Hosea 8:13 - MUMA MALER 2015

¹³ Gihero timo misengni, kendo gihero chamo ring misengnigo. To an Ruoth Nyasaye ok amor kodgi, kendo abiro paro richogi mi akumgi, ka adwokogi e piny Misri.

Motingʼo Loko Manyien

¹³ Gichiwo misengni mokelna kendo gichamo ring misenginigo, to Jehova Nyasaye ok mor kodgi. Omiyo sani obiro paro anjawo ma gitimo kendo enokumgi kuom richogi. Ginidogi Misri.

Hosea 8:13 ပူးပေါင်းရင်းမြစ်များ

Wuok 20:3

“Kik ubed gi Nyasaye moro, to mak mana an.

Wuok 32:34

Koro dhiyo mondo itel ni ji nyaka kuma nasenyisi. Malaikana notel nyimi, to kinde biro chopo ma anakumgie kuom richogi.”

Ngeche 21:27

Ruoth Nyasaye mon gi misango ma joricho timone, to moloyo kotimne misangono gi paro marach.

Isaya 1:11

Openjou niya, “Ere ohala mar timona misengni mogundho? Aol gi misengni mag imbe miwang’o pep, kaachiel gi boche mag jamni machwe. Bende ok agomb remb ruedhi gi mag rombe kod mag nyuogi.

Jeremia 14:10

Ruoth Nyasaye wuoyo kuom jogi niya, “Gihero ringo weya kamano, kendo gibayo kamoro amora ma gihero. Kuom mano, ok amor kodgi, to aparo richo ma gisetimo, kendo abiro kumogi nikech richogigo.”

Jeremia 6:20

Ere tiende kelona ubani moa Sheba, kata gik mang’ue ng’ar moa e pinje maboyo? Ok anayie misengni miwang’o pep, kendo ok anabed mamor gi misengni mamoko ma gitimona.”

Ezekiel 29:16

Kamano jo-Israel ok nochak oket genogi kuomgi. Masira momako Misrino nonyis jo-Israel kaka ne giketho ka giketo genogi kuom jo-Misri. Bang’e jo-Israel nong’e ni an e Ruoth Nyasaye.”

Hosea 11:5

To gisedagi duogo ira, omiyo nyaka gidog Misri, kendo gibiro bedo e bwo loch jo-Asuria.

Hosea 12:11

Jo-Israel lamo kido manono Gilead, to joma lamo gik ma kamago biro tho. Gitimo misengni gi ruedhi Gilgal, emomiyo kende-mag-misango biro lokore, mi dok tuche mag kite manie puothe.”

Hosea 4:9

Jodolo kod ji nokum mana machalre! Abiro kumogi, ka achulogi kuom richo ma gitimo.

Hosea 5:6

Gidhi gi jambgi mondo gitimgo misengni ni Ruoth Nyasaye, to ok ginyal yude, nikech oseweyogi.

Hosea 6:6

nimar gima adwaro moloyo en hera mosiko, to ok misengni. Ber ka joga ong’eya, moloyo ka gitimona misengni miwang’o.

Hosea 7:11

Jo-Israel chalo gi akuru mofuwo. Giluongo jo-Misri mondo okonygi, to kendo giringo gidhi e piny Asuria.

Hosea 7:16

Gisiko ka giweya, kendo gidok ni nyiseche maonge teko. Ok nyal gen-gi, nikech gichalo gi atung’ mobam. Ibiro nego jotendgi e lweny nikech gisungore, mi jo-Misri nonyiergi.”

Hosea 7:2

Ok gipar ni wiya ok nyal wil gi richo duto ma gitimo. Richogi olworogi, kendo ok nyal tama neno.”

Hosea 9:6

Ka masira obiro, mi ji oringo, jo-Misri norwakgi, to noyikgi mana Memfis! Mwandugi kod miechgi ma giseweyo to yugi kod kudho ema nopong’.

Hosea 9:7

Kinde mar kum osechopo ma ng’ato ka ng’ato yudoe gima oromo gi timbene, kendo jo-Israel biro winjo! Uwacho niya, “Jonabi ofuwo! En janeko!” Un uchaya ahinya nikech richou lich.

Hosea 9:9

Usedonjo matut e richo mana kaka notimore Gibea. Nyasaye nopar richou, mi nokumu.

Amos 3:2

kendo un ema aseng’eyou kendo ritou kuom ogendini duto manie piny. Kuom mano abiro kumou kuom richou duto.

Amos 5:22

Ka utimona misengni miwang’o pep, kod misengni mag cham, to ok nayiego, bende ok narang jambu mutimogo misengni mag sawo.

Amos 8:7

Jo-Ruoth Nyasaye ma Nyasach joka Jakobo osekuong’ore ni wiye ok nowil gi timbegi maricho.

Luka 12:2

Onge gimoro amora mopandi ma ok nong’ere achien, kendo onge wach moro maling’ling’ ma ok nofwenyre.

1 Jo-Korintho 11:20

Ka uchokoru kaachiel, to gima uchamo ok en Sap Ruoth,

1 Jo-Korintho 11:29

nikech ng’at mochamo makatino kendo ometho e kikombeno ka ok odewo ni gin ringre Ruoth, to okelo bura kuome owuon, kuom chiemo kendo metho kamano.

1 Jo-Korintho 4:5

Omiyo kik ung’ad ni ng’ato bura ka kinde moketi pok ochopo, to rituru biro mar Ruoth, nikech en ema nogol e lela weche mopandi e mudho, kendo noel paro mag chuny dhano. Eka Nyasaye nomi ng’ato ka ng’ato pak mowinjorego.

Rapar mar Chik 28:68

Ruoth Nyasaye nodwoku Misri gi yiedhi, kata obedo ni nosingore ni ok nudog kuno kendo. Unuhonru ni wasiku mondo ong’iewu ka wasumbni, to onge ng’ama nong’iewu.”

Fweny 16:19

Dala maduong’ nobarore didek, kendo mich ogendini duto mae piny nomukore. Nyasaye noparo Babulon dala maduong’, mi ne omiyo omadho kikombe mar divai mar mirimbe mager!

1 Samuel 15:22

To Samuel nopenje niya, “Iparo ni Ruoth Nyasaye ohero chiwo kod misengni moloyo mako chikene koso? Ooyo, mako chik ber moloyo misango, kendo chiko it ber moloyo boche imbe.