Chieng’no nochak Gideon ni Jerubaal, (tiende ni, ‘We Baal owach wechene owuon’,) nimar Joash nosewacho ni, “We Baal owach wechene owuon, kodonjo ni ng’atno kuom muko kendone-mar-liswa.”