Hosea 7:9 - MUMA MALER 2015

⁹ Winjruok ma gin-go gi jopinje mamokogo osemayogi teko, to ok ging’eyo. Bende ok ging’eyo ni wigi osetimo lwar.

Motingʼo Loko Manyien

⁹ Ogendini tieko tekone, to ok ofweny. Lwar okuorore e yie wiye, to ok ongʼeyo.

Hosea 7:9 ပူးပေါင်းရင်းမြစ်များ

2 Ruodhi 13:22

Hazael ruodh Aram ne thago jo-Israel ndalo duto mag loch Jehoahaz.

2 Ruodhi 15:19

Ndalogo ema Pul ruodh Asuria nomonjoe e piny Israel, to Menahem nomiyo Pul fedha moromo kilo alufu mia adek, mondo Pul okonye jiwo lochne obed motegno.

Ngeche 23:35

Bang’e iniwach niya, “Nyaka bed ni ng’ato osechwada, to ok anyal paro gima osetimorena. Nyaka bed ni osegoya, to kata kamano ne ok awinjo kigoya. Ere kaka anyalo chung’ mondo adog ameth kendo?”

Isaya 1:7

Pinyu odong’ gunda, kendo miechu mach osewang’o, bende jopinje moko nono mayou chambu mana e wang’u kuneno. Adier, odong’ gunda, mana kaka Sodom nodong’, kosekethi.

Isaya 48:8

Chutho ne ok ung’eyogi, bende ne ok uwinjogi, nikech ne ok uyawo itu chon, nimar ne ang’eyo ni un joma andhoga ma ok nyal gen, kendo ma jopiem nyaka ne a e ich.

Isaya 57:1

Ji makare tho, to onge ng’ama dewo. Bende joma oyie kuom Nyasaye iwito kucha, to onge ng’ama penjo. Adier, richo ema yueyo joma kare oko,

Hosea 4:6

Un joga, osetieku, nikech ok uyie lochna. Jodolo mau osedagi yie kuoma, kendo gisetamore puonjna. Omiyo adagi ni un gi yawuotu ok ubed jodolona.”

Hosea 8:7

“Jo-Israel chwoyo yamo, to gikayo mana kalausi. Gin gi cham ma ok wuodhi, omiyo gionge gi mogo. To kapo ni onyago cham, to jopinje mamoko dichame, mi tieke.