Hosea 8:7 - MUMA MALER 2015

⁷ “Jo-Israel chwoyo yamo, to gikayo mana kalausi. Gin gi cham ma ok wuodhi, omiyo gionge gi mogo. To kapo ni onyago cham, to jopinje mamoko dichame, mi tieke.

Motingʼo Loko Manyien

⁷ “Gichwoyo yamo to gikayo kalausi. Gin gi cham ma ok ket wiye; kendo ok onyal kelo mogo. To kane onyalo nyago cham, to jopinje mamoko dochame duto.

Hosea 8:7 ပူးပေါင်းရင်းမြစ်များ

Chakruok 41:23

To wi ngano abiriyo moko motho, kendo ma yamb oro otwoyo, nowuok bang’gi.

2 Ruodhi 15:19

Ndalogo ema Pul ruodh Asuria nomonjoe e piny Israel, to Menahem nomiyo Pul fedha moromo kilo alufu mia adek, mondo Pul okonye jiwo lochne obed motegno.

2 Ruodhi 15:29

E ndalo mag loch Peka ruodh Israel, Tiglath-pileser ruodh Asuria nobiro, mokawo Ijon gi Abel-bethmaaka gi Janoa gi Kedesh gi Hazor gi Gilead kod Galili. Kamano nokawo piny Naftali duto, motero jopinyno nyaka Asuria e tuech.

Ayub 4:8

Aseneno ni joma puro richo, kendo chwoyo timbe maricho kayo mana gik ma kamago.

Ngeche 22:8

Ng’at matimo timbe mamono nyaka yud masira, kendo e giko ibiro kume mager.

Eklesiastes 5:16

Mano gima lit ahinya. Wadhi mana kaka ne wabiro. Ere gima wayudo kuom tich manono mwachandorego?

Isaya 17:11

bende kata obedo ni umiyo chamgo twi mana chieng’ ma upidhogieno, mi kinyne githiew, to unuka mana chandruok kod rem ma ok rum!

Isaya 55:2

Ere gima omiyo ung’iewo chiemo ma ok konyu, kuketho mwandu kuom gima ok nyal yieng’ou? Ka uchiko itu, mi uwinjo gima awacho, to ubiro chamo chiemo mabeyo, mi uwinj ndhath gima uchamo.

Isaya 66:15

Neuru kaka Ruoth Nyasaye biro ei mach, ka gechene mag lweny chalo kalausi, mondo osand ji gi mirimbe mager ka mach makakni.

Jeremia 12:13

Joga pidho ngano, to kuthe ema gikayo. Gisetiyo matek, to ok giyud gimoro. Pinygi otho nikech mirimba mager.”

Ywagruok 5:2

Jopinje mamoko osekawo pinywa gi miechwa.

Hosea 2:9

Omiyo e ndalo keyo, to anakaw cham gi divai mane amiye, kaachiel gi yie rombe gi pamba mane amiye mondo ochwego nanga orwaki.

Hosea 7:9

Winjruok ma gin-go gi jopinje mamokogo osemayogi teko, to ok ging’eyo. Bende ok ging’eyo ni wigi osetimo lwar.

Hosea 9:16

Jo-Israel chalo gi yath ma tiendene osetwo kendo ok nyag olemo. Ok gininywol nyithindo, to kata kapo ni ginywolo, to ananeg nyithindgi ma gihero ahinyago.”

Nahum 1:3

Iye ok wang’ piyo, to en gi teko mathoth. Chutho ok onyal weyo joricho mak okumo. En gi yore moluwo ei kalausi kendo ei ahiti, bende boche polo e buru monyono.

Hagai 1:6

Usechuoyo mathoth, to ukayo matin, bende uchiemo to ok uyieng’. Umetho to ok romu, kendo urwakoru to koyo pod chamou achama. Jatich tiyo kendo chamo msara, to oketo pesane mana e mifuko motuch.

Jo-Galatia 6:7

Kik uwuondru, nikech ok unyal wuondo Nyasaye! To ng’euru ni ng’ato ka ng’ato noka mana gima ochwoyo.

Jo-Galatia 6:8

Ng’at ma ochuoyo kuom gombo mag ngima dhano, noka tho kuom ngima mar dhano, to ng’ama ochuoyo kuom Roho, noka ngima mochwere kuom Roho.

Rapar mar Chik 28:33

“Oganda moro ma ok ung’eyo nocham gik monyak e puotheu, kendo unubed joma othir malich e ngimau duto.